الجزء الثاني من ( عشقته وذبحته )

************************************************** *****************
انجود وصلت ميثه بيتهم وانجود بعد روحت بيتهم وتحديداً في غرفة انجود......كانت غرفة انجود حلوة وايد لونها وردي فاتح والأثاث بني غامج والشبرية دائرية تتحرك والستاير ورديه وبني غامج والرخام وردي فاتح والزولية عنابيه ووردي وبني غامج...والإكسسوارات بني وعنابي ووردي... والغنفات بني غامج...وانجود توها داخله غرفتها........
انجود:- فديت غرفتي من زمان ماشفتها!!!!حبيبتي والله...
وعقب راحت بدلت ثيابها ودخلت الحمام تسبح...وعقب نزلت تحت عند قوم أمها....وهي توها نازلة من الدري.........
أم أنجود:- هلا والله ببنتي جان ما ييتي توه الساعة 12!!!!
أنجود:- أصلاً أمي أنا يايه من الساعة11:30.:...
أم أنجود:- أنا من الصبح يالسة أرتييج في الصالة ماشفتج داخله..
أنجود:- لاأمي أنا داخلة الساعة 11 وأنتي كنتي راقدة..
( وبدخلت أبو انجود )
أبو انجود:- السلام عليكم..
أم انجود + انجود:- وعليكم السلام ورحمة الله وبركاته..
أبو انجود:- بلاكم محتشرين حسكم واصل أخر الفريج..
أم انجود:- بنتك الحلوه طالعة من الساعة 5 العصر وتوها واصلة الساعة12..
انجود:- والله ابويه أني 10ونص طلعنا من المول ولين ما وصلت ربعي كل وحدة بيتهم ودخلت البيت الساعة 11ونص أمي كانت راقدة وما شافتني وأنا داخلة وما حبيت أوعيها..
أبو انجود:- خلاص يا أم انجود الغالية ليش مكبرة السالفة حتى لو ردت الساعة ثلاث الفجر نحن واثقين في بنتنا..
أم انجود:- الصراحة أنت وايد مدلع البنت..
انجود:- فديت أبوية والله محد يسواك..
( أمها تخزها بنظرة محترمة )
انجود:- سوري والله محد يسواكم أنتوا الأثنين..
أبو انجود:- خلاص أنا بروح أرقد تصبحون على خير..
أم انجود:- وأنا بروح وياك يلا تصبحين على خير انجود..
انجود:- وأنتو من أهل الخير يا ماماتي و يا باباتي..
وانجود تمت ساكتة وشلت الريموت التلفزيون وتمت تفرر من قناة لين قناة وبدخلت أخوهامايد(( مايد عمره 23 حلو أسمراني طوله 175 ... عريض.....شعره طويل لين جتفه...بس باجر أن شاء الله بيقصه عشان يوم الجمعة يشتغل ومخلص دراسته وكان يدرس في جامعة الشارجة ))
مايد:- مرحبا أختي الحلوه والأمورة واللي ما في مثلها في الدنيا كلها والكون والمجرة والعالم....
انجود:- قول شو تبى..
مايد:- فديت أختي بسرعة تفهمني..
انجود:- أنزين قول شو تبى ..
مايد:- أباج يا حلوه....
انجود:- واي جان استحي...
مايد( بجدية):- المهم الغالية روحي سويلي عشاء والله يوعان..
انجود:- بس هالشيء صدقني مافي داعي لكل هلي المقدمات مرة ثانية...
مايد:- خلاص يلا روحي..
انجود وهي تشل موبايلها وتتصل كافتيريا ند واسط ترى نسيت أقولكم أنا انجود ساكنة في الشارجة وتحديداً في منطقة الطرفانة...
انجود:- ربع ساعة وراعي الكافتيريا بيوصل...
مايد:- الصراحة كان خاطري في اندومي بس إلحين خلاص بس أقول شو طلبتي..
انجود:- اثنين سبريم واثنين مانجو مكس جوافة و خمس ديو لاتقول ليش لأنك تعرف أني أحب ديو..
مايد:- أنزين أنا ما قلت شيء..
