[font=Arial]الموضوع واضح من عنوانه اقروا انواع الشخصيات و كل وحده تقول شخصيتها ...
1- الكشيخه:
هاذي من تشم ريحة طلعة تروح تطق لك الميك آب وذاك اللبس الزين وتقعد تكشخ وتستشور في هالشعر
يعني مايهمها رايحه السوق ..الجامعة.. زيارة عائلية ...كاشخه كاشخه لو انشاء الله تاخذ لفة بالفريج .
2-الدلوعه :
الدلع غريزة في البنت .. يعني البنت اذا محد دلعها .. تدلع نفسها عادي ماتعوق معها بس فيه دلع عن دلع
الدلع اللي يي على طبيعته..يااااااحلوه
بس الدلع المصطنع .. ويييييع يلوع الكبد .. ودك تشوتها إذاجت تتكلم.
3- النصابه :
(عاد هالفئه شكثر قاهريييني ودي أفحط في بطونهم )
هاذي الكذب عندها ماشي سوقه ..تجيب لكم ذيك الصواريخ وتدري انكم ماتصدقونها بس ماعليها من أحد
( فلانه ليش ماشريتي موبايل كاميرا تقولك والله انا شايفه موبايل عاجبني توه مانزل هنا ... تمــــــــر السنين .. وتسألها تقولك لي الحين مانزل)
مادري متى بينزل الأخ ..
4- العصبيه :
فيه نوعية من البنات تعصب بسرعة .. وما تخلي أحد ماتتهاوش معاه... ولو تقولها خير هفتك بأكبر ما عندها
هاذي لو تمر الذبانه عند خشمها ياويلها >>> راحت وطي الذبانه .
5-الملسونه : هاذي لسانها دايما ناشب بحلجها وعسى ما تقولها كلمه ردت عليك بعشر
يعني ييك واحد بحااله ما يدري عن احد .. وتجي البنت تقول : شوفي هذا قليل الأدب من الصبح يلاحقنا ..
مالت عليه .. .. لازم أهزئه عشان يحرم يلحق أحد ..وهو في وادي وهم في وادي ثـــــــاني .
6-راعية سوالف:
يعني تيك الوحدة تسولف تسولف تسولف... ويالله سكتها إن كنت شاطر
من وين تجيب هالسوالف مادري.. وأتحدى إن خلتك تسولف .
7- الضعيفه
فيه بنات ضعاف بس مو كثيريعني طيبه .. هذولي البنات يرضون بأي شيء ..
كل شي عندها ايه اللي تبونه .. ماتعرف كلمة لا ...
8-فرفوووشة و فروووحة :
يعني تحب الضحك والفرفشة والتعليق .. النكد ماتعرفه .. وتتعب نفسياً اذا قعدت مع ناس ثقيلين دم
وحتى لو كان ما عندها احد يضحك ويسولف .. تروح تشوف وجها بالمراية وتقعد تعلق على نفسها وتضحك >>> منو يتكلم عني ؟!
9- شايفه نفسها:
ياااكثر البنات اللي شايفين نفسهم .. بعض البنات يحق لها تشوف نفسها..
بس اللي مايحق لها .. على شنو شايفة نفسها ... مادري
ماتكلم الناس إلا من طرف خشمها ... واذا ردت ترد بنفس . >>> ( اعُلًمَيٌ ياًسَيُدَتُيٌ لَوٌ كَاُنَ اُنَفٌكَ فُوَقُ اَلُنٌجَوُم فُأعًلمَيٌ اُنَ اٌلُنَجُوَمٌ تُحٌتَ قُدَمُيٌ )
10-راعية الطرب : هاذي النوعية من البنات ماتمشي إلا بمسجلها .. وأشرطتها بشنطتها ...
11-العنيده :
بعض البنات عنيديين
يعني إذابغوا شي سوووه وما عليهم من أحد
تنجلد.. تنطق.. تنحبس.. .. تتلسب بالعقال ..ماعليها أهم شي اللي في بالها سوته .
12-الحنانه :
هاذي الفئة ماشيه على هالمثل..( كثر الدق يفك اللحام )
هاذي ياويلك منها إذا بغت شي خذته بس مو بالعناد لا بالحنه
يعني إذا بغت شي تقعد تحــــــــــــــــن على راسك و ما تهدك لما تعطيها اللي تبيه .
13- غيووورة :
كل البنات غيورات بس نسبتها تختلف من وحدة للثانية ..
بعض البنات يغاروون .. لكن يحاولون يطورون انفسهم للوصول لنفس مستوى اللي يغارون منهم .. وهاذي الغيرة زينة
بس في بنات يغاررون ويحشووون ويحقدون وبس وهاذي الغيرة مووو زينة .
14-راعية السوق:
هاذي لو جيب طاري السوق وهي نايمه فزت
ودااااااايما بالسوق ..لو ماتشتري بس تروح للسوق هاذي هوايتها .
15-الطبيخه :
تلقاها دايما بالمطبخ تحوس ماتسولف إلا عن الطبخ والمطبخ
وماتروح عند احد إلا وصنف من أصناف الطبخ سابقها .
16- أم دميعة :
هاذي لو تقولها .. بخ .. بكت
دمعتها قريبة وعلى طول تبجي وياشينها بس القهر اذا الوحدة ماتبي تنزل دمعتها عشان موقف وتنزل الدموع غصب .
يالله كل وحده تقولي شخصيتها ...[/
font]
[color=#FFFF00]اختكم /فطوووم الاحساء[/color
]
الموضوع الاصلي
من روعة الكون
آخر 10 مشاركات
15-06-2007, 01:22
تحليــــ شخصيات ــــــــــل البنـــــ ققط لا غيرـــــــــات
العرض العادي
