تعلمي السحر<< الحلااااال >>...للمتزوجاااات..

You Started it · #1 (**permalink**) 29-06-2007, 09:53

تعالى اعلمك السحر

( ياحــــــــــــواء )

السحر هو أمر يستحوذ على الحواس فيقودها في اتجاه آخر ..

لكل من تود أن تسحر زوجها سحر لا يمكن فكه ولا حله ..

هذه طريقة فعالة .. جربوها ولن تندمــوا بإذن الله ..

1- زوجك ليس ندا لك ..

زوجك رجل ..

له كرامة وكيان وشخصية تمتلئ بالشموخ والكرامة وعزة النفس ..

فلا تكوني ندا له ..... وين المشكلة ؟؟!!

2- .بيتك جنة .. وأطفالك هم عصافير الجنة ..

فلا تجعليهم غربان تحوم حول الزوج حين يحتاج للهدوء ..

الانسحاب أحيانا مفيد جدا ,, وين المشكلة ؟؟!!

3- خليه يفتح موضوع جدي معاك ..

اتركيه يناقش حتى النهاية ..

اذا قرب يخلص فاجأيه بالعبارة التالية : بس في نقطة مهمة نسيتها ..

راح ينتبهلك ..

وأكيد راح يسأل : وش هي ؟؟!! ,, قولي : أنا أموت فيك .. وين المشكلة ؟؟!!

4- كل الأمور تحلينها انتي ؟؟!! برررررااااااااافو ..

كفو والله ويعطيك العافيه ..

بس مو ضروري تعيرينه..

دعي له مساحة يتحرك فيها ..

شاركيه بالقرارات ...

ارجعي له دائما ..

حتى في الأمور المحسومة سلفا ..

خليه يحس ان له دور مهم مو سبير طايح .. وين المشكلة ؟؟!!

5- دائما دعيه يشعر انه القوة الكاملة في البيت ..

دعيه يشعر انك ضعيفة لكن مو بشخصيتك ..

بل بجسمك ,, الجأي له مثل الأطفال ..

حتى لو اصبعك انجرح ... عطيه بلاستر وخليه يلف اصبعك .. وين المشكلة ؟؟!!

6- خليه دايما يحس انك بحاجته ..

وان عداداتك وبوصلاتك ما تشتغل الا بوجوده .. وين المشكلة ؟؟!!

7- أشعريه ان شخصيته هي الأقوى ..

حتى لو كنتي كونداليزا رايس .. وين المشكلة ؟؟!!

8- العطور الســحر كلــه ..

اجعلي بيتك مريحا للأعصاب ودايما استبدلي عبق البصل والثوم اللي تحوووووووووس في البيت ..

برائحة معطر الجو إير ويك برائحة الورد

حواس الأنف مفتاح الدماغ ..

راقبي وجهك اذا مريتي بالقرب من قمامه صارلها سنة مرميه ..

حتى لو كنتي في قمة سعادتك بتنقلب مزاجاتك ..

شلون يقدر يعصب والدنيا ربيع والجو بديع ..

وقفلي على كل المواضيع .. وين المشكلة ؟؟!!

9- يقولون الرجل طفل كبيـر ..

انا اقول الرجل جنين وليس طفل ..

الطفل ممكن ينزف ... ينطق ..

بس الجنين محمي بحنان رباني و بعالم هادئ بتدليل أمومي ..

الرجل مهما لقى من صفات رائعة في زوجته ..

دائما يبحث عن حنان أمه فيها ..

والحنان يلين الصخر .. وين المشكلة ؟؟!!

10- كوني له أمة يكون لك عبدا .. نعــم لاتسـتغربيــن !!!

كوني صديقته وقت الضيق ..

أخته وقت الفزعة و أمة وقت الدمعة ..

حبيبته لما كل الدنيا تخليه وزوجته لما يضيع ..

و بنته لما يحتاج يحس بالألفة ..

كوني له كل نساء الأرض .. وين المشكلة ؟؟!!

11- علمي أولادك ان يقبلوا رأسه كلما رأوه ...

لا تقولين الزمن تغير وماعاد أحد يبوس راس أحد ..

كل شي ممكن يتطور ..

بس يبقى احترام الأب هو الجهل الوحيد اللي لازم نزرعه بقلوب أولادنا ..

وبإستماته .. وين المشكلة ؟؟!!

12- نسى هدية العيد لولده أو بنته ..

::×:: عادي ::×::

اشتري هدية وحطي عليها أسمه وجهزيها له ..

أو اذا انشغل قدميها باسمه فنتيجة انتماء الطفل لأبويه انتو الاثنين راح تحصدونها ..

مو بس هو ..

بس لا تنسين ترسلي له مسج تعلمينه بالهدية ..

لا يصير مثل الأطرش بالزفة .. وين المشكلة ؟؟!!

13- أحــــذري من عبارةأبوك لاهي عنك ..

شدعوة داري عنك و ليش وينه أبوكم ,, أبوك مو فاضيلك ..

الطفل ما ينسى قومي انتي بالمهمة ..

أو على الأقل لاقي عذر مناسب يكبر الأب بعين عياله ..

مو يكرهونه .. وين المشكلة ؟؟!!

14- تتضايقين من نظراته لمذيعات القنوات اللبنانية ؟؟!!

قـــــهــــــر موووو ؟؟!! غلــطـــــــان ..

اسألي نفسك سؤال واحد هي مرأة وانتي مو مرأة؟؟!!

