موسوعه محمد بن حمد بن فطيس المري(شاعر المليون)

نبذة عن الشاعر محمد بن حمد بن فطيس المري

اسمه محمد حمد محمد فطيس المري ، من مواليد سنة 1978 تقريباً ، ينتمي إلى قبيلة ( بن مرة ) العربية والتي يفتخر بها دائماً ويمجدها في قصائده ، يعمل موظفاً إدارياً بأحد المراكز الصحية في دولة قطر ، حاصل على شهادة دبلوم في الإدارة ، كانت بدايته الشعرية في سنة 2001 ، وشارك بعدها في العديد من المهرجانات والأمسيات الشعرية الخليجية والعربية ومنها مهرجان الدوحة الثقافي ، مهرجان حائل ، مهرجان الخالدية في الأردن ، معرض الصيد والفروسية بأبوظبي ، برنامج شاعر المليون بأبوظبي .
لقبه المحللون والشعراء بالمحيط الهادي لأنه شاعر واسع المعاني والأفكار وعظيم القريحة والأسلوب وفي نفس الوقت يتسم بالهدوء والرزانة ، تتنوع قصائده وتنساب أبياته بهدوء وسلاسة وكأن لغته الشعر ولهجته القصائد !
يبدو تأثر الشاعر كبيراً بالبيئة البدوية التي عاش فيها ولذلك تراه في الكثير من قصائده يتحدث عن الإبل والصيد بالصقور والكرم العربي ، كما أنه ورث عن أجداده العرب عادة الافتخار بالنفس والقبيلة والوطن والعروبة والأرض .
الغزل العفيف هو ما يميز قصائد الشاعر محمد حمد بن فطيس فلا تراه يتمعن في الوصف ولا يتمادى في إذلال نفسه في الحب ، وعندما يتحدث محمد بن فطيس عن الدين وحالة المسلمين ولحظات الموت فإنه يذيب القلوب ويحزنها ويجعل الإنسان يعيش هذه اللحظات بصدق وواقعية .. محمد بن فطيس شاعر ذكي وموهوب ولا عجب في ذلك فهو ينتمي إلى قبيلة الشعراء وإلى عائلة كلها شعراء .. لفت الجميع بأشعاره الرائعة في برنامج شاعر المليون ، وحصل على إعجاب وثناء كل من سمعه وهو يمتع ويمتع ويمتع كأروع ما يكون الإمتاع وكأجمل ما يكون الإلقاء ... لذلك كان لابد لنا أن نجمع قصائده ونضعها لكل من يهوى الشعر الشعبي الأصيل .. ونترككم الآن مع المحيط الهادي

في شاعر المليون
في شاعر المليون للشعر مضمار ...... والسابقة في الشوط تظهر بيدها
امضمرين أبكار الأفكار شعّار ...... وكلن يحضّربكرته في وعدها
واللي تردت لا يدور لها أعذار ...... معذورة ما دام قد ذا جهدها
واللي تعوص وتضرب الحاجز يسار ...... تشلّ ف الدنة وترجع بلدها
وأنا ذلولي بنت صوغان الأشعار ...... من حبها عندي تفحم وحدها
إن جاره الله من تصاريف الأقدار ...... جاتك وجاك الجيش كله بعدها
الله عليها من مقاريد الأنظار ...... وصلت تحست ما غشاها زبدها
وتلقوفها بالعلم رمز وإشعار ...... وصفق لها منهو بعينه شهدها
ومن روبها أول ما تنصخ تمطار ...... ياللي تزعفرها من الطاس زدها
شبهت بالهجن الأصيلات الأشعار ...... وقصيدتي تراث أهلنا مددها
أعتزبه وأقبله إجلال وإكبار ...... واحة شرف يا سعد منهو وردها
أغلبنا في موجب الضيف والجار ...... يحلب لبنها قبل يذبح ولدها
وتراثنا من دونه نبيع الأعمار ...... وبأفعالنا روس المعالي صعدها
واليوم ضاق الجو من كثر الأقمار ...... تبث حقد لي لحقده رفدها
غزا الشعر قبل أمس غازين الأفكار ...... قومن على الساحة دفعها حقدها
تلفقوا ثم جاؤوا من كل الأقطار ...... هذا يصبحها والآخر هجدها
هذا يحرف في الأسف سر وإجهار ...... وهذاك يذبح موهبة في مهدها
وقفوا علم للشعر في وقت الأسحار ...... غاروا على الساحة وعروا جسدها
وصاحت بعد ما شافت سترها طار ...... ووقّف ولد زايد محمد ساعدها
قال أبشري بالستر وبردة الثار ...... وأضفى عليها سترها ما نشدها
واستل سيف في المواجيب بتار ...... واطلب وردن في العلا من فقدها
على خطى زايد خطاويه ما بار ...... والحاجة اللي في خياله وجدها
أغنى العرب من شوف أكاديمي ستار ...... ومن شوف أمر من السخافات وأدهى
شفت الشعر بستان وأبوابه أزهار ...... وقطفت ما يسقي المشاعر شهدها
قطفتها من ديرة تنبت أحرار ...... من دار بو مشعل ذراي وسندها

سولفوا تكفون
سولفوا تكفـون لاعـد تسكتـون ...... قبل لا اهوجـس وياتينـي بـلاي
السكـات يـزوّد طعونـي طعـون ...... وتنكسر لا جا على راسي عصـاي
سولفوا لو مـا بغيتـوا تسولفـون ...... قبل لا اقعد في الحزن رايح ..وجاي
واضحكوا لو بالعمالـه تضحكـون ...... وجاملوني لـو يضايقكـم احكـاي
لي وليفن راح جعلـه مـا يهـون ...... هــو دواي وداي..او داي ودواي
راح لاكن طيف زوله فـي العيـون ...... مــرة ٍ قـدامـي ومــر ٍ وراي
وان سكتوا جا .. وهو طيفه يمون ...... رحت اهوجس له وابيّن لـه ولاي
مكسب عيوني من الفرقا مـزوون ...... تمطر لطاريه..والبرق ؟ اصدقـاي
كل ما طـروه لـو هـم يمزحـون ...... احرموني من غداي ومن عشـاي
ادري انه ما تناسـى الـود كـون ...... تسمع اذنه في قفاي اللسن اعـداي
وكانهـم قالـو نسيتـه يكـذبـون ...... والا انا فيـه امتلـك نظـره وراي
كان حبه لي على خبري مصـوون ...... والله ان كني بقـدري ..وبغـلاي
ذي بقايا الحب واطـلال الجنـون ...... والله اعلم في ضميره وش بقـاي
غيـر طيعونـي ولاعـد تسكتـون ...... ولا والله ان اسمعكـم ابـكـــــاي

قطر موطني
يقولـون سمعنـا قصيـد الوطـن نبغـيـه
وأنا أقول هاكـم والوطـن يستحـق أرواح
ولكـن مـن اللـي بالقوافـي قـدر يوفيـه
أشوف أن مدات الشعـر لـو تجـود شحـاح
تعجز المشاعر لو بغـرف البحـر وأعطيـه
ولا أشين من الطبعه سـوى طبعـة السبـاح
عجزت افصح اللي في كنين الصـدر مخفيـه
وأشوف السكات أفصح الى ما انصف الإفصاح
احبـه ولـو مابيّـن القـاف كيـف أغليـه
وحبـه شربتـه واجتمـع فالـفؤاد وســاح
قطر موطني وانـا مثـل مـن تربـوا فيـه
راع البـل وراع المـال والغيـص والفـلاح
رجـال ٍ الـى سمعـوا نـداه اجمعـوا لبيـه
تطيح الغتر والروس بس العلم مـا طـاح
ولدنـا يجـي فـي لازم الـدار هـو وابيـه
مجـي المعيـد الموجـب لراعـي التـلـواح
سواعد الاميـر وفالمحافـل فخـر و وجيـه
ونارد حياض الموت كنحـن خـرز مسبـاح
وسيوف لولـي العهـد فـي لازمـه وايديـه
دروع عليـه و فالـلـوازم قـنـا ورمــاح
جنود الوطـن لاحتاج الأمر وذرى يذريـه
ولسـان ٍ فصيـح ٍ قاطـع ٍ يسكـت النبـاح
رجـال اللـوازم كلـنـا والعـهـد نوفـيـه
علـي بالطـلاق انـه كـلام مهـو بمـزاح
هـذا بعـض ما فالصـدر للـدار يـا باغيـه
كتبتـه قصيـد وديـرتـي تستـحـق أرواح


