شعر ولا أروع

رساااااله

ياصاحبـي جيتـك اشكيلـك مـن أحوالـي
جـيـت ومـادامـك رفيـقـي لـيـه أطوّلـهـا
العلـم ومـا فـيـه يــا أول وآخــر أمـالـي
عندي رسالـه ولا ادري كيـف أوصلهـا
لـلـي سبتـنـي وأنــا مــن قبلـهـا سـالـي
أبيـك توقـف معـي .. وتـروح وتسألـهـا
وش فيهـا تفـتـح عـلـي أبــواب عـذالـي
وتحـمّـل النـفـس حـاجــه مـــا تحمـلـهـا
وش فيهـا رغـم الوفـا تتركـنـي لحـالـي
وأنــا لجفـاهـا تـركـت الـدنـيـا بأكمـلـهـا
إن كـان هـذا زعـل .. علمـهـا يالغـالـي
مـا كـان قـصـدي ورب البـيـت ازعلـهـا
علمـهـا والـلـي يخـلـي قـلـبـك الـخـالـي
عن ضيقتي وين وصلت من تجااااهلها
علمهـا كـم لــي وأنــا ماشـلـت جـوالـي
كـلـه علـشـاااان مــا اقـلــب رسايـلـهـا
وعلمهـا وشلـون لامــرت عـلـى بـالـي
أروح وأضـــــم صـورتــهــا واقـبـلــهــا
وعلمها كيف انشغل عن كثرة أشغالـي
واســرح واغـمـض عيـونـي واتخيلـهـا
علمـهـا عـنـي وعــن هـمـي وغربـالـي
علمهـا عــن كــل حـاجـه فــي تجهلـهـا
وان شفتهـا دنـقـت تبـكـي عـلـى حـالـي
انـسـى الـكـلام وتـذكــر كـلـمـه وقـلـهـا
قــل شـاعـرك يعـتـذر ويعـاهـدك تـالــي
انـــه يـرتــب حسـابـاتـه مــــن أولــهــا
ويقـول حتـى القصيـد اللـي علـى بـالـي
والله مـاعــاد اكـتـبـه كــانــه يـزعـلـهـا