ياهاجسي ابدع لاجـل نفـع قاريـك
ابـدع حكـم وامثـال فـن وبراعـه
ودي بهم مفهـوم غامـض معانيـك
الكـل يـدرك مقصـده وانطبـاعـه
خص الذي خـان العهـد مايراعيـك
بدل حبال الوصـل هجـر وقطاعـه
يافلان انا من بـدت النـاس شاريـك
وانـت الـذي عرضتنـي للبيـاعـه
سلمت قلبي في يـدك كنـت موفيـك
ماكنت اضنـك ماتصـون الوداعـه
بعته لخاطر هرج من كـان يغريـك
لينه غدى وانت سبب فـي ضياعـه
خـلاك تتركنـي بوسـط الشرابيـك
اغواك واتقن فيـك حرفـة اخداعـه
ماكنت اصـدق كذبـةً فـي تغويـك
تتبع هواء من شـاع عنـي اشاعـه
حطيتبي كـل الـردى مـن ترديـك
وجزيت حبي جرم واللعـن بشاعـه
ماشر على الناقص انا شرهتي فيك
يومه كذب تنصت بحسـن استماعـه
صديت عني يوم انا اصرخ واناديـك
خليتنـي وسـط الخـلا للسبـاعـه
شلتك على متنـي طموحـي اعليـك
ترقى وانا وقتـك اقاسـي صراعـه
ويومي وصلت بك ا لقمر جيت اناديك
خليـت قلـبـي زايــدً باللتيـاعـه
دمرت حالـي ياعسـى الله يجازيـك
قدري نزل عنـد الاهـل والجماعـه
شهـد زور بكذبـةً صنعهـا لـيـك
ذعوبهـا بيـن البـشـر كـالاذاعـه
جور على جور الزمن جت بلاويـك
يالين ضاق(بـي) الفضـاء باتساعـه
ميـر استمـع منـي وفتـح اذانيـك
والله لاسد الديـن واطـوي شراعـه
لوتجتمـع ثنتيـن بالرجـل تغنـيـك
حيث الرجل وسط الوفـا والشجاعـه
لو زدت في هجرك لنا مـع تغليـك
هذل نفسـي لـك انـا لـي مناعـه
لوك من كبـار العـرب والمماليـك
الله وهبنـي كنـز يدعـى القنـاعـه
لاتحسبنـي بتبـعـك ذل وارجـيـك
من عافنـا (يحـرم) علينـا اتبااعـه
دامك مقفي رح وانـا ايضـا مقفيـك
وكلـن يـدور فـي زمانـه متاعـه
بكـره تجـي والله لاذلـك وابكيـك
ياهيـه لاتامـن مـن العمـر ساعـه
مادمت معلـن للجفـا فـي تحديـك
ابشـر برجـالً مشـمـر ذراعــه
بكره يجيلك يـوم انـا فيـه واطيـك
واهين حبـك دايسـه وسـط قاعـه
بنهاك وارجع وابتدي فيـك وانهيـك
وخل التغطـرس ينفعـك واللكاعـه
000000000000000000000000000000
م ن ق و ل
الموضوع الاصلي
من روعة الكون
آخر 10 مشاركات
29-06-2007, 09:43
العرض العادي