قد عطيتك وأنت ماضنك لئيم
قـــد عطيتك وأنت ما ضنـك لئيـم .................... والنصيحة لليـالـي تـذكـره
لاتحرك جرحـي الماضـي الأليم .................... ولا تحسب أن طول بعـدك طهـره
كل جرح يهـون يالجـرح القديـم .................... وكل شي قد مضـا معـك اذكـره
جرحي وذكـراك والليـل البهيـم .................... حـزت فـوادي بمثـل المنشـره
العذول غــراب وانا أكبـرغشيـم .................... والجروح الماء وطاريـك حجـره
والزمان أكرم من الحـظ الكريـم .................... لانفتح لي بـاب صوبـك سكـره
وحبك اللي لاطرى لي رحت اهيـم .................... قمت احسب اصغر كلامك واكبـره
ليتنـي عـاد الهـوا تـوه فطيـم .................... انعذلـت لعاذلـي بـــــس خـيـره
ما لقيت من الوفـاء يـا أول نديـم .................... كون صدق الحزن وج وظهـره
عقب رمح الشوق في وجه الصميم .................... سيف هجرك في قفاه وشف ثـره
وأنت شكلك تحسبنـي فـي نعيـم .................... لنـي اخبـي صوابـي وأستـره
لايغـرك حلـم رجــال حلـيـم .................... مهون اللي مـن سكوتـه فجـره
ولاتحسب الجفن من دمعه عقيـم .................... يستحي منك والى اقفيـت انثـره
ولايغرك وان بدا جسمـي سليـم .................... والله إنـه مثـل ســـــــور المقبـره
والله ان امر من ضحك الخصيـم .................... شوف حقي بين اياديـه اشكـره
والله إن أحر مـن دمـع اليتيـم .................... دمعة الرجـال مـن فرقـا مـره


يالله عفوك يوم تصفية الحساب
يالله عفوك يوم تصفية الحساب .............. يومٍ حصاد لما زرعنا في السنين

يوم الحشر قرب ولا معنا زهاب .............. اليوم في الدنيا وبكره راحلين

نجمع ذنوب ونرتجي عفو وثواب .............. وعلى نصر ربي لنا مستعجلين

تدرون ليه آمالنا كنها سراب ؟ .............. تدرون ليه النصر سيف الأولين؟

الأولين أعمالهم وفق الكتاب .............. قاموا عليه وباعوا الدنيا بدين

وحنا غفلنا بين ما لذ وطــاب .............. والنصر سيف ما يسله غافلين

نصبح على شوف انتهاكات وخراب .............. ونمسي على دمع وتنهات ونين

بصدورنا شي تذوب إله الهضاب .............. وأفعالنا والواقع رياح وطحين

وعلى العيون من الفتن مثل الضباب .............. ماعاد ندري من يسار ومن يمين

ما للضعيف إلا الدعا لو ما يجاب .............. ما غيره إلا الشوف مكتوف اليدين

يالله زلزل تحت الأعداء التراب .............. والطف بنا واحقن دماء المسلمين

ندعيك يا قادر على جعل السحاب .............. جيش لنصر قلة مستضعفين

أغرقهم بنوع من أنواع العقاب .............. غرق الغلام اللي يحسب أنه فطين

لو ما عصا نوح نجابه في رحاب .............. سفينته وأمضى معه ف العمر حين

لكنه اختار الخسارة والذهاب .............. إصنع بهم صنعك به وأنت المتين

وإلا خذهم يا مجريٍ سود الحقاب .............. أخذ العجوز اللي بقت في الغابرين

ذوقهم اللهم أنواع العذاب .............. اللي عثوا في أرضك من المفسدين

وألطف بمن لبسوا من التقوى ثياب .............. عبادك المستهدفين المتقين

تكالبت عليهم أنياب الذئاب .............. ولا غير عونك يا معين الصابرين

من بينهم شيبة يعجزون الشباب .............. من وقفته من طولها في الركعتين

ومن بينهم عذرا توّن بلا حجاب .............. حجابها لفوا به الجرح المكين


تصيح ما هو من ألم ولا صواب .............. تبغي الحجاب اللي خذوه المسعفين


وطفل عن عيون أمه الثنتين غاب .............. تبكيه عين وتلتفت لأخيه عين

من هول ما يجري لهم شاب الغراب .............. يا وسع حلمك وأنت ما فوقك مدين

أدعيك وأنت أدرى بحال أهل المصاب .............. وأمد كفي لك يا أكرم الأكرمين


حزة عشا الطير
الضيقه اللـي دايمـاً تالـي عصيـر ...... وش حيلتـي واردّهـا لا تجيـنـي

لاطال ظل العود حزة عشا الطيـر ...... كنها علـى سجـن الحديـد تحدينـي

يضيق صدري كل ما جات واسيـر ...... ولا يخفـف سـوج رجلـي حنينـي

لاحولنا مشـراف ولا اقـدر اطيـر ...... يالله قسـمـة خـيـر لا تبتليـنـي

وعقارب الساعه توقف عـن السيـر ...... ولاكن في الدوحه سواتـي حزينـي

والعبره اللي تاصل الحلـق وتحيـر ...... ياقربها لـو قيـل لـي : ( ياعوينـي)

امل شوف النـاس وردّ ومصاديـر ...... واللي يقـول اشفيـك كنـه يهجينـي

يعني على ماقيل من بـاب تصويـر ...... لاحد ٍ ابي قربه ولا احـد ٍ يبينـي

اروح ادوّر(خط) ما بـه دواويـر ...... وادوّر الـلـي هـادهـا تهديـنـي

واخذ مع الهاجوس سبحـه وتفكيـر ...... واراجع اللـي فـات بينـي وبينـي

واحسّـب ذنوبـي وادوّر لتكفـيـر ...... وعسـاي ماقصـرت فـي والدينـي

وعساي ماقارنت مـن ينفـخ الكيـر ...... واللي يحمل المسـك جعلـه قرينـي

ويطري علي يـوم الحشـر واطلـب ...... مجير ما اعطى كتابي في شقيقة يميني

ويطري على صدقان كثـر الدنانيـر ...... اللـي تعادينـي الـى كثـر دينـي

وراع الهروج اللي سوات المناشيـر ...... اصـد عنـه وادري انـه يعنيـنـي

الله حسيبه يـوم عـرض القواريـر ...... والله حسبي من صـواب س مكينـي

والى طرالي واحـد ٍ كانـه صغيـر ...... امـا اصغـر بيوميـن ولا سنينـي

دريت وش قومـي وعينـت تفسيـر ...... للضيقه اللـي مـن زمـن تعترينـي

حبه بصدري سالفة سـر فـي بيـر ...... وكـن الفـواد يقـول هـذا زبينـي

اشفق على علم ٍ يجي منه مـن غيـر ...... مايسمع اللـي سولفـوا بـه ونينـي

العام اجيهم مـن حسـاب المساييـر ...... واليوم حـال عـداي وينـه ووينـي

ياكثرهم غيـره ولكـن خبـر خيـر ...... ماغير شوفه فـي الوجـود يهنينـي


مدري ليه ؟؟
ياهيه اللتفت لي واسمع ادعاي لـك ياهيـه ***** ترا عـادك بتشبـع مـن البعـد وتواجـه
دعيتك بصـوت ٍ ياصلـك ليـه ماتوحيـه ***** وانا اسمع ضلوعك من صدى الصوت لجّاجه
عليـك الفـؤاد اخلاجـه مصمّـخ ٍ راعيـه ***** خـف الله فـي راعيـه ماتسمـع اخلاجـه
ترا العفو قـد جـاك اولـه واغتنـم تاليـه ***** وترا الحلم بحـر ٍ غيـر لا تامـن امواجـه
وترا الود ليل ٍ مظلـم ٍ جيـت لـك ساريـه ***** سراجه وصالـك والجفـى ينفـخ اسراجـه
وترا قصرنا اللي كم سنـه نجمـع ونبنيـه ***** هوى العذل طيّـح بابـه العـود وسياجـه
لي أيام مـدري ويـن دارك ولا ادري ليـه ***** وانا خابـر انـي بـاب شفـك ومزلاجـه
غيـاب ٍ بـلا سبّـه هجـاد ٍ بـلا تنبـيـه ***** وجفا أغلا العرب نار ٍ على الكبـد وهّاجـه
نضج قلبي من البعـد وش حاجتـك تكويـه ***** جفاك الجمر والصبر فـي بعـدك الصاجـه
طبـع حبـك بقلبـي والايـام مـا تمحيـه ***** هـذا هجـرك يحـاول يموجـه ولا ماجـه
يموت الأمـل لكـن ضنـون الغـلا تحييـه ***** وعروق الوفـا فالـروح والقلـب وجّاجـه
خبرتوا حـد ٍ يبكـي علـى واحـد ٍ يبكيـه ***** وخبرتوا حـد ٍ مسجـون مايبغـي أفراجـه
احبه ولا ابغضتـه علـى شـي ٍ إيسويـه ***** ولا زالـت أرقـاب الرجـا فيـه منعاجـه
عسى منزل ٍ ضمه حقـوق الوسـم تسقيـه ***** وتضحك له الدنيا وهـو يضحـك أحجاجـه
فقد خاطري شـي ٍ مـن الضيقـه امسلّيـه ***** وغدت روحي من النـاس والليـل هجّاجـه
اروح لمكـان ٍ خابـره ..خابـره ياتـيـه ***** اسوق القدم صوبـه وهـي مالهـا حاجـه
مكـان ٍ نزيـه وأول مواجهـي لـه فـيـه ***** وانـا خابـر ٍ مارجـل مثـلـه بـدواجـه
لعل وعسى مـا حدنـي للمجـي ..يدعيـه ***** واشوفـه وانـا مـاودي اسبـب احراجـه
يحب الجريح اخـر دروب اللقـاء ويجيـه ***** وتحـب القـدم جيّـة مكـان اول مواجـه


العقاب
يالعقاب اللي على المشراف وسع لي تراني ...... ضايق (ن) من عاما الاول وادهله قبلك وادله

