مرحبا بكم

εïз قصــة حبــ مع الايامــ εïз

مــنــتــدى الــحــكــم والــقــصــص

آخر 10 مشاركات
الشعر العربي القديم
(الكاتـب : فاطمة أدهم ) (مشاركات : 0)
رؤية المطر
(الكاتـب : فاطمة أدهم ) (مشاركات : 0)
حظ الجدي
(الكاتـب : فاطمة أدهم ) (مشاركات : 0)
بر الوالدين
(الكاتـب : فاطمة أدهم ) (مشاركات : 0)
الأحلام والرؤى
(الكاتـب : فاطمة أدهم ) (مشاركات : 0)
التشاؤم
(الكاتـب : فاطمة أدهم ) (مشاركات : 0)
صفات القوس
(الكاتـب : فاطمة أدهم ) (مشاركات : 0)
الأحلام والرؤى
(الكاتـب : فاطمة أدهم ) (مشاركات : 0)
تفسير رؤية الميت بالمنام
(الكاتـب : فاطمة أدهم ) (مشاركات : 0)

 
العودة   منتديات روعة الكون > (¯`·._) الـمنـتـديات الادبــيــة (¯`·._) > مــنــتــدى الــحــكــم والــقــصــص
التسجيل التعليمـــات قائمة الأعضاء التقويم اجعل كافة الأقسام مقروءة
 
موضوع مغلق
 
LinkBack أدوات الموضوع انواع عرض الموضوع
  #1 (permalink)  
قديم 29-06-2007, 09:24
الصورة الرمزية حبيبهـ قلبهـ
 
تاريخ التسجيل: Jun 2007
المشاركات: 52
معدل تقييم المستوى: 84
حبيبهـ قلبهـ يستحق التميز

افتراضي εïз قصــة حبــ مع الايامــ εïз


بســـــــــــم الله الرحمن الرحيم ..

هذي قصة قريتها في أحد المنتديات بأســـــــم (( حب مع الايام ))

((اجزاااااااااااااااااااء))

أتمنى منكم المتابعــــــــــــة ..

..

الجزء الأول ::

في الصالون :
نور : بسرعة تراني متأخرة على الحفلة
الكوافيرة : أوك مدام
نور : أي عفية

و بعد ربع ساعة كملت الكوافيرة تسريحة شعرها .. فخذت ثيابها و راحت تبدل ..

نور : كم صار ؟
الكوافيرة : 20 دينار
نور : تفضلي .. مع السلامة
الكوافيرة : مع السلامة

ركبت سيارتها و قعدت تمشي بسرعة جنونية لأن حفلة زواج خالها بدأ و هي لحد الحين مب هناك .. و ما أنتبهت الا على صوت ارتطام .. فطلعت من سيارتها مستحمقة ..

نور : أنت عمي ما تشوف ؟
.... : مسامحة أختي ما كنت أقصد أدعمج بس لأني مستعجل ..
نور و هي تقاطعه : لا و الله بس تفكر بنفسك حتى انا مستعجلة
.... و هو يطالعها من فوق لتحت : اي يبين عندج حفلة .. عيل ماني معطلتج و لة معطل نفسي .. بعطيج رقم موبايلي عشان تتصلين فيني و نحدد تكاليف سيارتج ..
نور : شوف يا ..
.... : يوسف
نور : شوف يا أخ يوسف أنا ما أقدر أطول الحين .. أنت هات الرقم و انا بعطيه لأبوي عشان يتصرف
يوسف : تفضلي
نور : دام فضلك
يوسف : أكرر أسفي .. في أمان الله
نور : مع السلامة .. و ركبت سيارتها بس ها المرة كانت تمشي بهدوء و تفكر بالحادثة اللي صار لها الى أن وصلت تفكر في الأخ اللي دعمها .. كان وسيم بطوله و شكله ..
نور و هي تقول بقلبها : أعوذ بالله أنا في شنو قاعدة أفكر .. بس شخصيته كانت قوية .. ليكون هاي أعجاب ؟ .. و استغرقت في تفكيرها الى أن وصلت للفندق

..

