عاوز تموت خش وخلص

roba · #1 (**permalink**) 11-07-2006, 11:40

عاوز تموت شهيد ؟
ياتركب طياره............... ياتركب عباره

عاوز تموت م الجوع ؟
ياتشترى شقه................ياتشترى عربيه بالقسط

عاوز تموت م الحسره ؟
ياتتفرج ع الفاترينات فى ستى ستارز.....ياتروح زياره لمارينا

عاوز تموت م الغيظ ؟
ياتتفرج ع القنوات المحليه......... ياتتفرج ع النشره الجويه

عاوز تموت م الزهق ؟
ياتستنى الأشاره لما تفتح .... ياتستنى دورك فى الطابور فى
التأمين الصحى

عاوز تموت م الهبل ؟
يا تخش ع النت .......... ياتكلم بنات

عاوز تموت مخنوق ؟
ياتروح مصلحه حكوميه ......... ياتقرا الجريده اليومية

عاوز تموت مفروووس ؟
ياتركب تاكسى ............ ياتركب دش

عاوز تموت مرعوووووب ؟
ياتستنى نتيجه الثانويه العامه ....... ياتستنى نتيجه التحاليل عند الدكتور

عاوز تموت مشهور ؟
ياتتجوز رقاصه ............ ياتنصب على بنك

عاوز تموت مليونير ؟
ياتعمل فيديو كليب............. ياتلعب كوره

عاوز تموت ورا الشمس ؟
ياتشغل مخك ............ ياتفتح بؤك

عاوز تموت منكد ؟
ياترشح نفسك فى الأنتخابات ....... ياتخش ف أتفاقيه الجات

عاوز تموت م الحزن ؟
ياتفكر دايما ف أحوالك .......... ياتحط الحكومه ف بالك

عاوز تموت م الضحك ؟
ياتتجوز أتنين ......... ياتشتغل مع المجانين

عاوز تموت ف حالك ؟
أعمل نفسك دايما مش واخد بالك

:_1_prv:

خلوها على الله

الموضوع الاصلي من روعة الكون

الجليد · 12-07-2006, 01:46

roba · 19-07-2006, 02:56

soud737 · 19-07-2006, 01:04

roba · 20-07-2006, 03:28

الصياد · 23-07-2006, 01:57

roba · 24-07-2006, 04:42

bakr · 25-07-2006, 07:51

roba · 25-07-2006, 08:19

الحنان كله · 13-07-2007, 01:52

عاوز تموت خش وخلص

مــنــتــدى الــفــرفــشــة والــدجــة