يوم ربي قد كساك بريش وش لك في مكاني ...... ماتخاف من العقوبه يوم تاتيه وتحله

دام لك جنحان وش تبقي بمشراف البياني ...... خل مشراف الفقير اللي بلا جنحان خله

ذا مكاني يوم رمح الغدر من حره زواني ...... ما لختالي علي حجه وانا سله ودله

وهو على ماقيل شماعة همومي لابلاني ...... صاحب(ن) ياكل يديه وهو على مذهب ومله

وهو ملاذي عقب خالقنا جميع الى ضواني ...... ظيقة فالصدر ولا جاتني للدمع خله

لابديته ماحسد راع الترف واهل المباني ...... يحسبون ان فرقهم واضح علي واقول لله

سجة في راس مشرافي وانا اغطرف الاغاني ...... والله انها في عيوني عن مية فندق وفله

فيه احس اني على احسن حال واني شخص ثاني ...... واتحلل من حرام الهم لاجينه واحله

وذا مكاني عقب ماصبري على كبدي كواني ...... والله ان كني عقب فرقاه بين كفوف مله

واحد(ن) زله حشاي ومسكنه بين المحاني ...... مسكنه بين المحاني والحشا والصدرزله

قلتها له قبل لا وقتي على الشعر يحداني ...... خايف مالله يتمم واعرف ان فلان عله

قال خل اشكوكك اللي تترك الراوي ظماني ...... مايصيبك في جبينك من خلقك الله تشله

قلت ذا والله بلاي واشوف وش مدة زماني ...... لايكون اللي كتب لي (فارقه من غير زله)

لا تضيق من التشاؤم واحتمالات الأ ناني ...... خايف(ن) اشرب بعد كاس النصر كاس المذله

قال وش تبغي بحكي الحزن والدنيا فهاني ...... لاتعيشنا زمان الحزن قبل يحل حله

قلت ماتدري وانا الداري بعاقبة التماني ...... غير عاهدني وريحني واشل الحزن كله

قال شفت الموت لو بيدي ماهو كفو لخذاني ...... بس لاتشره علي لو لبسوني غصب حله

قلت اجل وانا وفاي من الجدي حتى اليماني ...... مرتضي غيرك ولااظنه ولاظني لابالله

قال اجل سلم على روحك وانا كلي تهاني ...... يوم عرسك والله ان اهل مجدولي وافله

وراحت اسنين التلاقي مشيها مشي الثواني ...... مادرى عن حبنا الا ظل محبوبه وظله

غير حول يالعقاب وخل مشرافي تراني ...... ظايق(ن) من عاما الاول وادهله قبلك وادله

قلتها ماقصدي انه يقال صح الله لساني ...... قلتها لعيون من سبب كتابتها لعله


خيمة بدو
ليه المسا عوق الشقـاوي وطبّـه؟ ...... وليه الهبوب تصحي القلب لا بـات؟
وليه القمر يدعي جريـح المحبّـه؟ ...... ويقول له يا هيه..ما فات ..ما مات
جرحك ظهر لو قلـت للوجـه خبّـه ...... وللحزن في ضحكك رسوم وعلامات
وليه المطر بالذات ريحـه.. وصبّـه ...... كنّه رسول بيـن الاحبـاب بالـذات؟
اشتـاق فيـه لشوفتـك واتنـبّـه ...... للي نسيته مـن مواقـف ونظـرات
لا استانس الخافق ذكر مـن يحبّـه ...... ورجع يراجع فالوناسات مـا فـات
يا مرتـع القلـب الحزيـن ومربّـه ...... يزيين بك مثل الذهب صدر الابيـات
هيهات ينسى القلب شخـص ٍ لعبّـه ...... وهيات يدله خاطري منـك هيهـات
سبك مديح ومـدح غيـرك مسبّـه ...... تقول واذني صوتها تقول لـك هـات
ونبع الغلا عنـدك وعنـدي مصبّـه ...... ومن الولا .. في خافقي لك ..ولاياات
وطيفك حطب عيني..وعيني مشبّـه ...... والشوق برد ٍ ما انقطع لو للحظـات
ومكانك الصدر ولـك القلـب شبّـه ...... بين الظلوع اللـي فردهـا التنهـات
ولك بيـرق ٍ فالقلـب حبـك يهبّـه ...... شامخ ولا هزه من العـذل غـارات
محبتـك فالوقـت ذا مـا تشـبّـه ...... الا بخيمـة بـدو بيـن العـمـارات
ان شفتني ضايق واهوجس واسبّـه ...... اخاف غدر الوقت.. والوقـت دورات
لا تحسب ان دمعي نـزل دون سبّـه ...... ابكي من الفرقا وهي مابعـد جـات
الـيـوم كــل امورنا..مستتـبّـه ...... وبكره ماندري وش معه من مسرّات
اربّ قلبـك مثـل قلـبـي اربّــه ...... ما يخلفه شور العـرب والمسافـات

نفس المسافة
افـرح الـى قدّمـت للنـاس معـروف ...... ولا نـي بمتلـي مـا فعلتـه حسـافـه
ادري به انه في هل العـرف مخلـوف ...... والاّ كثيـر النـاس مـا فيـه طـافـه
مانـي بتبـع امعاسـم الـراي مكلـوف ...... لاشـك تاخـذنـي علـيـه المـرافـه
عرفي مع اهل المعرفه صب مسقـوف ...... احـد ٍ سمـع واحـد ٍ بعينيـه شـافـه
ولاني على الشهره حريص ٍ وملهـوف ...... باب الغـرور اعـاف شكلـه واعافـه
ولا شوف لي فرق ٍ ولا اشوف لي نوف ...... الاّ علـى اهـل اللصمقـه والسخافـه
بالعـرف و اسلـوم المناعيـر مكتـوف ...... احـرص علـى الخـوّه بليـا كـلافـه
لاتبع رضا (مي ٍ)ولا اتبع هوى (نوف ) ...... قرب السرابـه بعـد.. نفـس المسافـه
وبعدي عن النمـام واطلاقـة الشـوف ...... اخيـر مـن هـرج الخبـل والتفـافـه
والى اعترض لي في المخاليق ملقـوف ...... اعلـمّـه وشـلـون تــرك اللقـافـه
واعلمّه فـرق البريسـم عـن الصـوف ...... وعـن شيـن زلات القـدم وانحرافـه
قلته وانا اعرف الشعر هرج مصفـوف ...... تغني سمانه ..ويش لـي فـي ضعافـه
ماهي بيوت مكسّره مـن غثـا جـوف ...... مـن قـل رس ٍ مـا نفـع بـه غرافـه
ماني بااتابع بالغنى (جـورج وسّـوف ) ...... نفس العفيـف اتكـز بـه مـن عفافـه
الشعر مايقبـل مـن الحـل منصـوف ...... من فاقد الشـي ..تاخـذ الشي..خرافـه
كان الشعـر عـوّد مقـالات وحـروف ...... كـل ٍ غـدا شاعـر ونجـم استضافـه
وكانه رجع رزّه مـع شمـاغ منسـوف ...... وش ينبغـى بالشعـر والقصـد تـافـه
احسن نخلـي منهـج الشعـر بالكـوف ...... ان كـان مـا نقـدر نعـدل انجـرافـه
دام الشعـر بالفديـو اكليـب مشغـوف ...... هـذا التصـور فـاق ظنـي وطـافـه
افه وجت تهريـب فـي بطـن ملفـوف ...... وكـل افـة ٍ تلـقـى مــن الله آفــه
يوم الظليم يخش راسـه مـن الخـوف ...... الكـل شافـه يــوم بــادل خفـافـه
والطير لو به بعض الامـواس منتـوف ...... لا بـد مـا تبـدي علـيـه النحـافـه
وتطابق الاشعار من شخـص معـروف ...... دليلـه انـه ماكـتـب لــه اضـافـه
احوف شعـري عـن مناقيدهـم حـوفيقـرى بنجـد وينـقـري بالرصـافـه
وان لافني هاجوس بعض العرب لـوف ...... يخافنـي ماهـو بانـا الـلـي اخـافـه
لنّي من اللي حـازت المجـد بسيـوف ...... لابـان باطـراف الضعيـف ارتجافـه
في ظل شيخ ٍ ملتجى ايتـام وضعـوف ...... شيخ ٍ يلين الـه الصعـب فـي وقافـه
المجد لـو لـه جسـم بيديـن وكتـوف ...... لقيـت ابـو مشعـل تـعـلا كتـافـه
بحماه تلقى الصعـب طايـع ومعسـوف ...... يطيـع لـو ماهـو يعـرف العسـافـه
لاوامـره نسمـع وبـارائـه نـشـوف ...... بـارض ٍ تمـيّـز شعبـهـا بإتـلافـه
ارضي قطر واسم قطـر وابـل قنـوف ...... اسم ٍ لهـا مـن قبـل عصـر الخلافـه
وبحر ٍ حضنهـا فـي محانيـه بكفـوف ...... سـلام.. يابحـر الخلـيـج وضفـافـه


