~إصـبــر عـلـى جـرحــك~

~إصـبــر عـلـى جـرحــك~




وش هــقــوتــك يــاقـلــب تـلقــى بـــــــديلــــه
لــو مــابـقــى مـن حـبـهــا غـيــــــــــــر الالام

أوصــافهــا صــارت بغيـــــــــــره قـلــيــلـــــه
والـبعض مـنهــن حـبـهـــــــا كـلــه اوهــــــام

لاواعــذابــك مــن غـــــــــرام(ن) تشـيـلــــــه
عـجـْــزت تـهــــديــــــــه الليــالي والايـــــــام

ولالــي عـلــى الـمـكـتــــوب قــــــوه وحـيلــه
عـمـر الـقـدر مـاصـار له نـــــــد واخصــــــام

طـيـفــه يــجـيـنـي كــل يــــــوم(ن) ولـيـلـــــه
أمــا مـع الهــوجــــــــاس والا بــالاحــــــــلام

الـجــرح يــنزف والـمـشــاعـــــر عـلـيــلـــــه
والـلـي يـداوي الـجــــــــرح لاهي ولــــــــوّام

يـاقـلـب مـجـرى الـحـب صعــبْ اتـعــديـلــــــه
الــواقــع اقــوى مـن تعـابيــــر الاقــــــــــــلام

مــن قــال احــبــك ويــن صــــادق دلـيـلــــــه
ويـن الـيـمـن يـاقـلـب عـن وجهــــــــة الشـام

الـفــرق واجــد والـمـســافـــه طـويـلــــــــه
مـايـقـطـعــه طـيــــر الأمـانـي ولـو حــــــــام

وجــه الـمــــــوده مـاتـغـطــّـيــه شـيــلــــــــه
ولا يــذري صـفــحــــة الــخـــد بـلـثـــــــــام

خـلــه لـغـيـــرك عــنـْــك واتـــرك ســبــيــلــه
بـبـحــور حــب الـغـيــر تـلـقــاه عـــــــــــــوّام

وش لــك بــزرع(ن) مـاتــرجـّـى حـصـيـلــــه
لو يشــرب دمـوعـك تـــــــرك تـســـقي ارمام

واعــرف تــرى الـصـبخـا ولــو غـال سـيلـــه
مـابه لشــرك الـنـبـت لو مـوضـــــع ابهــــــام

اصـبــر عـلـى جــرحــك وحــــاذر تـهـيـلــــه
إرجــع ورى واحـــــــــــذر عـن المشي قـدام

درب الـهــوى كـثــرت ركــابــه وخــيــلـــــــه
عـلى الـنـضا والـخيل أوادم مع اصنـــــــام

لـمـبــة خـشــاش(ن) كــل طشــم(ن) يجـيـله
الـلي عــلى الجـنـحـان واللـي بالاقـــــــــدام

ونــاس(ن) تـلـيــّــــن لــك كــلامــه وقـيـلـــه
وقـلوبها اقـسـى مـن جـلاميد الاوجـــــــــــــام

يـبـــي يــوّلــــع وســط قـلـبـــك فــتـيــلـــــه
وحرق الـقـلوب اشــد أنــــــــــــــواع الاجـرام

كــم نـسـْـمــة(ن) بــيـن الـنـفـوس الــقـتــيـله
من دون ذنب(ن) نـالهـا حكــــــــم الاعـــــدام

ويــاويــل مـن لا طـــاح طـيـحـتــْــه حـيـلـــــه
لو عـضـــدّوا له واسعــفــــــوا ماش مـاقــام

ويــاويــل مـن مـالــت لـيــالـيــــــــــه مـيـلـــه
مــن جـــــورها خـلــت معـــاليقــــه احـطـــام

يـوجــس مــن الـهـاجــس ســــواة الـمـلـيـلـه
فـي وســــــط جـوفــه كـنـّها نار فـحـّـــــام

لــولا الـحـيـا الـحــيــّــان سـمـعــت عـويـلــه
يـكـظـم غـلـيـله خوف شامـت ولـّـــــــــوام

ويـاللي تـعــزيـنــّــي هــروجـــك جــزيــلــــــه
لـكـــــــنْ فـعــــــــولــك كـنـّـهـــــا لـوح رسـام

ألــوانْ مـيــتــــــه مـابــهــا لــي وسـيـلــــــه
لا مـلمـس(ن) لـيـــن ولا ريـحــــة اخــــــزام

واصــل مـابـيــــن الــجـــد والا الـهــزيـلـــــه
واعــــزف تراي ارتاح مع رجــع الانغـــام









:*&*:

الموضوع الاصلي  من روعة الكون