وتمو يالسين وعقب ربع ساعة راعي الكافتيريا وصل ويلسوا ياكلون وعقب روحوا كل واحد غرفته وفي غرفة انجود وهي تفكر في السالفة إللي استوت وبعايش إللي تحس بشعور اتجا وكيف كان حنون معاها وكيف دافع عنها جنه أخوها ولا واحد من أهلها وتمت على هاي الحالة لين ساعة ثلاث وعقب رقدت...................... وعلى الساعة 9 الصبح تحديداً في بيت سعيد راشد..
أبو انجود:- يلا يا أم انجود بنروح بيت أخوج....
أم انجود:- أن شاء الله يايه...
وطلعوا أبو انجود وأم انجود وفي غرفت مايد توه ناش وحاس بملل وروح يوعي انجود........ وهو داخل غرفتها...
مايد:- انجود.......انجود.........انجود...........انجود... ......انجود
(( مايد وبتفكير سريع ))
مايد:- انجود نشي بسرعة مايد مريض بيموت قومي وديه المستشفى....
انجود وبكل خوف وهي ناشة..
انجود:- وينه بسرعة بلبس جوتي وبلبس عباتي وأنتوا ركبوا السيارة يلا بسرعة...
((مايد ميت من الضحك))
مايد:- أقول خلاص استويت بخير..
انجود:- والله أنك سخيف أن شاء الله صدق على كلامك تستوي مريض وشوف منو بيوديك.....
مايد:- أنزين خلاص أمزح معاج...
مايد طلع من غرفتها وهو ميت ضحك وانجود كانت محرجة وعقب طلعن من غرفتها وهي سايرة المطبخ...
انجود:- ستي.......ستي........ســـــــــــــــــــتي وينج..
ستي:- أيوا مدام...
انجود:- وين الفطور....
ستي وهي تضحك:- مدام أنت في ينسى وين يكون الفطور أكيد في غرفة مال الطعام..
انجود:- اهوووووووو والله نسيت....
وهي تروح غرفة الطعام وأول ما تفتح غرفة الطعام أشوف مايد وأول ما شافته مايد قام يضحك وهي صدق ماتت غصة..
مايد:- صح النوم يا أحلى وأروع بنت من العالم..
(( انجود وهي ساكته ماترد عليه))
مايد:- صباح الخير ياآنسة انجود..
انجود( ترد بدون نفس ) :- صباح النور ياسيد مايد...
ومايد وهو يصب الحليب ويمد إيده عشان يعطيها الكوب..
انجود:- مشكور وما قصرت أعرف أصب لي وأصلآ أنا ما أبي حليب ...
مايد:- قولي أمري شو تبين...
انجود:- خلاص ما أبي شيء عطني حليب..
(( وعقب تموا ياكلون ))
انجود:- وين أمي وأبوي..
مايد:- يعني وين أكيد بيت خالي عبيد..
انجود:- صح اليوم الجمعة وهم يتغدون هناك..
مايد:- أقول عقب الصلاة تلبسي عشان نروح هناك عندهم..
انجود:- أن شاء الله مايد بس متى تحلق شعرك..
مايد:- ذكرتنني إلحين بروح صالون.." رجالي "
ومايد وهو يوقف ويروح صوب انجود ويبوس راسها بس هي ما خلته عشان أحتراماَ....الصراحة مايد يموت بانجود عشان هي أخر العنقود..
مايد:- آسف بس والله كنت متوله عليج واااااااااااايد وكنت ملان..
انجود:- عادي مايد.....جي كم أخو عندي بس واحد وكل شيء منه حلو..
مايد:- فديت أختي والله..
انجود:- فديت روحك....ياربي يخليك لنا وأشوفك معرس على الكوشة و ارقص في عرسك..
مايد:- أن شاء الله بس أنتي بتعرسين قبلي عشان أعرف مستقبل أختي ومع منو بتكون إللي بتكون سعيد الحظ..