في المقناص
الله على الربطة يعين الصقاقير ... اللي تعد الريش وتعد الأيام

يقطعون أوقاتهم بالتسايير ... وشوف المقانيص القديمة بالأفلام

تشوف راعي الطيرعاف المظاهير ... ومن شوفة القمرة وعدّلها وصام

قعد ما بين أهل البنا والنجاجير ... وفي دورته ماهتم في فرق الأيام

يبغي مقيضه ما يجي فيه تقصير ... من خوف لو ما اللي شافها لام

ويجيب لطيوره حليب العصافير ... إلى تباطى حفها بريشة العام

يغيب صبح وظهر والعصر وعصير ... ويظهر عشاها عقب ما جا من الزام

يقسم علفها بالتساوي بتقدير ... وقدامها كنه ب يكسر عظام

كنها تزيده لا تعشت دنانير ... وإليا ادرجت ما يفتكر فيها الزكام

تمسي وهو ما أمسى روابع وتفكير ... يرميبه الهاجس على جال الأحلام

ويذكر مكان داجه العام بالخير ... ويطري عليها اديم مقانيصها أعوام

وذيك الوناسة والقنص والمشاوير ... وخوة رجال هل مقانيص وحشام

الله جمعهم كلهم في سيايير ... وقدامها فرقهم ظروف وأحكام

على الوعد فأول محطة طوابير ... وفي كل موتر عزبة فوق قسام

فلان ينطر له رفيق على السير ... وفلان خذ للربع من كل الأنعام

وفلان عند البنشري يركب سبير ... وفلان قدامه يركبله سيام

وفلان عجل ولا يبي زود تأخير ... شغل وراح وواعد الربع قدام

في شفهم ما حسبوا للمخاسير ... لو زادت أصفار ما يسيرهم أرقام

في حلها في الطيب ماهوب تبذير ... يراقبون الله وأحكام الإسلام

وراع القنص عمن يسد القنص غير ... شف له إذا ذهل وشف له إذا نام

يغط غط الذيب وإن ذهن يطير ... ويقوم بعد مع اللي ما بعد قام


في كفها خاتم
في كفها خاتم وفي خدها خال ...... وفي عينها غيم وعمارات وبيوت

الخال شفته واضحٍ من ورى الشال ...... والخاتم الماس مرصع بياقوت

والعمر في العشرين كني مانيب زال ...... والجسم كنه من جبل ثلج منحوت

جبل ولكن لا طرقه الهوى مال ...... وخطواتها ماهي بالأمتار، بالفوت

ماهي تشوف الشمس من ظل الإظلال ...... ومصيافها ما بين لندن وبيروت

الشمس لو تشرق على جسمها سال ...... كنها مجسم محلبيه وبسكوت

ومن صغر مبسمها شقى حالها الحال ...... ما تاكل الا اللوز والخوخ والتوت

ماهي تشوف الناس تمشي وتختال ...... ومرٍ على جاكور ومرٍ على حوت

وخدامتين وهي بلا زوج وعيال ...... وسمعتها تدعي الدريول ياياقوت

وثلاث جوالات .. ماهو جوال ...... ومن يوم خلقت كل شيٍ بريموت

لكن قلبي مالها فيه مثقال ...... وش قرب البشت الحساوي من الكوت

ياجعلها للي خذت قلبي نعال ...... اللي غلاها عندي الشرب والقوت

حوريةٍ من فوقها الليل شلال ...... كنها صباحٍ فوقها الليل مكتوت

قلبي لها من كثرة الشوق مشخال ...... وللسر عن كل المخاليق تابوت

تنحت لي من الحب في القلب تمثال ...... وحبي لها ينحت على الساحه بيوت

في عينها ماكل رجال رجال ...... وأقصى حدود الوصل في سلمها الصوت

زودٍ على العقل وعلى الحسن من آل ...... روسٍ لهم روسٍ على متونها بشووت

الى رضت موتوا يا أهل روس الأموال ...... وإلى زعلت جربت وش سكرة الموت

من دونها رجلي وراكب وخيال ...... والسِيف والأمواج والبحر والحوت


ماني بمن ياتي ولا يدرى به
ماني بمن ياتـي ولا يـدرَى بـه ...... شطـر ٍٍ حفظتـه مـا اعَـرِف كتّابـه
شطـر ٍ يناسبـنـي لِمـثْـل اللّيـلـه ...... وأشوفني فـي ذا لمكـان أولَـى بـه
ابــا اتّـكِــل بالله ونـعْــمٍ بالله ...... اللـي مـا يوصِـد دون خَلْقـه بابـه
بـاقـول واللّجـنـه تقـيّـم قـولـي ...... ومـن كَثْـرة الشّعـار مانـي آبــه
الحمـدالله واثـق ٍ مــن روحــي ...... وان كِنْت ذيبٍ .. ف الرّجـال ذْيابـه
ما أقول أنا أشْعَر واحـد ٍ فـي الدنيا ...... لكن قصيـدي كَفْـو وأنا ادْرى بَـه
الشّـعْـر جمّعـنـا لــو تْفَـرقّـنـا ...... حْـــدود وظـروفـنـا الـغـلاّبـه
الله يبيّـض وجْـه راعـي الفـكـره ...... عِـزّ الله أنها تِنْحسـب لِحْسـابـه
والله يبيّـض وجْـه مـن يرعـاهـا ...... ( محمـد ) الله يحفـظـه لأحبابه
محمّد وَلَد زايـد عَريـب المَجْنـى ...... وَلِــيّ عَـهْـد الـدّيـره الخـلاّبـه
الشّـعْـر تـاريـخ ٍ لـنـا من مِبْـطـي ...... وأعلامنا يـوم السّنـيـن نْهـابـه
الشّعْـر بيـت ٍ والــوزن عِمْـدانـه ...... معنـاه طَـنْـب وْقافِيـتـه حْجـابـه
الشّعْـر واد ٍ فيـه صـيـدٍ واجــد ...... وكـل ٍ علـى الـوادي يِهِـجّ ركابـه
والأفكار صيـد وكـل شاعِـر قانِـص ...... وكـلٍ يـدسّـم شـاربـه مخـلابـه
أحد ٍ خياله ( حر ) وأحد ٍ ( وكـري ) ...... وأحـد ٍ خيالـه ( كوبـج ٍ) بقطـابـه
وأنا خيـالـي كلّـمـا هـدّيـتـه ...... حَوّل على الوادي وصـاد ( عْقابـه )
شاركْـت أمثّـل ديرتـي ورْبـوعـي ...... وكـلّ ٍ يمـثّـل ديـرتـه واقْـرابَـه
والله إلى الله راد والله قـالــه ...... إنّـي لا اسلّمْهـا الفَـخَـر وكْتـابـه
داري ( قطـر ) وأنا هنـا أمثلها ...... المجـد مَطلـوبـي وأنا طَـلاّبـه
عهـد ٍ علـي ّ إني لا اجَمّـل داري ...... تـرّك صِـبـي ٍ مايِـعـزّ اتـرابـه
حتـى دَمـي مـن حبَـهـا عنّـابـي ...... وحماستـي مـن ضـوّهـا شبّـابـه
شاعـر خليجـي والعروبة بيـتـي ...... والبيـت مـا ياقَـف بـدون اطْنابـه
وان عَـوّدت بيـن القبايـل فََـزْعـه ...... أنا اشهد انْ لـي فـي اللّـوازم لابَـه
لي فـي القبايـل رَبـع .. وآقدّرهـم ...... مانـي بمـن يِجْهـل مقـام أصحابه
وان عودّت لأصلي فانا أصْلي ( مرّي ) ...... من صُلْب ( يام ) أهْل القَنا وِخْضابـه
قـوم ٍ لنـا فـوق المعالـي بـيـرَق ...... والسّيـف قـوّة سَلّـتـه بِنْصـابـه
الشّعْـر طوّقْـنـي وأنا طوّقْـتَـه ...... قمـت أتمشى بـه وأفك أبـوابـه
يا بنـت ياللّـي تِفْرقـيـن بْـعـودِش ...... مـا ألومهم لا كِـثْـروا الخَطّـابـه
لا مر بِـشْ دَرْبِـش علـى خَلـقْ الله ...... قالـوا كـذا .. بالإصْبَـع السّبـابـه
زينج يزينـه فِعْـل أبيـج وْجَـدّج ...... وأنتي بـدورِجْ للشّـرَفْ كَسّـابـه
قومـي تباهـي بـي وفلّـي راسِـشْ ...... عليـج مـن ستر الشرف جلبـابـه
وان ماسِتَرْتِـج بالفُعـول وباسْـمـي ...... فعّقبْـنـي الفِـنـجـال ياصَـبّـابـه