هـــآ اكمـــل ؟؟!!

الموضوع الاصلي  من روعة الكون

 


قديم 29-06-2007, 10:47   رقم المشاركة : 2 (permalink)

معلومات العضو

إحصائية العضو






السهم غير متصل

المستوى: 59 [♥ Bأ©-Yأھu ♥♥ Bأ©-Yأھu ♥♥ Bأ©-Yأھu ♥♥ Bأ©-Yأھu ♥♥ Bأ©-Yأھu ♥]
الحياة  293 / 1468

النشاط  2569 / 52786

المؤشر 72%

إحصائية الترشيح

عدد النقاط : 10
السهم يستحق التميز

افتراضي

الله يعطيك العافيه ونحن بإنتظار القادم ...

 

 

 

   

قديم 29-06-2007, 11:18   رقم المشاركة : 3 (permalink)

معلومات العضو

إحصائية العضو





حبيبهـ قلبهـ غير متصل

المستوى: 6 [♥ Bأ©-Yأھu ♥♥ Bأ©-Yأھu ♥♥ Bأ©-Yأھu ♥♥ Bأ©-Yأھu ♥]
الحياة  0 / 126

النشاط  17 / 4511

المؤشر 5%

إحصائية الترشيح

عدد النقاط : 10
حبيبهـ قلبهـ يستحق التميز

افتراضي

هـــلآ و غـــلآ

اخوووي مشكوور ع المرووور

وبمـآ انكـ رديتـ راح انزل لك جزء

 

 

 

   

قديم 29-06-2007, 11:21   رقم المشاركة : 4 (permalink)

معلومات العضو

 
الصورة الرمزية azooz

إحصائية العضو





azooz غير متصل

المستوى: 17 [♥ Bأ©-Yأھu ♥♥ Bأ©-Yأھu ♥]
الحياة  0 / 416

النشاط  119 / 14999

المؤشر 65%

إحصائية الترشيح

عدد النقاط : 10
azooz يستحق التميز

افتراضي

هيه لالالالالا
بتكملي ان شاء الله

 

 

 

   

قديم 29-06-2007, 11:29   رقم المشاركة : 5 (permalink)

معلومات العضو

إحصائية العضو





حبيبهـ قلبهـ غير متصل

المستوى: 6 [♥ Bأ©-Yأھu ♥♥ Bأ©-Yأھu ♥♥ Bأ©-Yأھu ♥♥ Bأ©-Yأھu ♥]
الحياة  0 / 126

النشاط  17 / 4511

المؤشر 5%

إحصائية الترشيح

عدد النقاط : 10
حبيبهـ قلبهـ يستحق التميز

افتراضي

هلا هلا

انشالله رااح اكملــ

 

 

 

   

قديم 29-06-2007, 11:30   رقم المشاركة : 6 (permalink)

معلومات العضو

إحصائية العضو





حبيبهـ قلبهـ غير متصل

المستوى: 6 [♥ Bأ©-Yأھu ♥♥ Bأ©-Yأھu ♥♥ Bأ©-Yأھu ♥♥ Bأ©-Yأھu ♥]
الحياة  0 / 126

النشاط  17 / 4511

المؤشر 5%

إحصائية الترشيح

عدد النقاط : 10
حبيبهـ قلبهـ يستحق التميز

افتراضي

وهـــآآذي التكملـــهــ

في الفندق ::

نور : السلام عليكم
نوف : و عليكم السلام .. و ينج ؟ جان رقدتي أكثر ؟
نور : شاسوي في طريجي واحد دعمني
نوف و هي تشهق : الله يقطع ابليسه ما لقى الا اليوم يدعمج .. بس عسى سيارتج ما تضررت وايد ؟
نور : لا بس انشمخت شوي .. و هو عطاني رقمه عشان يدفع تكاليف التصليح
نوف : لازم يدفع الا تعالي امج وايد تحاتيج
نور : وية عليها مسكينة
نوف : بسرعة امشي ندش القاعة عشان تتطمن عليج
نور : يالله عيل أمشي

