قصيدة متواضعه

يامحمد إنتبه لي وأسمع أسمـع هالوصـاه
من صميمي ناصح ٍ لك الله الله بالصديـق
الرجل ماينفعه في دنيتـه كثـر أصدقـاه
كم صديق ٍ همته خانت به بنصف الطريق
به مواقف تفضـح الرجـال وتبيـن رداه
وبه مواقف ترفع الرجال في قمة طويـق
الردى ياخـوك علـه نسـأل الله الشـلاه
واالمراجل من حصدها يبشر بصيت ٍ يليق
قد حكى رسولنا المرسول صلى الله عـلاه
قال في معنى حديثٍ راويه مصدر وثيـق
الرجل معروف دينه فيه من ديـن أخلـلاه
فل تناظر يامحمد من هـو بدربـك رفيـق
رفقة النشمي تجاره والحظيظ اللي شـراه
ورفقة العله تسبب للرجـل يبسـان ريـق
رفقة الخيّر تراهـا مثـل طـوقٍ للنجـاه
عكسها الخيّب لا تحلم ينقذك لوّك غريـق
مثل منهو نافـخ ٍ للكيـر قـل الله حـلاه
ومثل منهو حامل ٍ المسك تلقى به رحيـق
الصديق اللي تشوف إن في صداقته إشتباه
والله إن فرقاه خير وجعل روحه في حريق
والصديق اللي يرحب بالصديق إليا نخـاه
والله إنه طب جرحك حسبته حسبة شقيـق
لايغرك في زمانك هرج معسـول الشفـاه
داخله أصل الدنائه ومظهره يبـرق بريـق
يامحمد لو تذكر أمـس وش قـال الـرواه
قالو مايظهر صديقك إلا في وقت المضيق

الموضوع الاصلي  من روعة الكون