الموت تالي العمر
الموت تالـي العمـر والدنيـا مقيـل ............ والآخرة هـي منتهانـا لا مـحـال
وأعمال كل إنسان لـه منهـا حصيـل ............ توضع على الميزان وان ما مال .. مال
وديني وحب النـاس والخلـق النبيـل ............ ثلاث هي دربي إلـى حسـن المئـال
ما هي بلحية شـوق للطـرف الكحيـل ............ لا ذكّـر العقـل الجـوارح بـالـزوال
الله يقـدرنـي عـلـى رد الجمـيـل ............ والله يجمّلنـي الـى جالـي مـجـال
والله يحـط الستـر لـي ظـل ظليـل ............ والله يقوّينـي علـى وصـل الحبـال
والله ينوّرنـي لصـار الصبـح ليـل ............ والله يقدّينـي إلـى غـاب الـهـلال
والله يروّيني السميـن مـن الهزيـل ............ لا ضيعوا ويش السمان مـن الهـزال
والله يكثّـر كـل ماهـو لـي قلـيـل ............ إلا العيوب .. وكـل ما نقصـه كمـال
والله لا يحوجنـي لمـدات البخـيـل ............ ويعيضنـي فـي كـل ما حـرّم حـلال
والله لا يذللنـي لسـطـان الذلـيـل ............ والله لا يسقيني المذّلـة فـي الـزلال
والله يوفقنـي الـى اختـر الخلـيـل ............ والله يجنبنـي مجالـس قيـل .. قـال
والله يساعدني علـى القـول الدليـل ............ وستر من المنقـود والسنـة الرجـال
والله يقومنـي الـى شلـت الثقـيـل ............ ولا ينوخنـي لديـن عـبـاد مــال
والله يرحمنـي عقـب عمـر طويـل ............ وادخل مع السبعة تحـت ذاك الظـلال


غاسل كفي
غاسل ٍ كفـي مـن مصافحـة بعـض اليديـن
وقافـل ٍ بوجيـه أهلها صناديـق البـريـد
وشايف ٍ شي ٍ لي أعوام مالـي فيـه عيـن
وقاطـع ٍ خيـط الهقـاوي بسكيـن الوكـيـد
وخالص ٍ من طيـب ضـن ٍ موهقنـي سنيـن
وظاهر لي عقب عرف العـرب عقـل ٍ جديـد
وطايح ٍ من عيني ارجال عنـدي كـان ويـن
وحاقـر ٍ منهـو يقـيـس الأوادم بالرصـيـد
ومحتمي ٍ من غدر الأصحاب في حصن ٍ حصين
ولابس ٍ لرماح الأقراب ثـوب ٍ مـن حديـد
وماضي ٍ منـي علـى اللـي تمشينـي يميـن
ما تجي منهو قريـب ٍ والـى احتجتـه بعيـد
المواقـف تشخـل النـاس والطيّـب يبـيـن
كل عـام يطيـح تسعـه ويصفـا لـي وحيـد
اشهد أن خيـر المـدارس تجـارب الأولين
واشهد ان راي التجارب هو الـراي السديـد
واشهد انـي للبـلاوي علـى الدنيـا مديـن
كـل مـا راجعـت نفسـي طلعـت المستفيـد
وانت ياللي عقبك الزين بيـن البيـض شيـن
مستحيل يطوفك الشعر وانـت اصـل القصيـد
القصيـده فـي عيونـي بدونـك مـا تزيـن
لازم ان اجيـب طاريـك يـا ملـح النشـيـد
انت ياللي مـن بطيـن الفـؤاد الـى الاذيـن
والله ان حبـك مـع الوقـت ما ينقص يزيـد
في غيابك لـك محبـه ولـك شـوق وونيـن
وفي حضورك شف عيوني كلامـي مـا يفيـد
اقهـر الضيقة بذكـراك مـن حيـن لحيـن
وانثر دموعي على الوصل مـن عيـد ٍ لعيـد
لك غلا ً سبحـان ربـي ملـى الدنيـا حنيـن
ولك وفا ً سبحان ربـي مكـن فالكـون غيـد
شف مكانك فـي مكـان ٍ عـن العالـم دفيـن
في مكان ٍ مـن ورى مثـل عيـدان الجريـد
مكرم ٍ حبـك ولـه فالحشا سمـن وسميـن
يقدع من الحـال واصـب لـه بـن الوريـد
افتضحت مـن الهواجيـس بـك فالمسلميـن
كل من سولف علي قلت له وش قلت؟ ..عيـد
الهوى سجن العشاشيـق وأنا لـك سجيـن
وودي ان سجني مؤبـد ولـي حـارس وقيـد
عزتي لي مـن فراقـك عسـى ربـي يعيـن
ادري انه فـي طريقـي ولـو وصلـك مديـد
صابر ٍ غصبا ورى الخشم لو جرحـي مكيـن
ودي افعـل لكـن الله يفـعـل مــا يـريـد

يا قو قلبك على الصدة
يـا قـو قلبـك عـلـى الـصـده ويــا صـبـرك
ويا وسع صدري على صدك ويا صبـري
ويـا طـول عمـرك بذاكـرتـي ويــا كـبـرك
ويا شيـب عينـي بشيـّب عـاد ذا كبـري ؟!
والله لو إن حمل صبري فوقـك إن تبـرك
والله ولــو تعـتـذر مـنــت بـعـلـى خـبــري
إن مـا جبـرت الغـلا مقـدر عـلـى جـبـرك
ياللي على أرض الوفا ما شبرك بشبري
تـزعـل وتـرجـع وتلقـانـي عـلـى خـبــرك
وأنـا أنكـسـر لــك وأجـيـك أدور لجـبـري
أمحـق ولـيـف ومحـبـة ولا أقــول أبــرك
حسبي عليك أعشقك وإنـت تحفـر قبـري


بعض العرب حبه يوردك الجنون
بعض العرب حبه يوردك الجنـون ............ ولا يوصف له غـلاة حكـاك لـه
مايقنعه وسط الغلا لـو وش يكـون ............ لو كل حرف بالحريـر يحـاك لـه
الموت جاك وهـو تقلبـه الضنـون ............ ولا لك إلا الصبـر وش وداك لـه
إن قلت ضايق قـال هونهـا تهـون ............ مايدري أن ضيقتك له وبكـاك لـه
تقعد تحبه وأنـت ساكـت ومغبـون ............ يمكـن بيـوم يقـال ما أوفـاك لـه
وكانك مشكك هم يمون أو ما يمـون ............ تخيل إن عفت الصبـر فرقـاك لـه
غلا ومن فوق الغـلا ماهـوب دون ............ حكاه سمعك يجبـرك بأرخـاك لـه
ودك تحطه في العيون من العيـون ............ وتبسط على رمضا الثرى يمناك لـه
وتظله من الشمس في ظل الجفـون ............ ولا يمـر أذنـه سـوى لبـاك لـه
وتسج من غيره لو أنهـم يذكـرون ............ ومنين ماسجت القـدم ممشـاك لـه
غرو يميله التـرف ميـل الغصـون ............ غصنً ميال ومكرمـه باسقـاك لـه
جديله الى أقفى ستر منـه المتـون ............ كني بريحه لا ألتفـت لأدعـاك لـه
كيك وعسل لكن ماهو في صحـون ............ ودعاك من عين الحسود غطاك لـه
الله لا يعطـيـه نــاسٍ ينظــرون ............ ويستر عليه مـن النحـل لا ياكلـه
الوصف والتعبير في وصفه يهـون ............ غير اطلب الله يستجيب دعـاك لـه
وعذال قلبـك فـي محبتـه يهبـون ............ سكينهم عـن قطـع حبلـه حاكلـه
ناس عن اعراض العرب مايعرضون ............ ودايم على نفس الشكـل والشاكلـه
اللـي مـن لحـوم الاوادم ياكلـون ............ وحلوقهـم دفـع البـلاء متواكـلـه
في سلمهم اولى بالاكـل الأقربـون ............ وأطيبهم اللي صيدتـه شكـواك لـه
عازمهم الشيطـان للذنـب ويجـون ............ هـذا يقطـع لــه وذاك يواكـلـه
ياجعلهم فدوة ثـر الغـض الفتـون ............ اللي على الدرب الطويل خطاك لـه
طيفه الى نام البشـر زارك بهـون ............ وطيفك الى نام البشـر سـراك لـه
حبه دفان ومقبرة خضـر الطعـون ............ بين العظـام العـوج كنـك ناكلـه
اللي كذا حبه لـو تمـوت مغبـون ............ ولا لك الا الصبـر وش وداك لـه ؟!؟


ترى الكبد فاحت
البارحـه ربـي كتـب لـي ومريـت ...... درب ٍ عليه بـروق الاحبـاب لاحـت
جيت المكـان اللـي جمعنـا وخفيـت ...... وقامت جروحـي للجـوارح وصاحـت
يا ليتنـي فـي لفـة الـدرب زليـت ...... كان العيون مـن الدمـوع استراحـت
اللتم غيـم الدمـع مـن يـوم لفيـت ...... وورقا القصيد لشوفـة الغيـم ناحـت
و ضحكت ما ابغي الناس تدري يبالفيت ...... لكنها غصـب ٍ علـى العيـن ساحـت
حارت دموعي في عيونـي وصديـت ...... وارمشت ابيهـا ماتبيّـن... وطاحـت
وعقبه برق فالعيـن بـراق واسقيـت ...... خـدي ووناتـي بصـدري تـلاحـت
وانا احسب اني فـي فراقـه تعافيـت ...... وان عبرتي من مدخل الـزاد زاحـت
اللي يحسب اني على البعـد سجيـت ...... والا ان عيونـي للرقـاد استبـاحـت
ياليتنـي مـن قبـل لا احبـه اقفيـت ...... والا ان دروبي عـن دروبـه تناحـت
اهون علـي مـن البكـا والتناهيـت ...... واشلا من سدود ٍ على النـاس باحـت
عرفت كيف الحي يفرق عـن الميـت ...... وعرفت قيمـة نعمتـي يـوم راحـت
قولوا له انـي عقـب بعـده تدانيـت ...... ورجلي عن دروب المعافيـن شاحـت
البعـد نـار وطاعـة العـذل كبريـت ...... يقصر على بعده... ترى الكبد فاحـت

