مسرولٍ ريشه على الساق ضافي

الشاعر النابغة الحلو بن فرحان المروب الشمري

وهو من الشعراء الشباب المميزين بجزالة أشعارهم وجودتها
وذلك من خلال جزالة اللفظ وغزارة المعنى

يقول الحلو يصف الطير :

تخيروا يأهل القنص حر له شان
مسرولٍ ريشه على الساق ضافي
أقطم عديمٍ كامل الوصف مليـان
وافي الجناح من العذاريب صافي
من ماكرٍ ماينوجد كـود بإيـران
صتيمةٍ من يمة الفـرس لافـي
إن فرعوه بفيـة وسـط ديـوان
جلسة فهد في كامرات الصحافي
من كف عبد الله على كفه ألـوان
ماناش كفه مايشـوف العوافـي
متفهقٍ صدره مثل صدر سلطـان
شافي ولا غيره بالأوصاف شافي
تقدح سنا عينه مقابيـس نيـران
من عين نايف ماعليـه اختلافـي
مستقعد متنه مثل متـن سلمـان
وافي ولاغيره بالأوصاف وافـي
وعليه من أحمد بالأوصاف نيشان
غـزة رقبتـه لاتطلـع وشافـي
إن جاك هـذا مايثمـن بالأثمـان
جميع ماتدفع ماهـو فيـه كافـي


منقولــــــــــــــــــــــــــــــــــــــه

الموضوع الاصلي  من روعة الكون