السلام عليكم ورحمة الله وبركاته
يوميات الخكري والعربجي
أولا نبدأ بالخكري وراح نعطيه اللون الكحلي
الخكري يلبس طويل وضيق ومخصرر ويالله يمشي ويلعب بشعره الطويل والناعم ومسوي فيها أنظف شخص على الكره الأرضيه وإذا لمسه واحد يقول يااااي) وخررر عني الله يقرفك.....(يلعن أم الدلع)
أما (العربجي) راح أعطيه اللون الأسود (لايق عليه)الثوب مفسر كمومه ولابس الطاقيه فوقها عقال والشماغ عالكتف والعجرا بيده وإذا مالقى عجرا يمسكله صليب وإذا لمسه واحد يقول وشتبي) براسك هوشه يابو الشباب .... ودايم واصله معه لH
======================
نرجع للخكري :: تلقاه دايم ببيتهم وإلا يروح بالبي إم دبليو مع أصحابه : فادي وسلطان وراكان ورامي لصالات البولنق والبلياردو أوللكوفي شوب يشرب كابيتشينو أو ياكل آيسكريم
أما العربجي :: تلقاه دايم بالحاره مع أخوياه الدحيم وطحيج وبشير ومحماس ونجر
ماغير دوران بدتسن بالحاره
وأي واحد يشوفونه لازم يتمشكلون معه يايحدونه يايصدمونه (الله لايبلانا) وإذا ضاقت صدورهم طلعو للبراحه اللي ورا بيت طحيج
يجمعون خشب ويشبون نار هناك يسوون لهم شاهي نصه أوراق لبتون ونصه الثاني حثاله رمل من البراحه
وإذا بغو ياكلون يروحون للمقصف يطلبون 5شكشوكه
======================
الخكري :: إذا صار فاضي مايطلع إلا الساعه 9 العشاء (حفاظا عالبشره) يروح للممكله أو الفيصليه وإذا شاف بنت جسمها حلو وعبايتها مخصرره وعيونها مرسومات رسم يقول لأصحابه : ياااي شوفو هالبنوته الحلوووه ....
يقوله راكان :: ماأحلاها والله
ياالوليد (الوليد) هذا إسم الخكري
والبنت أول ماتطالعه تلقه من مستواها (خكري مثلها) دااخت من جماله وبدات تلاحقه لين اخذت رقمه وكلمته وكلمها ورروق لهم الجو
أما العربجي :: يطلع من الساعه 12 الظهر يدور عند ثانويات البنات والجامعات (ماتجيه ضربه شمس تفكنا منه) خصوصا أن الدتسن مابها مكيف
<<لا هذا مو إنسان هذا أكيد ضب>> لقاله فتاه أحلامه
ويقول لأخوياه :: ياويل حااالي على هالبنيه شوفوها غزال غزال يابعد كبدي وكراعيني وكلاي ... يقوله بشير ::: لا ياخليف (خليف هذا إسم العربجي) والله أنها شينه مره
يرد عليه خليف :: وش دخلك أنت يابشير يامخاوي الدشير (ياقاله ماهوب داشر) بعدين شعرفك أنت بالجمال لا أفتح بوجهك طريق سريع لا وعليه نخل بعد ((قايلكم هذا عربجي بقوه يعني يتهاوش مع ذبان خشمه)) وهو ينادي البنت: ياحيات حيات حيات جدي الخامس عشر
البنت طلعت عربجيه مثله :: يامال الساحق الماحق اللي يسحقك ويمحك ووين ماتطس يلحقك أقلب وجهك لا أصبخك بزبيرياتي ((هالبنت عربجيه لآخر الحدود
والدليل كلامها ونعالها الزبيريات))
خليف (العربجي) هج لبيتهم وراحت عليه فتاه احلامه
======================
الخكري مايسمع إلا غربي أو يسمع لفنانيين لبنان مثل وائل كفوري أو يوري مرقدي أو رامي عياش أو فضل شاكر أو هيفا وطقته
أما (العربجي) يسمع لخالد ولعزازي أو فهد بن سعيد أو خلف بن هذال أو حجاب بن نحيت أو مزعل فرحان أو عيسى الحسائي أو بشير حمد شنان
=====================
الخكري إذا بغى يضحك :) يالله تسمعها !!
أما العربجي إذا بغى يضحك :: (هع هع هع هاااع) تقل بواري الحمدلله والشكر
======================
الخكري إذا بغى يطالع التلفزيون يجلس رجل على رجل ويبتسم عشان يضفي بشاشه لوج
أما العربجي إذا بغى يناظر التلفزيون يحط وراه مركات ويحط رجليه على الطاوله وإذا ماجازت له القناه الأولى يحط القناه الثانيه
ما قلتو لي وش رايكم؟؟؟؟؟؟؟؟؟؟ :mo13:
الموضوع الاصلي
من روعة الكون
آخر 10 مشاركات
18-06-2007, 11:12
الــفــرق بـــيــن الــعــربــجــي والـــخـــكري
]
العرض العادي