الحب مثل النوم
الحب مثل النوم .. والوصل .. الاحلام ...... والشيين من الاحلام..صـد المحبييـن
نوم ٍ طويل ٍ عمره اشهوور واعـواام ...... وان قمت.. ففهمها فرااق وسهر عين
وانا رقدت وعمري اربع عشـر عـام ...... وصحيت في شهر اربعه عام الالفيـن
نوم ٍ ثقيـل ٍ كلـه احـلام واوهـاام ...... ونصيبي من احلامه الجانـب الشيـن
صحّى الفرااق اقلوب في عكسه..نيـام ...... وغاب الفرح وانا بعكسه الى اللحيـن
ياحزن كبدي حزن من ضاق ثم حـام ...... اخذت فروخه مـادرى ليـه ولويـن؟
بعد ما شاف العش عيـدان وعظـام ...... خاالي..تفكر فووق ويساار.. ويميـن
خلا عشاها فيه ومن الوطـى شـاام ...... زبن علـى روحـه وفـل الجناحيـن
وياوجد حالي وجد من نـام ثـم قـام ...... على صياح امه وهـو دون رجليـن
عويق وامـه تنعتـه والنعـت سـام ...... وهو خابر انه يقسم الصـف صفيـن
حبا وصاح بصيحـة ٍ تاصـل الشـام ...... منها تقطّـع فـي خفوقـه شراييـن
على وليف ٍ قسـم اظنونـي اقسـام ...... واقفى وانا ما اعرف طـرد المقفيـن
راح وترك في صدري ووسووم واعلام ...... وصى علـي طيفـه وقفـى بقلبيـن
ليتـه تعـذّر كـان ماهـو بـمّـلام ...... بعد ماشااف الـدرب بيسيـر دربيـن
اشوى عليه شوي..من عـظ الابهـام ...... واشوى علي شوي..من دمعة البيـن
تمشي بنـا الاقـدام والمـوت قـدام ...... وميعادنـا يمفـرق اثنيـن بعـديـن
ياعيـن لا تبكيـن وعيونـه تـنـام ...... عادش الى ما خـاب ظنـي بترضيـن
لـو الدمـوع اتفيـد فـادن الايتـام ...... ولو الكـلام يفيـد عـادت فلسطيـن
ولو النبـاات يطّلعـه دمعـة هيـام؟ ...... شفتوا على وجهـي ورود وبساتيـن
الحب سجن..وبعد الاحبـاب الاعـدام ...... وقلوبنا السجّـان مـدري مساجيـن
الحب نوم ٍ عمره اشهـوور واعـوام ...... وان قمت ففهمها فرااق وسهر عيـن
وانا تراااي انعست مـن مـدة ايـاام ...... لحدن يصحينـي يالاقـداار ..تكفييـن

ماجـــور
ماجـور ياللـي مـن فراقـك تعلمّـت ...... ان الزمـن يومـيـن طيّب..وخـيّـب
فاجئتنـي بمفارقـك مــا تولـمّـت ...... كـذا بـدون اسبـاب عنـي تغيّـب؟؟
مامـت مـن فرقـاك لكـن تألـمـت ...... وراسي مشيّب لو ما راسـي مشيّـب
ولولا السحا من عاذلي مـا تلعثمـت ...... طاولته اللي فـي يـدي مـن قريّـب
اضحك واسولف وان لحقني سهر نمت ...... لكـن قـسـم بالله مـانـي بطـيّـب
اكافح اهل الشمت بالسمت ..والصمـت ...... ومن شوفتـك صدفـه قعـدت اتهيّـب
اخاف اشوفك واكسر الصمت ..والسمت ...... وادعيـك تـو النـاس وانـا مغيّـب
جيشك علي ما فـاز وانـا استسلمّـت ...... وذل المحبـه ذل مـا هــو يعـيّـب
تدري من المخطي ولـو مـا تكلمـت ...... ياللـي لضنـي ضنتـي مـا تخيّـب


قبل ما حظي
قبل ما حظي من الدنيا يجمّد ...... ماحسب يومي ولا احسّ بمروره
يوم كان اسمي محيميد اتحمّد ...... كان مسموح انظره وارقى لسوره
احذف الكوره على بيته تعمّد ...... لجل اجي واقول ماحد شاف كوره !!؟
واستلذ بشوفته توّي واكمّد ...... بالوصال جروح في الصدر محكوره
وقت واحرقه الزمان ايلين رمّد ...... مايعوّد لو يدور ألفيــــــــــن دوره
راح من عمري وقدني ذا محمد ...... صعب حتى شوفته في وسط صوره

يا سارقاً قلبي
يا سارقاً قلبي أتتك جوارحي ... طوعاً بلا أمرٍ ولا استئذان

فأنا الذي أهملته وتركته ... كنزاً للص هواك حين أتاني

فارفق به ما دمت تملك أمره ... واحفظه حفظ الصدر للرئتان

وإذا لقيتك فأعطنيه دقائقاً ... ليجدد الحب به شرياني

فإذا قضيت فخذه مني راضياً ... سبحان مَن مِن دونه أحياني

وإذا لقيتك لا تسل عن حالتي ... فملامحي بالشوق خير بياني

لا ضاقت الدنيا
لا ضاقت الدنيا عليك وتشاويت ...... خلق الله اللي فالرخا كان واجد
ومن العرب والصوت والثوب مليت ...... وقامت عليك هموم بأقعا تراجد
فارفع يديك لخالقك لا توضيت ...... وادعو تراك أقرب إليا صرت ساجد
ووقت من أوقاتك للأوقات توقيت ...... وسجل لنفسك في المساجد تواجد
وأبشر بفزعة حامي الدين والبيت ...... إليا هجدك من الهواجيس هاجد
اللي يميت الحي ثم يحيي الميت ...... لرضاه شف كثر البشر بالمساجد

أنا جيت كلي
ماهو بكيفك عقب شيٍ حصلي ....... من ذوّق المحتاج يصبر الى احرجْه
خليتني من حلو حاليك احلي ....... واصبحت مدمن حب والقلب روّجْه
بين العروق وصار مافيه " ملي " ....... الا وله جُرّه تمرّه وتسهَجْه
وذود الغلا في عشب قلبي تفلي ....... وتراب صدري للمطر منـْك ما أحوجْه
يمحل الى صدّيت ويموت يا اللي ....... صديت عنـّه والله احياه واخرجْه
ولي خاطر ٍ يسألـْك لا غبت من لي؟ ....... غيبتـْك تلعب به وشوفتـْك تبهجْه
ولي عين حالي دمعها لك يهلي ....... وإنْ رحْت راحت مالح الدمع تزعجْه
غالي ولا يحتاج بسّك تغلي ....... حبك خذ فوادي وروّضـْه وأسرجْه
ولو قلت ياعيني بصدره تملي ....... شافت خفوق ٍ حبك الذرْب توّجْه
وماهو على كيفك عقب ما حصلي ....... من ذوّق المحتاج يصبر الى ازعجْه
عطيتني وجهك وأنا جيت كلي ....... محروم والمحروم ما ينعطا وجْه

في القنص والمقناص
راع الـــقـــنـــص مـــســـجـــون وفــــراجـــــه ســـهـــيـــل
وشـــلــــون مـــــــا يــبـــغـــون شــــوفــــه يــشـــوقـــه
الـــــلـــــي يـــــعـــــدون الـــصـــقــــاره غـــرابـــيــــل
مـــــــا ذاقــــــــوا الــــلــــي فــالــصــحــاري نــــذوقــــه
انـــقــــوم صـــبــــح ونــــرقــــد مــــــــن اول الــلـــيـــل
فـــــــي دار عـــشــــب ٍ تــلــحـــق الــــمــــاء عــــروقــــه
انـــــقـــــوم لـــلـــمــــذن مـــــقــــــام ٍ بــتــهــلــيـــل
يـــــــوم ٍ طــــــــوال الــلـــيـــل نــــرقــــب شــــروقــــه
بـــــــرض ٍ بـــهــــا لـــبــــرق الــــدواغــــر مــداهـــيـــل
قـــــــد مـــرهــــا الــوســـمـــي وشــــافــــت بــــروقــــه
نـسـيـمـهــا كــــــن فـــيـــه مـــــــن نــكــهـــة الــهــيـــل
يـــكـــفــــخ بـــخـــفــــاق ٍ قـــبـــضــــه مــعـــلـــوقـــه
مــــــا شـــيـــف فــيــهــا الا ثــــــر الــصــيــد والــســيـــل
وخــــاطــــي ثــــــــر ٍ لــــلــــي يــــــــدور لــنـــوقـــه
الــصــيـــد فــيـــهـــا لــــــــه مــــــــداس ومــقــايــيــل
كـــنـــك لـــهـــا مـــــــن كـــــــل ديـــــــره تــســوقـــه
ونـــــــدوج بــأشــقـــر صـــافــــي الــظـــهـــر والــــذيــــل
مـــطــــروح قـــــــد ريــــشــــة ظــــهــــره مــحـــروقـــه
لــــــــه هــيـــبـــة فــالـــجـــو قــــبــــل الـمــحــابــيــل
فـــــــرخ الــعــقـــاب ايــخـــاشـــره فــــــــي حــقـــوقـــه
عـــلــــى عــيــونـــه لــــــــه قــــحــــوف ٍ مــضــالــيــل
اقـــحــــوف شـــيــــخ ٍ تــــــــاج الامــــجــــاد فــــوقــــه
يــطــلـــع وطــلــعـــه لا طــــلــــع.. طــــلــــع دربــــيــــل
زود ٍ عــــلـــــى طـــلـــعـــه وطـــبـــعــــه.. لـــحـــوقــــه
لاقـــفــــت تـــغــــرف الــــجــــو وتــــجــــر وتــمـــيـــل
راع الــحــمـــامـــه دونـــــهـــــا مــــــــــا يـــعـــوقــــه
اذكــــــر عــلــيــه الـــلـــي لــــــه الـــحــــول والــحــيـــل
الــــــى اتـــقـــت مــــــن تـــحـــت ذيـــلــــه اســبــوقـــه
اطـــــيـــــاره ايـــخـــلــــي الــمــقـــافـــي مــقــابـــيـــل
ارمــــــاش عـــيـــن الـــلـــي قــــــذى الـــعـــج مـــوقــــه
هـــــــاذي طـــــــراة الــعـــمـــر مــــــــن دون تــقــلــيــل
بــهـــوايـــة الــــلــــي ذوقــــنــــا غــــيــــر ذوقــــــــه
وهــــــذا الـــلـــي يــحــبــب هــــــل الــطــيــر بـســهــيــل
وخـــــــوة رجــــــــال ٍ الــــخــــوى مــــــــا تــبـــوقـــه
مـــوجــــز عـــــــن الـمــقــنــاص مــــاهــــو بـتـفــصــيــل
وكـــــــل ٍ يــــمــــدح ربــــــــح ســــوقــــه بــســـوقـــه