( نوف هي أعز رفيجة عند نور .. و اللي قوى علاقتهم أكثر هو أن اليوم عرس خال نور ( حسن ) من خالة نوف ( أحلام ) )

في القاعة :
أم نور : وينج يمة تأخرتي وايد ؟
نور : شاسوي يمة تدرين زحمة الشوارع و لا واحد دعمني
أم نور و هي خايفة : وية على بنيتي الوحيدة عسى ما صادج شىء ؟
نور : لا يمة الحمدلله بس سيارتي شوي تشمخت
أم نور : الف حمدلله بدال السيارة عشر .. ما يغلى عليج شىء بنيتي
نور : يعلني ما انحرم منج يمة
أم نور : شخبارج نوف ؟ و شخبار أمج ؟
نوف : الحمدلله كلنا بخير ..
أم نور : أمج ما تبين وينها ؟
نوف : اكاهي عند العروس
أم نور : عيل أستأذنكم بروح عندها
نوف : نوارة قومي نرقص ؟
نور : اوك

..

في قاعة الرياييل :

يوسف : تدري أحمد شصادني في الطريج
أحمد : شدراني .. ليكون شايفني ساحر
يوسف : خخخخ تنكت وية ويهك
أحمد : الا تعال شصادك ؟
يوسف : دعمت سيارة من السرعة
أحمد : عسى ما صار شىء ؟
يوسف : لا الحمدلله سيارتي صاحية بس سيارة البنية شوي تشمخت
أحمد و هو فاج عيونه : داعم بنية ؟
يوسف و هو سرحان : ولة كل البنات
أحمد : أقول يا السرحان .. شتفكر فيه ؟ تراني أفهمك .. فضفض اللي في قلبك
يوسف : هااا مدري شصادني من أول ما شفتها
أحمد : نقدر نقول حب
يوسف : روح ول .. اي حب يا ريال .. اممممم بس يمكن اعجاب
أحمد : كل شىء ممكن .. بعدين بنسولف عن ها السالفة .. قوم الحين نشاركهم بحفلة زواج خالتك أحلام ..

..

 

 

 

   

قديم 29-06-2007, 11:30   رقم المشاركة : 7 (permalink)

معلومات العضو

إحصائية العضو





حبيبهـ قلبهـ غير متصل

المستوى: 6 [♥ Bأ©-Yأھu ♥♥ Bأ©-Yأھu ♥♥ Bأ©-Yأھu ♥♥ Bأ©-Yأھu ♥]
الحياة  0 / 126

النشاط  17 / 4511

المؤشر 5%

إحصائية الترشيح

عدد النقاط : 10
حبيبهـ قلبهـ يستحق التميز

افتراضي

الجزء الثاني ::

أحمد : كل شىء ممكن .. بعدين بنسولف عن ها السالفة .. قوم الحين نشاركهم بحفلة زواج خالتك أحلام ..
يوسف : لا أمش نطلع برع .. أبي أشم شوية هوا بعيد عن الازعاج
أحمد : زين عيل قوم

( يوسف و أحمد ربع من هم صغار .. جنة أخوان و أكثر )

..

في قاعة الحريم ::

نور : وايد ازعاج أمشي شوي نطلع
نوف : اي و الله انا مصدعة
نور : زين بروح اييب شيلتي و برد
نوف : ييبي شيلتي وياج
نور : تامرين أمر

..

في حديقة الفندق ::

نوف : الله شحلاة الجو
نور : يهبل مب مثل داخل الصالة حر و ازعاج

..

