العزوبيه باختصار

السلاامووووووووو عليكووووووووووم


الله لا يصبح ولا يمسي عليكم يا اعضاء روعه الكون.............الا بكلللللل خير يارب


جبتلكم اليوم العزوبيه بكلللللل اختصار..يعني كل ما ساذكره ليس الا رؤوس اقلام لما تخفيه حياة المطلق عليه>>>عزوبي..
وعشان تعرفين اختي المتزوجه اذا قالك زوجك.. ((آآآآه ياحياة العزوبيه ليتها ترجع))..اعرفي انه نصاااااااااب وانه انشق فمه يوم قالتله امه بعرسك..من فرحته بمفارقة حياة الفقر..اوه اقصد حياة العزوبيه...

احم احم..>>اخلصي لاهنتي..
بسم الله نبدأ..




نبذة عن التمــاسيح العزابية :-

التعريف : هي المرحلة العمرية اللي يكون فيها الشاب منبوذ من جميع فئات المجتمع
7
7
7
الهندي راعي البقالة، مغسلة الملابس، راعي المطعم ، البنغاليه الي يعبون بنزين , امن المجمعات التجاريه , رجال المرور , حتى سواقهم ماسلم منه...


* * * * * *

مواصفات العزابي :-

- مسكين

- مطفر

- جائع

- مديون من جميع الناس

- مضطهد

- مريض

-والملابس الله لا يوريك


* * * * * *

شقــــة الـــعـــزابي :-

- الصالة ( تلفزيون - أربع طفايات زقاير - باكيتات دخان فاضيه - ترمس شاهي - بطاقات شحن محككه >>واغلبها ام عشرين ريال وام خمسين - علب بايسون فاضية - 16 بيالة شاهي أكثرها صارلها أسبوع ما انغسلت - 22 جريدة ومجلة - بلاي ستيشن - سيديات البلاي ستيشن - لابتوبين - وميدالياتهم مرميه كل وحده فيها 13 مفتاح>>والحريص فيهم يحطها فوق التلفزيون - ورقه منثره على كبر الصالة..مايلمونها الا اذا جوا يلعبون البلوت - وواحد منسدح عالكنبه له اكثر من ساعه يكلم - واثنين يلعبون بلاي ستيشن - وجوالات مرميه>>وطبعا عدد الجوالات اكثر من عدد سكان هذه الشقه..لان كل واحد عنده جوالين هذا اذا مو ثلاثه - وواحد ماسك ريموت التلفزيون ينتظر دوره بالبلوت - وطبعا الاربعه الي متحمسين وما اقول غير الله يعين الورقه الي بين ايدينهم - أكياس مطاعم ( شاورما + هارديز + كنتاكي ....... الخ) - فواتير جوالاتهم )

غرفه النوووووووووم:

سرير له اكثر من اربع ايام ماترتب - والشرشف متجمع عند طرف السرير>>تعرفون من هدوء الشاب وقلة حركته اثناء النوم لازم الشرشف مايتحرك من مكانه - فنايل مرمية>>>اكثر مايملكه الشاب السعودي هو الفنايل والسراويل الطويله - ثياب وسخة - شمغ - طواقي - طفاية>>لاتصدقون انها طفايه صدق..الطفايات كلها بالصالة مطلعينها الشباب..ولكن لذكاء الشاب يستخدم علب البايسون او البيبسي الفارغه كطفاية له>>الحاجة ام الاختراع)





المــــــــطبـــــــــــــخ:

(ستة أو سبعة أكياس بخاري - 22 علبة تونة - كورن فليكس >> هذا بالغلط أكيد أحد جايبه له
أكياس ليبتون مستعمله << نص المطبخ ليبتون - قشور البيض عد واغلط - ملاااااااعق وسكاكين وصحون وصخه..باختصار الدواليب والدروج فاضيه..الي يبي صحن او كاس..يغسل الي مجمعات عالطاوله او المنطولات بالمجلى - مجلى يطلب الحل من كثر المواعين الي فيه..خلاااص ماعاد فيه مكان.. )

* * * * * *



* * * * * *

العزوبي والقــــطــــة :-

- القطة وهذا مصطلح في معجم العزوبيين يعني رسوم الاشتراك , وهي كلمه تسبب الحساسية للشاب العزابي وهناك أنواع متعددة من القطة منها:

- قطة الشقة ( وهذ غالباً ماتكون قاصة للظهر ) يعني يبيع عفشه عشان يكمل المبلغ

- قطة الاستراحة.. (بعض الشباب ينقالهم يغيرون جو في بعض عطلات نهاية الاسبوع فيستاجرون استراحه يلعبون كورة ويسبحون....و......و............وطبعا كل هالعروض ما تشم ريحتها ولا تحلم بها ان مادفعت رسوم الاشتراك..ومسالة تقسيم القطة تاخذ منهم اسبوع قبل الطلعه.. )

- قطة الأكل ( وهذي لايسمح لك بتناول أي طعام أوشراب إلا بعد دفع قطتك فيها )

(-(-( كل حياة العزوبيين قائمه أساساً على القطه )-)-)

أكل - شرب - نوم - ملابس - كتب - طواقي - شمغ - حتى السراوييل

* * * * * *

العزوبي والسفر :-

السنة فيها 365 يوم لا يعيش العزابي مبسوط فيها سوى 20 يوم .... <<< مسيكين

بالعربي يعني 345 يوم وهو يجمع الريال فوق الريال عشان إذا جاء الصيف يقدر يسافر برا

عاد العزوبي هنا منقطع مايشوف الا الديّانه والا الدكاترة اللي مضطهدينه .....

والا مديره في الشغل ....

ولو يكح جنب عايلة قالوا له أنت تغازل بناتنا وهو مايدري عن شي ...


يستااااااااهلوووووون
خخخخخخخخخ





وبعد كل هذا بذمتك يا اختي المتزوجه بتصدقينه ان قال ياليتني ارجع عزوبي...؟؟




على فكرة ترى الموضوع مفتوح..الي عنده اي اضافه يحطها..

الموضوع الاصلي  من روعة الكون