ودي بك وأبيك وأباك
ودي بـك وأبيك وأباك وابـغـاك .............. جمّعتهـا لرضـاك واخـتـار فيـهـا
شف ويش منها يتبع احكاك ورضـاك .............. اللي لك اسقـي مسمعـك لا ضميهـا
غديت (افر)احكـاي وأساير احكـاك .............. انـا تشّـرف لكنـتـي واهتويـهـا
مضمونهـا ودي بشوفتـك واهـواك .............. اللي دروب اهل الـردى مـا تجيهـا
صانـك ولـي امـرك وحبـك وداراك .............. لاقــدر ردع الحـظـوظ ومجيـهـا
نفسـك مهذبهـا وعـز الله ربّــاك .............. ايـدري ان جيـش الهيـام يغزيـهـا
الله قسم يبـلاك بـي وانـت يبـلاك .............. اللي سواتـي فـي العـرب يرتجيهـا
محبة (ن ) ذربه من القلـب تكسـاك .............. حبـة (ن) صـدق الهـوى يكتسيهـا
يامـرك قلبـك بالوفـا لـي وتنهـاك .............. اس (ن) على لامـاك تفـرك يديهـا
رزيـن عقـل ومـن مزايـا مزايـاك .............. فسـك تحـب وعفـتـك تمتطيـهـا
تطيع عقل (ن) ما بعـد زل واغـواك .............. شاعـرك تعصـاه ..وانـت تعصيهـا
ماشفـت منـك الا عيونـك ويمنـاك .............. حبـة (ن) راع الـردى مـا يبيـهـا
يقبـض فـوادي لا تخيلـت فـرقـاك .............. اشف عين (ن) مـا سـواك يعنيهـا
وياعزوة اخوانـك ومطلـب هـذولاك .............. اس (ن) محبـة والــدك تدعيـهـا
ناس (ن) تخـدم ابيـك كلـه لعينـاك .............. هـو يحسـب ان الله عليـه يهديهـا
ياجعلها تفـدى علـى الارض ماطـاك .............. الله بمـن هــو مثلـهـا يبتليـهـا
لكـن لعـب فـي ياوليفـي تـغّـلاك .............. نفسي غلاك مـن الصـدود يحديهـا
تبطـي علـي وانـا هنـا واتحـراك .............. كبـدي لواهيـب الصبـر تشتويـهـا
اجمّع علومـك امـن هنـاك وهنـاك .............. الله لـو انهـا تنشـرى لا اشتريهـا
وعذرك (انا لاهي) يا ويش اللي الهاك .............. اهـي ومر(ن)منـت لاهـي تليـهـا
كانك مشكك في الوفـا والغـلا هـااك .............. والـي اقـر القائمـه كــل ابيـهـا
رقمك مع (الصادر) ولا (وارد ) اسواك .............. الناس في اللي ( لـم يـرد عليهـا ).
وإياك واياني...وايـانـي ايــاك .............. من غيبة (ن) من دون عذر يحميهـا

أقول لها وقد طارت شعاعاً
أقول لهـا وقـد طـارت شعاعـاً ............ من الشّعـار ويحـك لا تراعـي

ترا اللـي كاتبـه ربـي بياتـي ............ ولو مساع لحظي جـاش ساعـي

عليج الصبر والباقي علـى الله ............ وعلى التصويت ما للخوف داعي

تحزمـت بقصيـدي والقبـايـل ............ وجا شعري على الدفع الرباعـي

أنا في مركـب الشعـر الحقيقـي ............ وجمهور الشعر حسبت اشراعـي

امامـي لجنـةٍ كـفـو بأهلـهـا ............ وعلى الشاشات لي جمهور واعي

وماـدام إن ديرتـي دار التميمـي ............ فأنا ما ظنتـي يحجـب شعاعـي

تربينـا علـى حـب الطليـعـه ............ وندعس للوطـن روس الأفاعي

نعيش ارفعتـه ونعيـش لأجله ............ ونموت لعزته موت(ن) جماعـي

قطـر داري ودار ابـن الفجـاءة ............ بـلادٍ نبتهـا سيـف ويـراعـي

ظهر ابن الفجـاءة فـي زمانـه ............ وأنا ابن فطيس تظهرني اذراعي

دكتور العيون
يا مؤمن الريفي انا جيتك زبون ...... جيتك على مدح اكثر الناس وعنيت

جيت وتعالى الله عمّا يشركون ...... لولاه يا مؤمن لطبك ما اهتديت

راضي بحكم الله علي مهما يكون ...... عالج عيوني لو بعد طبك عميت

ودي أخاشر فالبصر من يبصرون ...... واشوف دربي لا سرحت ولا ضويت

والى قنصت أثبت مع اللي يثبتون ...... واشوف طيري كل ما أوميت ودعيت

ياكثر ما يضرب خويي الطابلون ...... من كثر ما اكلّته مطبات وكليت

وودي اشوف اللي علي يعرّضون ...... وبعض الليالي ودي اسري دون ليت

وأشوف ناس ٍ فالقفا ما يرحمون ...... اما وقفت لصاحبي والا مشيت

من دون نظاره ولا هم يحزنون ...... يا كثر ما كسّرت كشمات وشريت

لكنٌ يا دكتور جعلك ما تهون ...... ابغيك كلمة راس دامك ما بديت

اسمع ولا ابغي اللي وزانك يسمعون ...... ربي كتب يكشف لك اسراري وجيت

صورة عديل الروح عندك فالعيون ...... واخاف تقطعها بموسك ما وعيت

ولا عليك امر إطوها تحت الجفون ...... وعقبه لو تقطع عيوني ما شكيت

هي راس مالي والعرب ما يدركون ...... اني على باب الممات و ما حكيت

يا قو قلبي يوم قفن الضعون ...... اللي على ذاك الموادع ما بكيت

ويا صبر صبري والعواذل يحسبون ...... إني دلهت من الهوى والا سليت

أسكت عساهم من سكاتي يسكتون ...... وانا عن اللي في ضميري ما انتهيت

وادور الفرحه مع اللي يسهرون ...... وان ذكروني خذت فنجال وسريت

أخذت من وقتك يا دكتور العيون ...... عالج عيوني لو بعد طبك عميت

واستر علي واللي معك لا يفطنون ...... أنت الوحيد اللي بعد ربي دريت


الله يسامح غلاك
غيبتك لو هـي دقيقـه تعتبـر صـدّه ...... الوقت دونك سجـن وغيابـك اسياجـه
لا تعتذر لي تـرى ماعـاد فـي شـدّه ...... اعيد حكي ٍ يكـود الصـدر مخراجـه
دامـه يوصـف بجـود ابيـك وبجـدّه ...... وشلون تبخل على المجروح بعلاجـه؟
ووشلون قـاوااك قلبـك رده وصـدّه ...... مع انه بيّن عليـه الضعـف والحاجـه
ياقـو قلـبـك بــرد ايميـنـك وردّه ...... بخلت بمصافحـه وارهيـت بحراجـه
لو ماسقى غيم عينـه جرهـدي خـدّه ...... تـراه يبكـي وقلبـه يلحـق اخلاجـه
ولو شفته يمازحـك تـراه مـن جـدّه ...... الضحك عن درب ضيق الصدر ماعاجه
غير الغلا والولـه عليـك وش حـدّه؟ ...... يـادرب ليلـه ويامسـراه وسـراجـه
كنّه يعرفـك قبـل يلقـاك مـن مـدّه ...... مـع ان مابينـك ومـا بينـه امواجـه
هـواك بـدو ٍ نـووا للقلـب بالشـدّه ...... ورياض قلبي لشوف البـدو محتاجـه
والوصل..بحر ٍ متى انت بتسمح ابمـدّه ...... السيف صبري وبحرك شـح بامواجـه
قصيـدي اللـي قريتـه واللـي اعـدّه ...... قديـم لا يزعلـك معنـاه واخـراجـه
وفراغ قلبي غلاك ارهى علـى سـدّه ...... ليتك تشوف الغـلا وابراجـه وعاجـه
اقوى ريـاح العـذل مـا تقـدر تهـدّه ...... والا الجفا لـو تنفـس هـدم ابراجـه
تغانـم الوصـل لـن البعـد لابــدّه ...... ياتيك في يـوم ثـم ياخـذك بادراجـه
اللي لـي انـك تليـن وتتـرك الشـدّه ...... واللي لك اني ما سولف بـك لهراجـه
ولاني بزعلان واللـي نرتجـي مـدّه ...... يا بـاب قلبـي ويـا قفلـه ومزلاجـه
زعلة تغلي ومـن تزعلـه مـن قـدّه ...... ما دام كـل ٍ يبـي دربـك ومنهاجـه
غالي وتبخـل علـي وتطّـول الصـدّه ...... الله يسامـح غـلاك ويلعـن الحاجـه