يوسف : قوم نروح الحديقة .. نشوف الطبيعة و الورود شوية
أحمد : أشوف الأخ صار رومانسي
يوسف : فج وية ويهك
أحمد :
يوسف و هو مستغرب : شوف هناك قاعدة البنية اللي دعمتها
أحمد : تقصد اللي قاعدة وية أختك ؟
يوسف و هو يشد ايد أحمد : اي قوم نسلم عليهم

..

نوف : شوفي ها اللي قاعد ييي اخوي يوسف .. أنتي ولة قط مرة شفتيه
نور : أي ما شفت اخوج ابد ..
نور و هي مفججة عيونها : تشوفين اللي لابس بدلة .. هاي اللي دعمني
نوف : هاي هو اخوي
نور ما مداها تتكلم : ..
يوسف و أحمد : السلام عليكم
نوف و نور : و عليكم السلام
يوسف و هو يأشر على نور : مب أنتي اللي دعمتج ؟
نور : اي انا
نوف : يوسف ما عرفتها هاي نور أعز رفيجاتي علطول أكلمك عنها
يوسف : هذي نوووووووووووووور ؟
نور : اي انا نور
يوسف: تشرفنا بمعرفتج .. نوف علطول تكلمنا عنج
نور : عسى بالخير ؟
يوسف وهو يبتسم : أي علطول بالخير
أحمد و هو يقطع حديثهم : شلونج نوف ؟
نوف بحيا : الحمدلله بخير أنت شلونك ؟
أحمد : الحمدلله يسرج حالي
يوسف : يالله نترخص
نوف : في حفظ الله
بعد ما راحوا يوسف و أحمد
نور : اقول يا الخاينة طلعتي تخشين عني سوالفج
نوف : اي سالفة
نور : اي بعد تغيبي .. قصدي عن سالفة أحمد
نوف أنقلب ويا لون أحمر : عبالي عندج سالفة .. الله يسلمج هاي رفيج أخوي .. وايد وية بعض جنهم أخوان
نور : اهاااا يعني بس جذي ؟
نوف : شتقصدين نورو ؟
نور : اقصد يا الرومانسية أنج تحبينه
نوف و هي ترتجف : اي حب انتي وية ويهج
نور : ترى عيونج قاعدة تفضحج .. و تكشف الحقائق و تقول انج تحبينه
نوف و هي سرحانه : اي أحبة .. احبه
نور : ترى الحب مو حرام اذا كان صادق و بريىء
نوف و هي تقرب راسها من صدر نور : تظنين ها الشىء ؟
نور : اي

..

في الصالة ::

حسن : هاي أحلى يوم بحياتي
أحلام بحيا : حتى أنا
حسن : شوفيني يا أحلام .. رفعي راسج
أحلام : .........
حسن : أوعدج أن حياتنا تكون مبنية على السعادة
أحلام : أتمنى ها الشىء
حسن : قومي حبيبتي نقطع الكيك
أحلام : أنشاءالله

 

 

 

   

قديم 29-06-2007, 11:31   رقم المشاركة : 8 (permalink)

معلومات العضو

إحصائية العضو





حبيبهـ قلبهـ غير متصل

المستوى: 6 [♥ Bأ©-Yأھu ♥♥ Bأ©-Yأھu ♥♥ Bأ©-Yأھu ♥♥ Bأ©-Yأھu ♥]
الحياة  0 / 126

النشاط  17 / 4511

المؤشر 5%

إحصائية الترشيح

عدد النقاط : 10
حبيبهـ قلبهـ يستحق التميز

افتراضي

الجزء الثالث ::

تمت حفلة الزواج على خير
و الحين حوالي الساعة 4 الفجر .. و المقربين من العروس و العريس لحد الحين في الفندق ..

