خاااااااااص للبنات ( شباب لا تدخلون)

الى كل خفاشه ناشبه في حلق أهلها وماتصرفت مع انهم حاطين معها أختها مجانا (لترويج البضاعة في البيت)


كيف تصطادين خفاش دون اللجوء للأساليب المعهودة والسقيمة..؟؟



للاجابة على هذا السؤال اليك مايلي ..


أهم نقطة :الصقي بالعيوز اللي حاطه عينج على ولدها ثم نفذي مايلي :



1-خليج مع أمج لاتروحين مع البنات وتستهبلين اصبري عنهم كم شهر الى ان تتم العملية





2-امشي وانتي حاطة راسك بين كتوفك لاترفعينه أبدا..مهما يصير
علشان يقولون مؤدبة وموب متكبره



3-كلمة خالتيه خليها على لسانج وخاصة لأم الخفاش علشان تحس
بنوع من التميز عن بقية العيايز .لامانع تنادين وحدة ثانيه بخالتيه
عشان إذا مانجحت الخطه مع العيوز نمبر ون تنجح مع الثاني اتبعيها
كخطة احتياطية



4-إذا بدت أمج تتكلم دقيها بكوعج عشان ادخلج بالموضوع حتى لو
مالج داعي تطبيقا للمثل (حشره مع الناس عيد )
أدري إن المثل ماله داعي بس مالقيت غيره ..



5-اخوانج الصغار تمي و وراهم وين مايروحون حتى لو مب عادتج بس تصرفي معهم كأنج أمهم
لأن هذا يوحي بما لايدعو مجال للشك عند العيوز بأنك حريصه على ذريتك (جعلهم عقبك) ..




6-مهما أكلت أمج من أكله زينه خليها تقول :نفس الاكله اللي تسويها بنتي (حتى لو الاكل من المطعم الصيني أو المكسيكي )



7- يوم امج بتوصل لحريم الباب (( اونها بدور عليج )) بتشوفج بره



وخليها تقول :قلت لج لاتنظفين يدران الفلا من بره بس أنتي الله يهديج ذابحتج النظافه

(اوكي..أونج بتنظفين يدران الفلا؟؟ نظفي غرفتج أول اللي تقولين غرفة عزابيه


8-ددوووم تعلقي فالباب علشان ماينقص من طولج ولا سنتيمتر (للقصار فقط)

-اذا تكلموا الحريم عن الزواج اكتمي نفسج لين تحمر خدودج علشان يقولون البنت تستحي ومالنا حق تكلمنا عندها (بس لاتكتمين نفسج واايد أخاف تروحين فيها وأصير قتلت نفس بغير حق..



10-مهما كان موضوع الحوار حماسي لاتبدين رأيج وخليج مثل الطرما لأن اللقافه تييب أجل الخطه ..



11-بطلي شعرج وسشوريه ولا تتبعين اي موضه
لأن االعيايز مايعترفون الا باللي شعرها ناعم.. والا ياعمري اللي كشتهاا طايره ماحد يلتفت لها ..



12-إذا أدلت العيوز (أم المسكين) بأي رأي سواء كان سياسي أو وطني أو اقتصادي وافقي عليه حتى لو هو ماصخ وماله داعي..



13-في اي عرس لاترقصين قبضي عمرج واعتبري الرقص عيب وشق جيب ..



14-اذا يا طاري السوق وطبعا لازم ايبون الطاري لأنه ملح الجلسه عند الحريم خلي أمج تقول:
بناتي مايطلعون السوق أغراضهم أبوهم ايبيها (وانتي شكلج حافظه كل المولات)




احتمال وارد الحدوث :ممكن تكون العيوز مخططه على بنت غيرج لكن بعد النقاط السابق ذكرها بتغير رايها وتخطط عليج

الحين بتكون العيوز وقعت باالفخ..



نرووووووووح للخفاش الحين



ياي كاشخ بالثوب ( ختم ) وغتره + عقال والعطر (( نسائي )) يحسب عمره شي

اعتكفي ولا تطلعين واذا يا المعرس بيا يشوفج خلي أبوج يقول له :

والله ماعندنا بنات تظهر حق ريلهاا.. بعد الملجه شوفهاا (( عاد هو بيتحرقص وبيقدم الموعد ))

الحين المسكين بيظن اتشابه اليسا ولا هيفاا

وقبل مايي موعد الملجه بحوالي شهر أو أكثر (على حسب شين ويهج )

اشتغلي بعمرج (صبغه ،تنظيف بشره،...الخ) لاتقصرين

ويوم ايي الخفاش خلي أخوج يوقف فووق راسه عاد انتي لا تقصرين عطيه ( النظره القاتله )


عاد هني حسب النظره اللي بيردها لج اذا سطل ظمني الريل واذا تم يطالع الحضور الكريم راحت عليج



عاد الله يوفقج ولاتنسينا بالدعاء



**تحذير:

لا تقربين على أمهات اللي متعلمات راعيات الشنطه مثل لون النعول لأن يبيلهم خطط بعيدة المدى


**نصيحه:

ادري ان ربيعاتج بيلاحظون التغيرات المفاجئه اللي صارت لج واذا سألوج قولي لهم :انج خلاص انسانه عرفتي درب السنع

تدرين ليش؟؟

خوفا من سرقة الفكرة الادبية


يا الله ابا النتايج الزينه ان شاء الله


لاتفشلونا عاد شدو حيلكم احسن شي تقعدون فالبيت وتغنون

(بدنا نتزوج ع العيد ))

مع احترامى للبنات....بدون زعل ....تراني امزح





التوقيع

الموضوع الاصلي  من روعة الكون