اليـوم لـك ثانـي مـع راحـة الـبـال
وانـا بعـد همـي لـه اليـوم ثانـي..
اليـوم تاركـنـي انـاظـر بـالاطـلال
صورهـ,, رساله ,,حلم ,,جرح واماني !
ليلـي قضيتـه بيـن هــمٍ وغـربـال
واقـول فـي نفسـي حبيبـي نسانـي!!
غنيت انـا عقبـك مـن الضيـق مـوال
يومـك تسمـع للطـرب والاغانـي!!..
لي دمعـةٍ مـن فـوق الاوجـان تختـال
يومـك تلاعـب مترفـات المبـانـي..
وبـي عبـرة منهـا المخاليـق تهـتـال
ياعبرتـي لاتفضحيـنـي عشـانـي! :
ياعبرتـي خلـي لـك الصـدر منـزال
لاهـوب بـك داري ولاهـوب عانـي!!
مشغـول لـه فـي ترفـة حالهـا حـال
ماهـوب فاضـي لعبرتـي او جنانـي!!
في يـوم واحـد نستـه كـل الامـال!!
وش عاد لو يـدري بشـوق غشانـي؟؟
ماهـوب مثـل اول هـذاك الغـلا زال!!
عـزاه كيـف الـود زال بثوانـي؟؟؟؟؟؟
اربع سنيـنٍ طـوال ياكيـف تنـزال؟؟
وتحط في قلبـك هنـوف مكانـي؟؟!!..
ماكنـت اظنـك تجحـد الـود لا طـال!
اثرك علـى طريـف وتبينـي اعانـي!
قـد قالـوا ان البعـد والـصـد قـتـال
وانـا اشهـد انـه علـة بالمحـانـي!!
يومي اشوفك لابـس بشـت وعقـال!!!!
والشـارب الاســود وزول سبـانـي..
وعروستك مـن الحيـا ترخـي الشـال:
وترسـل لهـا بسمـه تزيـد امتحـانـي
دمعي بلا علمي على وجنتـي سـال!!!!
اشتقـت لكـ ليتـك تحـس بحنـانـي..
ليتك تشـوف الحـال يامتلـف الحـال!!
بس التفـت لـي شـوف شالله بلانـي..
نصيتهـا تضحـك لهـا لاهـيٍ سـال،،
واقـول ياليـتـه حبيـبـي نصـانـي!!
الله يادنـيـا التعـاسـه والاهـــوال،،
الله يستـر وش يخـبـي زمـانـي.؟!!.
غلطانـه اللـي تعشـق اليـوم رجــال
مهمـا حلـف بالـود يبقـى انـانـي..
وقلب الرجل مابه مـن الحـب مثقـال!!
والبـنـت تـرفـه قلبـهـا مايـدانـي
حاولت اعبر والقلـم فـي يـدي مـال،،
مـن هـول مابـي انعقـد بـي لسانـي
وسلامتكمـ
منقول..
الموضوع الاصلي
من روعة الكون
آخر 10 مشاركات
21-06-2007, 11:03
]
العرض العادي