وانجود ومايد يضحكون ومايد يطلع من عندها و يروح الحلاق مثل ما قال وعقب انجود روحت غرفتها تتجهز لطلعتها حق اليوم لبيت خالها...(( عبيد خال انجود مش مزوج وهو وحيد عايش في بيت أبوه من عقب ماتوفا مع أمه الله يرحمهم وعبيد مرح وااااااايد عن اللزوم والدنيا عنده ضحك ولعب وهو وسيم طولة 167 وأسمر وعيونه كبار عسليات وهو يحب ميثه ربيعة انجود بس عمره ما فكر أنه يزوجها )).... وعقب ماتلبست روحت مع مايد بيت خالها عبيد وتوهم داخلين الصالة..
انجود + مايد:- السلام عليكم..
الجميع:- وعليكم السلام ورحمة الله وبركاته..
انجود ومايد يروحون يسلمون على خالهم وباسوا راس أبوهم وأمهم...
عبيد:- هلا والله بعيال أختي..
مايد:- هلا فيك يا خالي..
انجود:- اشحالك خالي..
عبيد:- بخير إلحمد لله أنت اشحالج وشحال عربانج..؟؟؟؟
انجود:- والله بخير وإلحمد لله وعرباني يسلمون عليك..
عبيد:- قولي والله..
انجود:- طاع ويهك صدق..
أم انجود:- بلاكم تتصاصرون!!!
عبيد:- ماشي تقول ليش ما تقنع أبوي يزوج على أمي وحدة لبنانية..
(( أم انجود زهي محرجه ))
انجود:- والله أنه جذاب والله كان يرمسٍٍ عن حبيبة القلب..
وعبيد يطالع انجود بنص عين..
انجود:- لا تطالع جي يا الجذوب..
وتروح انجود عند أمها وتبوس راسها..
انجود:- فديت أمي الغالية والله خالي يقص عليج..
أم انجود:- خلاص أنا زعلانة..
انجود:- أعرف أنج ماتزعلين من حبيبت قلبج صح..
وأم انجود وهي تضحك على بنتها..
أم أنجود:- أنا أزعل منج أصلاًًَ محد يقدر يزعل منج..
عبيد:- يعني عقب كل هذا أنا جذاب ياأم انجود..
أم انجود:- الصراحة يقولون الحرامي ما يقول أنا حرامي بس الظاهر إن الجذاب يقول أنا جذاب..
انجود:- وي وي وي ظهر الحق...
عبيد:- ما بقول غير الله يعيني....
مايد:- خلاص خلصتوا..
أبو انجود:- والله أنكم يهال..
أم انجود:- أعرف أني ياهل..
(( والكل يضحك على أم انجود ))
وعقب روحوا يتغدون وعقب الغدا أم انجود و أبو انجود روحوا البيت ومايد روح يكلم ربيعه لآن دق على موبايله وماتم حد في الصالة غير انجود وعبيد وشوي يرن موبايل انجود..
انجود:- هلا والله بميثه..
ميثه:- هلا وغلا..
انجود:- سبحان الله توه حبيب القلب يرمس عنج..
ميثه:- وأنا أقول ليش من الصبح أكح..
وعبيد أول ما سمع أسم ميثه بو الشباب تكهرب..
انجود:- أقول شو رايج اليوم نطلع الصراحة وايد ملل..
ميثه:- والله ما أدري يمكن اطلع اليوم مع باباتي..
انجود ( تهمس لميثه ):- أقول اسكتي بنقهر عبيد..
انجود:- انزين متى خطبوج..
وأول ما قالت خطبوج عبيد لونه تغير استوى أشارة المرور..
انجود:- وافقي..
انجود:- ألف صلاة وسلام عليك يا حبيب الله محمد كلللللللللللللللللوش..
عبيد:- منو إللي خاطبنها( بدون نفس )
انجود:- واحد من كبارية دبي..
عبيد:- وهي شو رايها..
انجود:- تقول موافقة لأنها تعبت من كثر ما تريت حبيب القلب خالي عبيد..
عبيد:- خلاص قولي حقها ألف مبروك وأن شاء الله تكون سعيدة معاه..
(( يكلمها وهو زعلان ويرمس بدون نفس )) وطلع من الصالة روح غرفته انجود غمضها خالها..