أم نور : يالله أخوي تأخر الوقت لازم تلحقون على الطيارة
حسن : زين انتوا وديتوا الشنط المطار ؟
أم نور : السواق وداهم
حسن : تعبتج معاي يا ختي
أم نور : لا تقول جذي .. انا اللي ربيتك بعد وفاة أمنا الله يرحمها .. و سهرت على راحتك .. انت قبل ما تكون أخوي أعتبرك ولدي اللي أنحرمت من أنجابه ..
حسن : الله على كل شىء قدير .. يمكن ها الولد اللي ما يا يكون خير لج و لأبو نور
أم نور : و نعم بالله .. الا الطيارة متى بتحلق ؟
حسن : الساعة 6 الصبح
أم نور : عيل سرعوا .. انا بروح أجهز لكم السيارة
حسن و هو ينادي أحلام : يالله حياتي , لازم نروح المطار
أحلام : وااااااااي تعبانة
حسن : رقدي في الطيارة

..

في المطار ::

حسن : مع السلامة
أم نور و هي تبجي : الله يسلمك يا الغالي .. تروح و ترد لنا بالسلامة
حسن : لا تبجين أم نور ..
أم نور : شاسوي .. تعودنا على دمك الخفيف .. و فضولك الزايد .. و راح نفقد كل ها الاشياء في فترة سفرك ..
نور و هي تضحك : حسووووون لا تنسى تييب لي الساعة اللي خبرتك عنها
حسن : هيي شايفتني أصغر عيالج ..
نور و هي تطلع لسانها : لا شايفتك أخوي
حسن : صج مالت عليج .. بس ولة يهمج ابشري الساعة بشتريها لج
نور : فديــــــــــت ها الخال و الله
حسن : يا اللوســــة مصلحجية ..
يوسف من بعيد كان يطالعهم و كان يضحك على حركات نور الطفولية ..
حسن و هو يصارخ : يوسف قرب
يوسف : هلا بو علي انشاءالله تروح و ترد بالسلامة ..
حسن : وية ويهك احترمني يا أخي مب جني زوج خالتك
يوسف : الا و النعم .. بس لا تنسى ان خالتي تربت وياي ببيت واحد من صغري

( حسن و أحلام عانوا من صغرهم .. حسن ابوه مات لما كان في بطن أمه .. و امه ماتت بسبة مرض السرطان يوم كان 9 سنين .. فربته أخته الوحيدة أم نور .. أما عن أحلام فأمها و أبوها ماتوا يوم كانت 5 سنين في حادث سيارة .. فعاشت مع أختها الوحيدة أم يوسف .. )

حسن : هيه التاريخ قاعد يعيد نفس الأحداث
من بعيد أم يوسف كانت تلوح لهم .. ولما أقتربت ..
أم يوسف : ها حسن دير بالك على أحلام .. تراها قطعة من كبدي
حسن : ابشري . الا وينها الحين ؟
أم يوسف: وية عليها تعبانة قاعدة على الكرسي هناك
حسن : عيل بروح أناديها لان الوقت وايد تأخر
أم يوسف : لا أنت روح كمل أجرائات السفر .. بقول لنور تروح تخبرها
حسن : انشاءالله
أم يوسف و هي تقول لنور : روحي نادي خالتج
نور : انشاءالله يمة

..

حسن يوم كمل كل اجرائات السفر .. و كان يبي يرد عشان ياخذ احلام لقى بطريجه بو نور و بو يوسف ..
بو نور : هلا بالمعرس ..
حسن : هلا و غلا بزوج اختي
بو يوسف : انشاءالله تروح و ترد بالسلامة
حسن : الله يسلمك
بو يوسف : ترى الطريج لفرنسا طويل ..
حسن : اي و الله .. الله يستر على ما اضن بشوف اكثر من 7 افلام في الطيارة
بو نور : ه عيل توفير عشان شهر ما تروح السينما
بو يوسف و حسن : ه
بو نور : متى بتحلق الطيارة ؟
حسن : اوووووو نسيت احنا وايد متاخرين .. خلونا الحق على المدام
بو نور : قوم اركض قبل ما تلحقك بالعصا
حسن : حرااااااااام
بو يوسف : ان كيدهن عظيم
حسن : ترى ما ارضى على حرمتي .. ووي فمان الله .. تراني وايد متاخر

..

