|--*¨®¨*--|بسم الله الرحمن الرحيم السلام عليكم اعضاء منتدى روعة الكون عموما واعضاء قسم همس القوافي خصوصا لدي اليكم هذه المشاركة لعلعا تحوز على رضاكم
****تكفا ترى تكفا تهزّ الرجاجيـل \\\\\\\\\\\\\لولا صروف الوقت ماقلت تكفا****
بيت مشهور من أكثر القصائد التي كثر اللغط حولها ..
وهي للشاعر العذب : محمد الدحيمي الشهري المعروف بــ (أخو تكفى ..
إليكم القصيدة بمحتوى البيت السابق
أما لطمنـا العيـل والا الطـم العيـل
مـادام شـب النـار منـدوب الاطفـا
من ذاق حر القايلـه يعشـق الليـل
ومن شب ضـوه ليلـة البـرد يدفـا
امسيت في جيلٍ ولاهـوب ذالجيـل
واصبحت والا ديرتـي شبـه منفـا
واللـي حمـا بيتـه بطيـرن ابابـيـل
ماجيـت ادور كـل مـن صـد وقفـا
ولاجيت ابشحـذ يانمـا دلّـه وهيـل
جيتك وجـرح الظلـم غاديـه يشفـا
جيتـك بكلمـه كنهـا صعقـة الويـل
ان قـلـت تكـفـا لاتـهـاون بتـكـفـا
تكفـا تراهـا كلـمـةٍ تقـطـم الحـيـل
لابالله الا تنـسـف الحـيـل نـسـفـا
تكفـا تـرا تكفـا لهـا هـدرة السيـل
في صدر حـرٍ ينتـف الطيـب نتفـا
تكفا تـرا تكفـا لهـا تسّـرج الخيـل
ان كان لك في مجمع الخيل عسفا
تكفـا ترانـي مـن قـرومٍ مشاكـيـل
حمـايـة السـاقـه بسـيـفٍ وشلـفـا
تكـفـا وتكـفـا ماتـسـاق لمهـابـيـل
تكفـا تخـلّـي الـقـرم لاشٍ وهطـفـا
تكفـا تـرى تكفـا تهـزّ الرجاجـيـل
لولا صروف الوقـت ماقلـت تكفـا
منقوووووووووووووووووووووول
اخوكم الفيصل
|--*¨®¨*--|
الموضوع الاصلي
من روعة الكون
آخر 10 مشاركات
15-06-2007, 08:04
العرض العادي