ليش تخليــنه يطالع برا وأنتي موجــوده ؟؟!!

أيش ناقصك ؟؟!!

ليش ما تصيرين انتي لبنانية بنكهة الدرابيل والهيل ..

يعني خليجية النكهة ..

أيش محتــاج المــوضــوع ..

قصة شعر؟؟!!

رجيم ؟؟!!

صبغة حلوة ؟؟!!

ابتسامة جميله ؟؟!!

تدليع ؟؟!!

وين المشكلة ؟؟!!

15- دلعيه ثم دلعيه ثم دلعيه ..

حبيبي ,, قلبي ,, حياتي ,, مافي منك ,, مشكور عساني ما أنحرم منك ..

صباح الحب ,, مساء الورد ,, تصبح على حب ,, عيوني لك ,, انت تامر ..

ومن هالشي .. وراح تشوفين كيف راح تضيع علومـه ..

اعتبريه موضوع تعبير لازم تكتبينه في المدرسة ويتوقف عليه تخرجك ... وين المشكلة ؟؟!!

16- يووووووووووووووووه

ليش ما جبت الطماطم ...... يا الله عليك ... انا كل ما أوصيك على شي تنساه !!!!!!

والله لو رايحة انا أبرك !!!!!

ليش ليش سواق هو ؟؟!!

شوي شوي ..

صحيح مهمته وشغلته وواجب عليه ندري ..

بس كان ممكن لما تكتشفين النقص تقولين الآتي مع ابتسامة ناااعمة ..

عادي حبيبي ولا يهمك يعطيك العافية يا قلبي ..

روح انت الحين وانا أسويلك كوكتيل عالسريع ..

حرااااام يتعب وما ندلعه !!!! ما يصير ..

حتى لو أكلتك كلها تعتمد على الطماطم وخير يا طير ,, تتدبر ..

لو تفكرين شوي راح تعرفين انها تتدبر .. وين المشكلة ؟؟!!

17- لا تنتقدينه أبدا ..

حتى لو كان من راسه لساسه عيوب ..

حتى لو كان صباااااااااااار كله شوك ..

الصبار ترى داخله مويه وعلشان توصلين للمويه لازم تشيلين الشوك وجربي شيليه بسرعة ومرة واحدة ..

ما تجنين الا الألم ..

بالحب والحنية والصبر كل شي يصير ..

حتى لو طولتي تشيلين الشوك ..

راح يجي وقت تلاقينه هو يشيل معاك .. من كيفه .. وين المشكلة ؟؟!!

18- إياكي وإياكي أن تظهري عيبه أمام الآخرين الرجل ما ينسى ..

والشعور بالإحراج يخليه يدفن بقلبه ضيق عليك ما يروح بسهولة وخليك ستر وغطا على عيوبه ..

حتى لو تافهة وعادية .. وين المشكلة ؟؟!!

19- خلي ايدك بإيده ..

خليه يحس انك مستانسة لوجوده جنبك ..

مو تنتظرين الساعة اللي يروح فيها برا ... وين المشكلة ؟؟!!

20- طلعي الشغاله برا أظن الدوام الجزئي كافي ..

هذي مملكتك لا تتنازلين عنها ...

وين المشكلة ؟؟!!

المرأه اذا حبت شغلها تكرف فيه بدون حساب .. وهذا شي معروف عنكم .....

وبابتسامة .... مو بيتك أدوم لك ؟؟!! وين المشكلة ؟؟!!

21- عطيه حريته وخليه يسافرلوحدة اذا يبي ..

خليه يطلع الأستراحه او طلعة مع الشباب ..

خليه يتنفس ..

وراح يرجع لك مشتاق وممنون ... وين المشكلة ؟؟!!

22- تعلمي الابداع بالطبخ ..

نوعي بأكلاتك ..

حسسيه ان ذوقه مهم عندك ... وين المشكلة ؟؟!!

23- جددي بنفسك وخليك أنيقه وكشخة .. وين المشكلة ؟؟!!

24- تذكريه برسالة على الجوال مو لا تنسى العيال والا مر السوبر ماركت ..

قوليله كلمة واحدة بس ..

اشتقتلك .. وين المشكلة ؟؟!!

25- لا تخالفينه قدام عيالك خلي رايك من رايه وعيالك لازم يفهمون هالشي ..انك معاه مو ضده ..

ولا تعاندين ..

لو شلتي ايدك من ثقب السفينه عناد ..

راح تغرق السفيـنـه فيكم كلكم .. وهنا المشكلة !!!!

أتمنى حياه زوجيه سعيده للجميع

You Started it

الموضوع الاصلي من روعة الكون

المخدوعه · 30-06-2007, 02:15

aL7eLwWwAa · 30-06-2007, 06:55

الملاك الحزين · 30-06-2007, 11:18

You Started it · 01-07-2007, 02:43

You Started it · 01-07-2007, 02:45

You Started it · 01-07-2007, 02:48

الملاك الحزين · 01-07-2007, 12:11

المواضيع المشاب
الموضوع	الكاتب	المنتدى	مشاركات	آخر مشاركة
اذا كنت في الحمااااام وفجأة !!!!!!	زمن66	مــنــتــدى الــحــكــم والــقــصــص	4	11-08-2007 03:24

تعلمي السحر<< الحلااااال >>...للمتزوجاااات..

مــنــتــدى الاســرة و الطفـل