خلاص ياقلبي توب

وزاد همي وغدا جسمي محدوب
ياعفو منك العفو ودي أتوب
يالله ترحمني أليا صرت بلموت محسوب
أليا صكو علي اللحد وأنا مغصوب
وجاني الحق وراح الوقت اللعوب
يالله تجيرني من النار اللهوب
ودخلني جنتك وسقني من النهر العذوب


الله يعطيك العافيه

تقبل مروري وتحياتي

الله لايهينك يالمبدع


كلمات جميله ، واحساس راقي ، ومشاعر روعه ، وخيال واسع ،


هذا رايي فيك انا من حيث احاسيس القصيده ،


ام عن اسس القصيده او وزنها وقافيتها لي معك وقفه واتمنى ان اكون اجدت في النقد

البناء لك وتستفيد من النقد في كتابة قصيده اخره

عزيزي / تتكون القصيده من اساسان رئسيان هما

القاف ، والوزن / واذا اختلت القصيده النبطيه العموديه المقفاه من هذا الشرطين

تصبح مكسوره ولكن لاتهمل جانبها الانساني من حيث المشاعر

وتسمى خاطره وليست قصيده

وهذه الطرح يسمى خاطره عند اهل الشعر لانها ليست على قاف او وزن


سوف تسالني ماهو الوزن ، او القاف / انا تحت امرك خلك معي بالتفصيل وانشالله

راح تفهم وتجتاز مرحلة الكسر والقاف باذان الله وتصبح شاعر ياكل عشى الشعار ،


القاف ؟ القاف : هو الكلمه الاخيره في القصيده مثل كلمتك حبوب العذوب اللهوب

وهذا يسمى القاف في القصيده

قبل ابدى معك في القاف هناك شرطان مهم في القصيده

للقصيده شطرين العجز والصدر

مثل هذا البيت

اشوف بيتك حيل بالحيل مجنون
ـــــــ مثل الجنون اللي يعبر جنوووونك

الصدر هو الشطر الاول في البيت
العجز هو الشطر الثاني في البيت

القاف << في الصدر كان مجنون
القاف << في العجز كان جنوونك

انت كتبت ابياتك على قاف والشطر والعجز وهذا ضعف المقدره الشعريه لديك

وهكذا تسمى خاطره وليست قصيده لانها اختلفت في القاف اي كانت على قاف واحد

وليست على قافين وهذا مخالف لشروط القصيده المقفاه


الوزن ماهو الوزن


الوزن : هو لحن البيت مثال لك

اغنية خالد عبدالرحمن

حبيبي اسف ازعجتك ، حلو صوتك قبل ماتنام
ـــــــ سمعته وانشرح صدري وكني شفتك بعيني

هذا البيت هو من اغنية خالد عبدالرحمن << انا سوف اكتب لك بيت نفس لحن القصيده

ولكن القاف متغير << وركز على لحن القصيده اوك

على الله يالقصيد اللي / كتبتك لحظة النسيان
ــــ على الله يالحروف اللي حفظتك باول احزاني

انظر الى البيت الي فوق << لحن الاغنيه حقت خالد على بيتي وبيت خالد

سوف ترى تطابق اللحن وهذا هو الوزن وبحرها على البحر الطويل

واذا جيت تكتب قصيده ابحث عن غنيه حافظها وتحبها كثير

واكتب على لحنها بالضبط او نشيده او موال محاوره

وانشالله اشوفك مبدع


هذا مجرد تفصيل بسيط والشعر بحر

اخوك

مشعل الشوق : خالد الماجد