هيّض ابن حصيص في تالي نهاره = = = ألف قافٍ من ضميـره مدلجاتـي
يا وجودي وجد مكسور الجبـارة = = = آخـذٍ تسعيـن ليـلـة مايبـاتـي
أو وجود اللي خذ الحاكـم ديـاره = = = خذ حلالـه والحريـم مسلباتـي
عقب ماهو تاجر وراعي أمـارة = = = صـار فـلاّحٍ وأموره هيّناتـي
ديـرة بـن ( ) ما فيهـا صقـاره = = = كـود شيبـانٍ وعجـزٍ مدبحاتـي
من خشوم كميت إلى حدّ الزبـارة = = = جعل تمحل والوشـوم مربّعاتـي
صاحبي ( بالوقف ) مدهاله وداره = = = ماسكن في ثرمـدا وإلا مراتـي
ولّعتني بالهـوى والحـبّ سـارة = = = دلّهتنـي عـن غناديـر البناتـي
ريق ساره مثل سكر في غضـارة = = = أو حليب أبكار عـرب مسمناتـي
والنهيد زبيديٍ فـي دعـب قـاره = = = في محير الما القراح مصلّعاتـي
والثنايـا قحويـانٍ فـي زبــارة = = = زاهي نبتـه علـى كـل النباتـي
راس ساره ذيل شقراً وسط غارة = = = والجدايـل بالرشـوش مجدلاتـي
والمطوّع لو يشوف خديد سـارة = = = طبّق المصحف وعجّل بالصلاتـي
ماذكر جارٍ ذبـح بالحـبّ جـاره = = = بالمبيسـم والثنايـا المرهفـاتـي
حالفٍ بالله ما أنسى حبّ سـارة = = = كود أهل شقراء يخلون الصلاتـي
لايمي يعطي حنيشٍ فـي خبـاره = = = سمّها يشظى العظـام الصالباتـي
الموضوع الاصلي
من روعة الكون
آخر 10 مشاركات
01-07-2007, 02:09
ســــــــــــــــــــــــــــارة
العرض العادي
