شخص كذاب

انا من الهجران حالي شقـــــاوي=اشكي فراق اللي خذى قلبي وغاب
أونس بكبدي لاهب النار كــــاوي=ودموع عيني فوق الاوجان سكاب
دايم مع الهوجاس رايح وضاوي=عايش معا ربعي وكني مع إغراب
ومقشر من الفرقى يكود المنــاوي =اللي تمناها مريضا ولا طــــــــــاب
طول مرضه وسم حاله وطـــاوي =بسباب فرقى صاحبا منه منصاب
ماله جدى يا كود قول العـــزاوي =ويجر صوتا تالي الليل جــــــذاب
ما حسبه خبلا من الهم غــــاوي =لو ترسله للعلم ما ظن له جـــــاب
ومقشر من اثنتين كود البـــلاوي =اللي صغير السن من وقعها شــاب
شخصا أمنته وهو بشكواك ناوي =فتحت له قلبك وهو شرع الـــــباب
ما يكتم الإسرار ولا هوب قاوي=يحفظ عهودا مبرمه بين الاحـــباب
يلعب على الحبلين وللحال شاوى=والكذب من طبعه وهو شخص كذاب
واقلبي اللي صار ليه عــــــداوي =قدس له أنسانا خدوعا ونصـــــــاب
يفرح بي النمه وكثر الحــكاوي=وانا معه طيب وهو دوم لعــــــــاب