هذي جزاتك
الله يجـازي مــن يـسـوّي سـواتـك ...... وبذنووب مـن سـوّا سواتـك يجازيـك
مشيـت درب الثقـل وتـحـب ذاتــك ...... مـاتـدري انــه للمهـالـك يـوديـك؟
وغـرّك جمالك...يـا خسـارة حـلاتـك ...... ماتـدري ان ماغيـر طبعـك يحلـيـك؟
بتـقـول زيـنـك يشـفـع لسيئـاتـك ...... الحسن ماهو عـن وفـا الحـب يعفيـك
لـو التواضـع والوفـا مــن سمـاتـك ...... بعـت الحبايـب كلهـم ..دين..واشريـك
لكـن عجـزت اغيـرك ..يـا جـراتـك ...... على الغيـاب اللـي بـلا عـذر ينجيـك
خطاي....فـي توضيـح وشـي غلاتـك ...... وخطاك....فـي توضيـح وشـو تغليـك
مـافـاتـك التجريح...والعـذر..فـاتـك ...... وتبغي رضاي الحيـن ماعـاد يمديـك
صحيـح احبـك .. بـس هـذي جزاتـك ...... باعلـمـك درس ٍ يفـيـدك ويحـيـيـك
تدري وش ابيض من خفوقك؟؟...عباتـك ...... وتدري وش اللي غرني؟ نظرتي فيـك
ادري بتستغرب..تـصّـبـر وجـاتــك ...... قصيـدة ٍ مـن واحـد ٍ كــان يبغـيـك
وتبغـي تناظـر وانـت عايـش مماتـك ...... شف وحدتـك والنـاس تجلـس حواليـك
وتبغي تشوف اشجع رجـل فـي حياتـك ...... شفني وانا راحل على كثر ما اغليك

استغفر الله
ماهـو بكفـو الوقـت حبـك يمحـيّـه ...... ياللي تخاف صـروف الايـام تمحـاه
ارتـاح ..مـادام المواصـل يقـوّيـه ...... انت انت..وانـا انا..وقلبـي هـو ايـاه
حتـى ولـو بتغيـب ذكـراك تكفـيـه ...... ياواحـدٍ تكفـي عـن النـاس ذكــراه
حبـك علـى رملـة خفوقـي مواطيـه ...... ورياح عذلني عنك مـا تمسـح خطـاه
واللي يعـذل القلـب عـن درب غاليـه ...... الله بمـا يـبـلا الموالـيـف يـبـلاه
اخفيـه يابالفـيـت والـحـال يبـديـه ...... ادنـاة واحـد ينظـر الحـال يـقـراه
مخفيـه فيـه ومعتنـي ٍ بـه وحاميـه ...... من كـل عيـن ٍ ودهـا تنـزل حمـاه
قلب ٍ يحبـك والهـوى الـذرب ماليـه ...... كانـك مكذبنـي ؟؟ بعينـك تـحـلاه
شـرط ٍ تشوفـك فيـه منـت بحواليـه ...... ويمكن تشوف ديـار واماكـن ارعـاه
وبتشوف بـه تمثـال والوقـت هاريـه ...... وبتشـوف زرع ٍ ميـت وواقـفٍ مـاه
وبتشوف جـرح ٍ فيـه سكيـن راعيـه ...... راح ونسـى السكيـن والجـرح ينخـاه
وبتشوف حصن ٍ عـج الاقـدار سافيـه ...... وبتشوف باقـي بيـت راعيـه خـلاه
لا تنزعـج هـذا خفـوقـي وباقـيـه ...... ولا تضايـق مـن تصـدع زوايــاه
قـد زلزلـه فرقـا وهـزت عراويـه ...... والله ستـر والحـظ عـانـه وعـافـاه
وكانه صلح لك واعجبك زيـد تبنيـه؟ ...... ابـنـه وجـهـز للمقابـيـل مبـنـاه
ابغيـك بـس مـن المفـارق تداريـه ...... وازهل من يـداري شعـورك ويـدراه
وحلـل وحـرم فيـه يابـرك بلاويـه ...... وحلّه وراع رضاي ورضاك ورضـاه
جعلك بعد بعض الوجيه ... امحق وجيه ...... نـاس ٍ مراتعـهـا الرفـيـق بتقـفـاه
انـواع واخطـر نـوع مانـي بناسيـه ...... نوع ٍ علـى تفريـق الاثنيـن مسعـاه
تلقـاه دوم وكــل يــوم ٍ تلاقـيـه ...... والى بغيتـه صـدق مـا عـاد تلقـاه
ولا انت ردك كل مـا ادعيـك.. لبيـه ...... انشهـد ان منتـوا بفيعيـنـي اشـبـاه
منت بمع العالم ولا تقـول لـي.. ليـه ...... انت ادرى منـي وش جوابـي وفحـواه
كذيـه... ومـن الله يـازيـن والـيـه ...... واغلا طـروش القلـب ودواه مـن داه
الحلـم ياتينـي بـزولـك واراعـيـه ...... وفـي كـل حلـم اقـوم قبـل اتحفـاه
اعشق سميـك فـي البزاريـن وادعيـه ...... واقبـل خطـاه الـى اخطـا واتلـقـاه
واسمـك يروعنـي الـى مـر طاريـه ...... واحـب ملقـوف ٍ يسولـف وطــراه
وامـر بيتـك مـن بعيـد ٍ ولا اجيـه ...... وانـا لونـه فـي يـدي مـا اتـعـداه
حتى (توايـر) (موتـري) تلتفـت فيـه ...... تبغي تلـف ويستحـي العقـل والجـاه
وصلك يخيط الصـدر والبعـد يفريـه ...... ويابري حالـي كـان صديـت بريـاه
ويلي علـى ادري حبنـا ويـش تاليـه ...... وويلي على ادري وش ورى الغيب ويلاه
عشـان اشـوف اذا محبتـك ..ترفيـه ...... والله لا اقفي عنـك استغفـر الله

في الوطن
يقولـون سمعنـا قصيـد الـوطـن نبغـيـه ....... وأنا أقول هاكـم والوطـن يستحـق أرواح

ولكـن مـن اللـي بالقوافـي قـدر يوفـيـه ....... أشوف أن مدات الشعـر لـو تجـود شحـاح

تعجز المشاعر لـو بغـرف البحـر واعطيـه ....... ولا اشيّن من الطبعـه سـوى طبعـة السبـاح

عجزت أفصح اللي في كنين الصـدر مخفيـه ....... وأشوف السكات أفصح الى ما انصف الإفصاح

أحبه ولـو مابيّـن القـاف كيـف اغلـيـه ....... وحبـه شربتـه واجتمـع فالفؤاد وســاح

قطر موطنـي وانـا مثـل مـن تربـوا فيـه ....... راع البـل وراع المـال والغيـص والفـلاح

رجـال ٍ الـى سمعـوا نـداه اجمعـوا لبيـه ....... تطيح الغتر والروس .. بس العلـم مـا طـاح

ولدنـا يجـي فـي لازم الـدار هـو وابيـه ....... مجـي المعيـد الموجـب لراعـي التلـواح

سواعد الأمير وفالمحافـل فخـر و وجيـه ....... ونارد حياض الموت كنحـن خـرز مسبـاح

وسيوف لولـي العهـد فـي لازمـه وايديـه ....... دروع عليـه وفالـلـوازم قـنـا ورمــاح

جنود الوطـن لحتـاج الامـر وذرا ً يذريـه ....... ولسـان ٍ فصيـح ٍ قاطـع ٍ يسكـت النـبـاح

رجـال اللـوازم كلـنـا والعـهـد نوفـيـه ....... علـي بالطـلاق انـه كـلام مهـو بـمـزاح

هـذا بعـض ما فالصـدر للـدار يـا باغيـه ....... كتبتـه قصيـد وديـرتـي تستـحـق أرواح

محمد بن حمد بن فطيس المري

الموضوع الاصلي  من روعة الكون