.... الله يجازي ساعة الضيق والباس

الله يجـازي ساعـة الضـيـق والـبـاس
عـرفـت فيـهـا المـرخـصـه والثمـيـنـه
وعرفت بان مخالطة بعـض الاجنـاس
تــرّث علـيـك مــن الـقـهـر والغبـيـنـه
وماكـلّ مايلمـع مـن المـعـدن الـمـاس
ومـاكــلّ قـلــب يحـسـسـك بالسكـيـنـه
والله يقـطـع حـاجـة الـنــاس لـلـنـاس
تـخـلــي الــرجــال يـلــعــن سـنـيـنــه
ضاقت على صدور الرجاجيل الانفاس
وصعبـه علـى الرجـال قـصـرة يديـنـه
ولـولا الضلـوع العـوج بانيـةٍ أقـواس
دون الـصـدور الضـايـقـات الحـزيـنـه
مـاكـان لقـلـوب الرجاجـيـل مـجــلاس
خلـف الضلـوع بـلا سبـايـب سجيـنـه
درات بـي الدنيـا وانــا رافــع الــراس
واسـرار قلـبـي فــي ضلـوعـي دفيـنـه
وان كانها ضاقت علـى القلـب لابـاس
يكـفـي عـرفـت المرخـصـه والثمـيـنـه