انجود:- ميثوه الله ياخذج...... خالي فديته زعل وتضايق..
ميثه:- والله أنا مالي خص..
انجود:- يلا باي بروح عنده..
ميثه:- خلاص حياتي بس أمانة قولي حقه لو منو تقدملها ما بتوافق إلا على حبيب القلب عبيد....وسلمي عليه..
انجود:- والله أنج ما تستحين تتغزلين بخالي..
وبدخلت أخوها مايد..
انجود:- خلاص ميثه أنا إلحين بسكر يلا مع السلامة..
ميثه:- مع السلامة..
وسكر عن ميثه ومايد يسألها
مايد:- وين خالي..
انجود:- روح يرقد في غرفته..
مايد:- خلاص أنا بروح البيت بتين ولا..؟؟؟
انجود وهي تفكر في خالها المتضايج من السالفة..
انجود:- لا لا بتم عقب ..أنا بتصل لك وتعال أخذني..
مايد:- خلاص سلمي على خالي...
انجود:- الله يسلمك..
ومايد يطلع من باب الصالة وانجود وراه وتوه بيطلع من باب الحوش..
انجود:- مــــــــــــــــايد ..... اتحمل على عمرك..
مايد:- أن شاء الله..
ويطلع مايد وانجود بحركة سريعة تروح عند خالها (( دق الباب غرفته ))
عبيد:- منـــــــــو
انجود:- أنا أنجود
عبيد:- أنا تعبان برقد وعقب تعالي وعيني وإذا كنت ملانة روحي عند مايد
انجود:- مايد روح البيت وأنا بروحي
عبيد:- انزين أنا فيني رقاد
انجود:- أنزين بدخل برقد عندك
عبيد يقوم يفتح الباب وعقب ماكسرت خاطره وأول ما فتح الباب روح رقد على الشبرية..
انجود:- خالي بكلمك
عبيد:- عقب اجلي الكلام أنا تعبان
انجود:- خالي والله كنت أقص عليك
(( عبيد وهو مافهم قصدها ))
عبيد:- خلاص أنزين لا ترقدين روحي قعدي على النت
انجود:- خالي ليش ما فهمت قصدي أنا أقصد سالفة ميثه
وهني عبيد ماعرف شو يسوي يستانس ولا يحرج على انجود..
عبيد:- قولي والله
انجود:- والله خالي
عبيد:- وليش سويتي جي
انجود:-عشان تروح تخطبها بدال اليلسه بروحك وصدقني لو ما رحت خطبتها إلحين بطير من إيدك
عبيد:- الصراحة أنا مابي أظلم بنت ناس وياي
انجود:- حرام عليك خالي...يوم خليتها تحبك وأي حد يخطبها ترفضه عشانك ودايماَ تسأل عنك وتوه يوم قلت لها أنه خالي ضايج تعرف شو قالت ولا أقول مافي داعي تعرف ش قالت لأنك يا خالي ما تحس في ناس بس تحس في عمرك(( ترمس بكل عصبية ))
عبيد بكل حماس:- ليش شو قالت ..
انجود:- ليش تبى تعرف شو قالت صدقني مايهمك وإذا أنت حاط في بالك تلعب عليها ترى لاتنسى هي بنت ناس ولها حشمتها
عبيد:- والله يا انجود أنه عمري ما فكرت في هذا بس.....
انجود:- أصلاًََ أنت ما عندك شيء تقوله بس حبيت أقولك فكر في كلامي عدل وفكر في المسكينة إللي تحبك ومستحيل تنساك والصراحة أنا اليوم بقول لها أنك ما تحبها ويعتبرج مثل أخته...
عبيد:- لا تقولين
انجود:- ليش خايف أنها تقول عنك بدون حساس ولا أنه تقول لك جذاب ولا تلعب بالقلوب يابياع القلوب
وطلعت انجود من الغرفة وهي أول مرة جي تكلم خالها بس عبيد صدق يباله من هذا الكلام...
-----*******---------------***************
كوووووويتي تكااااااااااانه

الموضوع الاصلي  من روعة الكون