(( عاشق يوصي زوج حبيبته ))

أبد.. .ماجيت أبارك ولكن جيت باوصيك= على اللي ناوي تدخل بها الليه... معذبتي

ترى لولا الظروف اللي عطتك وحدت محاكيك= قسم بالله ماتدخل عليها لو على رقبتي..؟

ولكن النصيب أقوى ولاأدري وش أسوي فيك= نعم..صارت معزبتك.!ولاصاااارت معزبتي..

كذا شائت بنا الأقدار تحرمني لجل تعطيك= كذا لازم عشان تفوووز انت..!أخسر بتجربتي..!

تراها غاليه جداوتكفى ..والله يخليك= تدللها..تدلعها..تنسيها..مصااحبتي...!

انا من كثر ماأغليها احس إني بديت أغليك..= ولا تسأل بأية حق؟؟ولا وش مناسبتي..

لأنك لوبتسألني بتسمع شي ما يرضيك..!!= لذا ياخوي لاتسأل ولا تسمع لأجوبتي؟,.

أبيك تحطها في داخل عيونك.. وبين إيديك= وهي دلوعه أعتادت على كثرة مداعبتي..

فداعبها شوي شوي.. حتى تشتهي طاريك=وشاغبها ألين اتقول لك بطل مشاغبتي..

إذا هي مالها خلقك ولا تضحك!!ولا تسليك!!= تحملها وأسألها؟:ياعمري ليه عصبتي؟؟

وبالك أسمع انك يوم تضربها وهي تشكيك= مايحتاج اوري لك بفن الضرب موهبتي..

صحيح انك بتملكها ومعاك العقد باالتمليك= وانا عارف حدود الله ومن حقك معاقبتي..

ولكن قلها المجنوووون وصاااني وهو يعنيك=يقول:انه ينتظرك اذا شيبت وشيبتي..

وانا مجنووونها اللي مانسااها وانت مايمديك= تغطي ذكرياااتي في هواها وربع تجربتي..

احس اني تمااديت بكلامي والغضب حاديك=لو انك في مكاني ماتفكر في محاستي..

كفاك اني تركت الليله اشغالي عشان اجيك= دخلت القاعه برجلي ولاأدري وش عاقبتي..

وانا ماجيت اخرب عرسك الليله ولاأذيك= أناجيت اخاطبك واسمع مخاطبتي..

توصى..وانتبه..واحرص عليها..والله يهنيك= ترى كل الكلام اللي طلع من ضيقي وكبتي..

ولكن ماقدرت اني اقوله وانت مايخفيك= أخاف إذا قلته تقوم وتقطع رقبتي...؟؟؟

،،

::

الموضوع الاصلي  من روعة الكون