لاتنتظربعدالوداع اجتماعي
حان الـوداع ولابقـي للعتـب دور
الله لنـا وفجـوج ربـك وساعـي
دام الصداقه ماهي احساس وشعور
ماللصداقـه بعـد هاليـوم داعــي
قلب على المقفيـن ماهـو بمجبـور
من باع للعشـره مصيـره يباعـي
رحت واعتبر نفسك مسامح ومعذور
قلبي على كثر الخطـا مااستطاعـي
انا على قرقاك بالعكـس مسـرور
مثلـك خسـاره فيـه دم الوداعـي
وش عاد لو خاطرك ضايق ومكسور
مادام خيبـت الرجـاء والمساعـي
ماكنت اصدق فيك ياضايـع الشـور
دايم وانـا دونـك مكثـف دفاعـي
وكانك على ماقيل منهـي ومامـور
بدري على شرواك لويـت ذراعـي
فنجالك اللي سقت من يـدك منثـور
لاصار مانتـه للصداقـه مراعـي
من يخدم الانـذال ماهـو بمشكـور
ومن يزرع الصبخا جداه الضياعـي
توي لقيـت لعلـة النـذل دكتـور
البعد عن شوفـه يزيـل الصداعـي
مافيه داعي ينفضـح كـل مستـور
عيني تشوف الدرب والقلب واعـي
نور الحقيقه بـان والعلـم مخبـور
شفت السباع وشفت روس الافاعـي
افلح قبل بضربك رمحي على الزور
وتلقى شبيهـك ياخبيـث الطباعـي
عين بكت فرقاك تحرم مـن النـور
لاتنتظـر بعـد الـوداع اجتماعـي
الموضوع الاصلي
من روعة الكون
آخر 10 مشاركات
29-06-2007, 01:55
]
العرض العادي
