استتري خلف احدهم وانزعي ملابسك

اهلييييييين وسهلييين

هلا والله وغلا..شخباركم وكيف أحوالكم؟؟..

طبعاً هل سالفه سمعتها من زوجة خالي

بس قالتها بطريقه ثاااااااانيه

اقروووها بالأول.. واقول لكم إلي قالتها زوجة خالي..


استتري خلف احدهم وانزعي ملابسك

كان هناك رجل وزوجته فنشأ بينهما خلاف بسيط .. ثم تدخل الأب والأخ
فزاد من ذلك الخلاف وتطور إلي أن طلبت الفتاه وأهلها الطلاق

رفض الزوج ذلك وأصر على عودتها للمنزل 0 تطور الخلاف حتى وصل إلي
مختار القرية أو شيخ القبيله0

فجمعهم الأربعة الزوج والزوجة والأب والأخ ووضعهم أمامه
وقال لهم طالما أنكم مصممون علي الطلاق ( يقصد البنت وأهلها)

فهناك شرط قبل إتمام الطلاق قالوا ما هو يا شيخ

قال لابد أن تتعري من جميع ملابسك حتى يتم الطلاق رفضت في البداية وإمام إصرار الشيخ وافقت

قال لها استتري خلف احدهم وانزعي ملابسك

عند ذلك ذهبت إلي خلف زوجها ونزعت ملابسها وتركت أخوها وأبوها

ضحك الشيخ وقال يا بنتي المرأة لا يسترها إلا زوجها

اذهبي مع زوجك 0 وانتهي الخلاف


:::::::::::::::::::::::::::::::::::::



طبعاً السالفه إلي قالتهاا زوجة خالي..

تقول طال عمركم.. في وحده جات لأبوها وقالت له : يبه أنا ..مليييت صراحه من زوجي..صرت ما اطيقه..ولا أتحمل العيشه معاه ..انا ابي الطلاق....

أبوها يوم سمع كلامها..قام ينصحها ويقول لها رجعي وراضي زوجك وحاولي تتصالحين معاه..وكل شي بيتحسن مع الأيام..

بس هي رفضت ترجع لزوجها.. و أصرت على طلب الطلاق..وقالت لأبوها: انت ربيتني وصرفت علي وانا صغيره.. وما اضنك تبخل علي الحين

وانا ابي الطلاق وما ابي ارجع لزوجي



قال لها ابوها: خلاص بيصير لك إلي تبينه..واناا بتصل على كل خوالك وعمامك ..واخوانك لازم يكونون حاظرين ..وزوجك بعد..وتقولين لهم كلهم انك تبين الطلاق من زوجك

قالت: مو مشكله

وفعلاً أبوها اتصل في كل محارمها..وقال لهم يتجمعوون بهل ليله..وهم مايدرون وشو السالفه

واتصل على زوجها.وقال له يجي

وطبعاً كلهم تجمعوو..ودخل الأبو ويا بنته..وسألوا محارمها شنو السالفه..قام الأبو يكلم بنته ويقول لها: بعدك مصره على الطلاق؟..

قالت ايه..واناا ماراح اضيع بعد ما اتطلق..بقعد في بيت ابوي معززه مكرمه..وراح يصرف علي مثل ما كنت وانا صغيره وماراح ينقصني شي

قام ابوها يقول لمحارمها: شاهدين على كلامها.. قالوا : أيه.. قام يقول زوجها وهو يحاول يقنعها انها ترجع له..وهو مايبي الطلاق يصير..لكن هي راسها يابس ومصره على رايها..

الابووو ابتسم وراح جنب بنته..وهي علابالها انه ابوها بيقول لها مبروك بيتحقق لك إلي تبينه..لكنه فاجأها بالحركه إلي سواهاا..

شقق ثيابها

هي توهقت بعمرها..كل إلي في المجلس رجال ويطالعونها..صج انهم محارمها بس مهما يكون إحراج.. هي قامت تبكي وعلى طول ركضت وراحت في حضن زوجها و انخشت وراه

وهو كان لابس قمييص فسخه وسترها..

قام يقول لها ابوها: شفتي شلون

هذا كل اخوانك وعمامك وخوالك موجودين..وانا موجود مارحتي لواحد منا..رحتلي لزوجك

زوجك هو الوحيد إلي يقدر يعطيكي أشياء احنا مانقدر نعطييك أياها..ويوفر لك إلي تبينه..وتقدرين تقولين له على كل شي مابينك وبينه حواجز..

ويعلم عنك إلي احناا ماندري فيه..

والأبوو كان كلامه صحيح..البنت مالهاا إلا زوجها..حتى لو كانوا اهلها مو مقصرين عليها بولا شي ومريحينها لآخر درجه..

وطبعاً شيء اكييد انه البنت رجعت لبيت زوجها وتسنعت<<حلوه تسنعت ^_^

السالفه مؤثره,,وإلي جاب طاري الموضووع هذا..إنه زوجة خالي تتكلم عن دلع بنات هل ايام..يصير الطلاق قبل العرس..والسبب مشاكل سخيفه وتاف جداً..



(( وصلني عبر البريد ))



انشاء اللة تعجبكم


زهرة الياسمين

الموضوع الاصلي  من روعة الكون