السهر . والحزن . والذكرى . وتشتيت الحبايب
والغلاء . والبعد . وظروف الفراق . ومشكلتها
والحكي . والزور . والبهتان . وكبار المصايب
والعلوم الجارحـه . والكذبـه اللـي صدقتهـا
آااااااه ياشوف نووف اللي عليها القلب ذايـب
ليتهـا تسمـع علـوم اللـي تهمـه سالفتهـا
علموهـا إن الزمـن دوّار والكـذّاب خـايـب
لا تصافـح للكفـوف الخاينـه لـو صافحتهـا
لا تصدق بي علوم الحقد . وعلـوم ٍ غرايـب
يابعد كل العيـون اللـي بعـد غابـت بكتهـا
من غلاها لو قست في حكمها ما نـي بتايـب
ولو تنحّـت كـل احاسيـس المحبـه مالكتهـا
عن سواها . عن سواها خاطري مقفي وطايب
وغيرها لو جاتني تدفع رضاهـا مـا سوتهـا
نذر ما انساها قبل تركز على قبـري نصايـب
سيطرت على كيانـي . والمشاعـر عانقتهـا
علموهـا لا تسـوي بـي بهاذيـل وطلايـب
وعلموها اني وضعت القلـب امانـه برقبتهـا
وعلموها إن الغـلاء لعيونهـا دون الحبايـب
بـس لاتجلعنـي ضحيـه . وتكبـر مشكلتهـا
000000000000000000000000000000
تقبلوا احترامي
الموضوع الاصلي
من روعة الكون
آخر 10 مشاركات
30-06-2007, 05:58
]
]
]
العرض العادي
