%% مجرد ســوالــف %%

:: سعود :: · #1 (**permalink**) 13-07-2006, 04:44

أهلا هلا بالجميع ... ويسعد لي اوقاتكم .. سوالف .. حبيت اشارككم اياها .. مع سوالفنا

فهاوة

جالسين نكتب ورا الدكتور حل وحدة من المسائل .. وكعادته النجس..اول ما خلص شرح مسحها ولم يراعي شعورالفاهين من الطلاب ..طلبت من اللي يمي يعطيني دفتره اكمل الحل ..عطاني اياه ..كملت الحل..رجعت له دفتره..مو راضي ياخذه..! اقرّب الدفتر له وهو يطالعني ويبتسم...ابوك يالرايق..خذ يبن الناس..!! قالّي لو سمحت هذا دفترك.. ودفتري على طاولتك
هع هع هع عطيته ابتسامتي السحرية ورجعت له دفتره الاصلي - وسويت نفسي امزح هع

مووووضة

بيوم من الايام الونيسة ..قعدت منبطحا اتأمل بديع خلق الله-عيال اخواني- اعوذ بالله منهم جميع – ما عدا فاااارس--هع-
شوي كذا الا جاني –فيصل-7سنوات- يقولي عمي ما دريت ؟؟؟ قلت وشو اكيد حدا سوالفك الماصلة –كامري يفحط-ولا ريال مدريد بيلعب مع القادسية(عليه نصبات مدري شتبي) المهم قالي ترا القصيم الزراعية(نسّبت)!!! وسابك طلعت 13 ريال !!
اطالع فيه زين ..هو ذا فيصل ...؟ ولا شسالفة ..؟
ويقولي اذا عندك دراهم اشتر باللجين تراها نازلة و بعد كم من يوم بتطلع !!! ما ياخذونك سي ان بي سي ؟؟؟
(نسّبت) = أي ارتفعت نسبة .. كما جاء في حوت العرب لابن الراجحي.!

أبو الجعااافر

أخيرا اقنعت واحد من العيال ان يقرا لها (المنسم) جعفر عباس ..خاصة بعد ما راح لجريدة اليوم..اووووف...صااار محششش معاد هو بكاتب صحفي وربي سوااالفه حقت لمبة حمرا ودرايش (موصدة)==> نوافذ مغلقة..اخر سوالفه المحششة قبل كم يوم ... يقول مفروض جنيفر لوبز – بعدين كتب بين قوسين- الفائزة بجائزة اجمل ارداف –لعنبوها خرمة-هع هع- تترشح لرئاسة البيت الابيض بدال هالقرد بوش!
ويقول لو انها فازت برئاسة الــ يو إس ..كان ما جابت طيارات ومدافع لللعراق ... كان جابت مغنيي البوب والرول اند روك مدري الروك اند سوك هع و الراقصين والراقصات الأحيا منهم والرياضيات..! وراح تصير الحياة سعيدة ,,,لاااا ... وكان ساعدناها على غزو العراق – يا حبنا لها السوالف-

كثروا الحرامية

في أحد الايام الجميلة .. كنت اتجهز لاذلف صوب الجامعة ..عشان ادرس ..والناس تروح الجامعة تدرس..عشان كذا انا اروح الجامعة عشان ادرس!
فلما فتحت باب بيتنا-اتجهت صوب سيارتي-ولكنني فوجئت بسيارة واحد من اخواني موجودة-يعني ما راح الدوام !! بعدين يوم طالعت زين J الا" سيارة المنزل" ليست بــ عند الباب ...فاستنتجت انه قد ذهب للدوام بواستطها. ===> قـفّـيـط
رحت الجامعة ..خلصّ الدوام...رجعت البيت..شغلت المكيف ونزلت الستاير ونووووووووووووم
قمت العشا الا القا عشر طعش مكالمة من اخوي ورسالة تقول – ان سيارتنا انسرقت – رقم اللوحة ..... ,.......
موديل. ........ !!! كلم اخوياك ! عرفت الحين اني كنت قفّيط في الصباح وان السيارة انسرقت- لا – ومن قدام الباب- يااا لعنبوا قوّة القلب عند بعض الناس!! يااا سااااتر ..ويالله السلامة ...

طولت عليكم يا حبّــاني ... يالله نشوفكم قريب ..

الموضوع الاصلي من روعة الكون

الغاوية · 14-07-2006, 01:21

black dragon · 14-07-2006, 04:25

:: سعود :: · 14-07-2006, 06:01

:: سعود :: · 14-07-2006, 06:06

الجليد · 14-07-2006, 05:57

اميرYالعشاق · 07-07-2007, 07:50

احســ عابث ـــاس · 07-07-2007, 10:15

شيخهـ · 07-07-2007, 11:37

الشهري · 07-07-2007, 11:58

%% مجرد ســوالــف %%

مــنــتــدى الــفــرفــشــة والــدجــة