احبه بس حبه متعبني

أحــبــه بــــس حــبـــه مـتـعـبـنـي

أحبه والكل يشهد بغلاه أحبـه ومنـه الله لا يحرمنـي
أعشق فيه جماله يامحلاه و لون عيونه اللـي تذوبنـي

ياويلي عليه لو بس ألقاه يروح يومه كله وهو بحظنـي
لكن الزين مايكمل حلاه حبه حلو لكنه حيـل متعبنـي

يبيني طول الوقت واياه ماأتركـه و لا يبـي يتركنـي
مايبيني أتكلم الا معاه وبجنون غيرتـه صـار يعذبنـي

ولو تأخرت لحظة عن لقاه يزعل ويقول ليه تكرهنـي
المشكله انه يعرف غلاه ويعرف انـه بحبـه مجننـي

لو زعل أضيع في دنياه و أتمنى لـو الأرض تبلعنـي
ياويلي بس لو جاني جفاه أتعب والبعد حيل يضايقنـي

ما أقدر أتحمل لحظة فرقاه أتعب وأحس ضميري يأنبني
أحيان أقول خلاص أبنساه وبروح وبقولـه لا تكلمنـي

وأقول أحسن أعيش بلياه ماأبي يتصل ولا يسأل عنـي
يمكن أرتاح من حبه وبلواه يمكن البعد عنه راح يريحني

ولما أروح وأتقابل معاه ألقـى اللهفـة فينـي تقتلنـي
وأنسى اللي كنت أنا أبغاه وألقى كل أحاسيسي تكذبنـي

فجأه ألقى نفسي بين دفاه وأضم صدره لين مايحرقنـي
وأتنفس من شفاته و هواه وأقول له ماأبيك تبعـد عنـي

وأنسى اني قلت أبي أنساه وأتذكر انه بالحيل واحشنـي
أحسه مالكني بحبه وغلاه وبلون عيونه أحسه ساحرني

بروحي و حياتي أنا أفداه فديت حبه حتى لـو متعبنـي
ما أقول غير بجنون أهواه وعـن حبـه الله لايبعدنـي

الموضوع الاصلي  من روعة الكون