السلام عليكم ورحمة الله وبركاته
بقولكم وش صار في ليلة عرس دحيم
المواصفات
الاسم \دحيم الدلخ
العمر \ منولد في سنة الطفره
الشكل \قزم ودب واقرع و وجهه كله خدود ومافيه عيون
باختصار يحوم الكبد
الولد دحيم داشر 24ساعه مشاكل وتفحيط وخرابيط وهجوله
المهم ابوه قرر انه يعقل الولد!!!
ويقوم يخطب له ابوه بنت عمه حصه!!!
عاد حصه خبله مثله
المهم يوم جاء العرس ولا دحيم طالع مع اخوياه للثمامه يطعسون
وابوه يدق عليه
الاب:الوو دحيم وينك
دحيم:هلا والله طالع مع الشباب للثمامه
الاب:جعل تطلع روحك يلا تعال اليوم عرسك
دحيم:طيب العرس في الليل يمديني ارجع المغرب
!!! الاب:اقول امش جعلي امشي العصى على ظهرك
دحيم:طيب خلاص ،جاي
ويقفل التلفون
المهم ويجي دحيم ويلبسونه الخبل ناوي يروح بقميص نوم وطاقيه
المهم ويمسكونه اخوانه ويلبسونه ويودونه للقصر
>> دحيم الا الحين مايدري وش السالفه يبي يخلص بسرعه عشان يلحق على العيال في الاستراحه يلعب بلوت
ويدخلون القصر ويجلسونه في المنصه وهو يقول ابي اروح اجلس عند القهوجيه ابي اتكي معهم واشرب شاهي
(والله منسم مررررره)
ويلقطه اخوه ويجلسه على الكرسي
ويجونه الناس يسلمون
المعازيم:مبروك منك المال ومنها العيال
دحيم:هلا ايه طيب يكون خير والله ماعندي ولا ريال
(قايل لكم مهوب وجه زواج)
المهم ويدخلونه على الحريم
يوم دخل
(وهو الي يفتح كشرته(ابتسامه عريضه ويناظر في ذا البنيات
المهم يوم طقو الطقاقات الا وهو يطمر ويرقص سامري
ويسحبه ابوه ويقول اركد لا تفشلنا!!!
المهم ويجلسه على الكرسي
وتجي وحده ترقص عنده وهو الي يضحك عليها ويقول اووووووه ماتعرفين ترقصين يالدبه
وانواع الاستهبال المشكله الي ترقص امه مسيكينه تبي تفرح به مادرت انه مايستاهل
المهم ويقومون البنات يرقصون عنده وهو يناظر بقول صح يالرقص موب رقص العيال في الاستراحه امحق رقص
الا وابوه يصفقه على جبهته
دحيم:طيب خلاص انطم
المهم يوم خلصوا وهو ياخذ العروس ويركبون السياره
المهم مادرا الا تقوم حصيصه وتقول مابغينا نطلع اقول ماعندك شريط كسرات (شعبي) بشير شنان يعني
ملينا من ذا الطقاقات ازعجوني
الا وهو ينبسط على حرمته خبله مثله
المهم وتقول له
حصيصه:دحيم ابسألك سؤال؟
!!! دحيم:اسالي
حصيصه:انت الحين تعرف تفحط؟؟؟
دحيم:اكيد انا احسن واحد يفحط (مسوي فنان الاخ هو ماعنده ماعند جدتي )
حصيصه:والله ورني ابي اشوفك تفحط
(دحيم توهق)
دحيم :خليها بعدين موب اليوم(يبي يصرف)
حصيصه :افا شكلك ماتعرف هههههههههاي
دحيم: اوريك من الي مايعرف
وهو الي يلف هذيك الفه وطرااااخ في الماصوره على طول
والحين حصيصه ودحيم في التخصصي الدور الاول غرفه 123
الزياره من 9 الى 12 ظهرا و 5 الى 9 مساء
ان شاء الله تهنيتوا بالعرس؟
مع تحيات بنوته حلوه
الموضوع الاصلي
من روعة الكون
آخر 10 مشاركات
30-06-2007, 01:18
]
العرض العادي