راح حسن و خذ زوجته و دخلوا في الطيارة .. بأنتظار موعد التحليق ..

شرايكم بالجزء ؟
و ما هي توقعاتكم ؟

 

 

 

   

قديم 29-06-2007, 11:32   رقم المشاركة : 9 (permalink)

معلومات العضو

إحصائية العضو





حبيبهـ قلبهـ غير متصل

المستوى: 6 [♥ Bأ©-Yأھu ♥♥ Bأ©-Yأھu ♥♥ Bأ©-Yأھu ♥♥ Bأ©-Yأھu ♥]
الحياة  0 / 126

النشاط  17 / 4511

المؤشر 5%

إحصائية الترشيح

عدد النقاط : 10
حبيبهـ قلبهـ يستحق التميز

افتراضي

يــــــلآ اذا جفت ردوود اكثر باانزل الاجزااء البااقيهـ

 

 

 

   

موضوع مغلق

مواقع النشر (المفضلة)

آخر مواضيع مــنــتــدى الــحــكــم والــقــصــص

منتديات روعة الكون


أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are معطلة


المواضيع المشاب
الموضوع الكاتب المنتدى مشاركات آخر مشاركة
εïз ساعات للبناات εïз فراشة الأمل مــنــتــدى الأنـاقـة و الـتـجـمـيـل 5 18-12-2007 09:50
εïз مسجات عن الصداقة َεïз كلي لها مــنــتــدى الاتــصــالات والالـكـتـرونـيـات 8 27-09-2007 09:50


الساعة الآن 03:16.

أقسام منتديات روعة الكونت

الــمــنــتــدى الــعــام | الـمـنـتـدى الإسـلامــي | مــنــتــدى الـترحـيب والـتـعارف والأهداءات | مــنــتــدى الــــصـــور | مــنــتــدى الأنـاقـة و الـتـجـمـيـل | مــنــتــدى الاســرة و الطفـل | مــنــتــدى الــصــحــة والــطــب | مــنــتــدى مـائــدة روعـة الكــون | مــنــتــدى الــحــكــم والــقــصــص | مــنــتــدى الــخــواطــر و الــنــثــر | مــنــتــدى هــمــس الــقــوافــي | مــنــتــدى الــريـاضــة والــشـبـاب | مــنــتــدى الألــعــاب والــمــســابــقــات | مــنــتــدى الــفــرفــشــة والــدجــة | مــنــتــدى البرامج والكمبيوتر و تبادل الخبرات | مــنــتــدى الاتــصــالات والالـكـتـرونـيـات | مــنــتــدى الـجـرافـيـكـس والـتـصـمـيـم | مــنــتــدى آخر الأخبار والأحداث | الخيــمــة الرمضــانيــة | مــنــتــدى القضـايا الساخنـة والحـوار | مــنــتــدى مجلس الاعضاء | الـصوتيـات والمـرئيات الإسلامية | مــنــتــدى الأنمـي و الألعـاب الإلكترونية | مــنــتــدى الديكور والاثاث المنزلي | قـسـم الـسـيـارات | مشاكل وحلول القسم الـتـقـنـي | مــنــتــدى الماسنجر والايميل | مــنــتــدى الفيديو والافلام والمسلسلات | ملحقات الفوتوشوب والفلاش , ودروس التصميم | مــنــتــدى السيـاحـة والسـفـر | منتدى اللغات الاجنبية | قسم تصاميم الفلاش والسويتش | :: مســآبقة " روعــة الكــون " الرياضيـــة :: |



Powered by vBulletin® Version 3.8.7
Copyright ©2000 - 2019, vBulletin Solutions, Inc.

منتديات روعة الكون