كنت احسب اني عرفت الحب قبل اعرفك =وعشقت قبل اعشقك واشتقت قبل التقيك
وكنت احسب اني لقيت احباب قبل اوصلك =واثري توهمت في غيرك وانا كنت ابيك
تعال نعطش وتشربني وانا اشربك =تعال قبل الوعداجلس معي نحتريك
تعال شفني وانا استناك .. كم اشبهك =يطري علي ألف راي وراي واحتار فيك
اجي مكان الوعد والا اسبقه انطرك =والا اخذ الموعد اللي يحتريك واجيك
يااخر الحب ذقت الحب في اولك =ويااول الشوق اقصى الشوق ماينتهيك
علمتني كيف اعرفك لين صرت اجهلك =ضيعتني في متاهاتك وكنت ارتجيك
حبيب الاحلام يابعدك ويامقربك =حرام يكفي تبعثرني وانا احتويك
ان شفتك بحلم صدقته وانا اتوهمك =وان شفتك بعلم كذبته الين انتشيك
اخاف اغمض عيوني وإن رمشت افقدك =واخاف افتح وتصبح حلم ولا التقيك [/poem]
طلال الرشيد ( الملتاع) رحمه الله
الله يرحمه ويدخله فسيح جنانه ان شاء الله
اخوي مستر طلال
كل يوم اندهش بمواضيعك الاكثر والاكثر من رائعه
دام هذا الابداع ان شاء الله
والله لا يخلينا منك ان شاء الله وبالتوفيق
يعطيك العافيه
تقبل مروري زينه الرياض
|
آخر 10 مشاركات
27-07-2007, 11:15
العرض الشجري
