في ليلة من الليال .. لست ادري معتراني .:. ميشووو مع شيخهـ

ميشووو · #1 (**permalink**) 02-07-2007, 01:45

.:. في ليلة من الليال .. لست ادري معتراني .:.

ايــــــــــــــــــه ايــــــــــــــــــــــــــــه ..

صدقوا والا ما تصدقون ..

تراي شفت " شيخهـ " ..

يا هي مزيونه البنت <<<< اهب من جمالها ماني مصدق اني شفتها بلا بنات اليوم بلا بطيخ

بتقولون كيف ..!!

اسمع ..

زززززززززززووووووووووووطططططططططططط .. <<< بوابة الزمن ..

في ليلة قمرا اذا بي طالع اتسكع في الغابه ..

وانا امشي اذا حولي انواع من الزهور الجميلة..

فجــــــــــــــــــأه .. وانا أطيح في ذيك الحفره ويغمى علي واتعور..

بعد ساعة او ساعتين .. فزيت من الغيبوبه ..

والا ناقز لي رجال " نقاااار " وصخ اشعث اغبر .. يخرع ..<< يقولون انه جراح ؟؟ مدري

انا نزيت .. انا شفته واني اتعوذ من ابليس ..

قالي .. يا ايها الرجل ؟؟ من انت ؟؟

قلت .. يا خوك ما تعرفني انا .. ميشووو عضو من اعضاء روعة الكون ..

قال .. امش معي فان " ملك الحزين " يبغاك الان ..

قلت .. يا ولد انا جاي اشم هوا و راجع لاهلي ..

قال .. لا تردد وهيا بنا ..

قلت .. وانا بالع ريقي والعرق يتصبب من تحت ..<<< اللي فهمها كويس ..

واذ بنا نروح للقلعه حقتهم ..

وتفتح لي ذيك البوابه .. اللي ما شفت في عمري زيها ..

يا عيني .. البنيات يمين ويسار .. مدري وش اطالع وش اخلي ..

والا تطيح عيني على وحده .. ياووووووووووك .. قمر يمشي بالقاع ..

ما صدقت اخبر انا واطلع الجوال واصورها ... هع هع ..

والا ذا الحارس " نقااار " صكني كف .. و يجرني ويدخلني في مغارة .. <<< جعل عينه الفقع ما خلاني اتهنى

بيني وبينكم .. خفت وش يبي يسوى ذا ..

والا تدخل علي وحده .. [[ سستر ـ ممرضه ]] ..

وتعالجني الله يعافيها .. وتعطيني ملابس جدد ونظيفه ..

ودخل علي " نقااار " ..

قالي .. جهز عمرك العصريه اباخذك عند سيدي الوالي ..

قلت .. هلا والله طحنا به ..

وانا بذي المغاره .. وان الافكار تحوم فوق راسي ..

وش يبي ذا الوالي .. وذيك القمر من بنته ..!!

واتخيلها >>>

يوم جاء وقت العصر .. دخل علي " نقااار " ..

قالي امش .. ان الوالي يحتريك ..

قلت .. انت تامر وحنا نطامر ..<<<<<<< على بالة في حارتهم

دخلت عليه بعد ما غيرت ملابسي لاني معرق فيها ..

يوم دخلت على الوالي ..

قال.. من ولده انت ..!!

قلت .. انا " ميشووو " عرفتني ..!!

قال .. انثبر ما خلصت كلامي ..

قلت .. اسف طال عمرك ..

قال .. وراك جاينا في هذا القصر ..

قلت .. سالفتي اني طحت في الحفره ... الخ ..

قال .. ايــــــه اجل مدام انا عالجناك وأدينا اللي علينا ..

قلت .. كفو والله هذي من عوايدكم طال عمرك ..

قال .. بس حنا لدينا مشكله غويطه ..!!

قلت .. ابد ازهله بس وش هي ..!

قال .. ان فيه واحد مأذي بنتي [[ يرقمها بالبلوتوث ]] .. وما حنا عارفين منهو ..!

وفي اثناء وهو يطرح علي مشكلته .. ادخلت بنت [[ القمر ]] ..

وما غير سعابيلي تقاطر .. والا ذاك الكف اللي جاني من الوالي ..

قال .. وش بك تطالع بنتي ..!

قلت .. لقد اني بس مشب <<< ما يعرف يصرف ..

قال .. هذي بنتي " شيخهـ " .. وهي اللي مأذينها بالبلوتوث ..

قلت .. بس طحت بواحد ذيب .. ياكل الاخضر واليابس .. [[ طلعت الشجاعه والقوه ]]

قال .. اذا فكيت بنتي من هالغثيث زوجتك اياه .. وان ما فيكيتها منه راح نقتلك شر قتله ..

قلت .. يا ولد وش ذي البلوى ..!!

قال .. لك مهله 3 ليال فغط ..

قلت .. ييسر الله .. <<<<< وسبحان الله بدى العرق الي نزل اول قال ذيب قال

يوم يا خذني الحارس .. ويجدعني في المغارة ..

واني افكر .. وش هالمصيبه اللي طحت بها .. وين ابلقى اللي مأذيها ..

وانا اقول في نفسي .. " شيخهـ " تسوى ..

.. بس رقبتي ابيها ..!!

مر اليوم الأول .. وانا أدوور يمين يسار .. ما لقيت اي اثر ..

مر اليوم الثاني .. نفس الحـــــــــــاله .. ما فيه شي ..

اليوم الثالث .. وهو المصيري .. جت لي فكره جهنميه ..

رحت وانادي ذا الحارس ..

قلت .. عطن جوال " شيخهـ " ..

قال .. سم وعطاني اياه ..

اخذته وجلست احوس فيه وقفلت بلوتوثها .. وخلصت المشكله

وحليت المشكله بكل عبقريه ودهاء ..

يوم شاف ابو " شيخهـ " [[ الوالي ]] ذكائي وفطنتي ..

قال .. انت ازين واحد يصلح لإبنتي عريسا ..

قلت .. تربيتك طال عمرك ..

قال .. يا غلام فيك شبه ..!! بس مدري مين تشب

قلت .. الله خلق من الشب اربعين .. زوجني واخلص علينا

قال .. بس بس بس بس .. ويروح يفتح صندوقه ويطلع ورقة مغبره ..

قلت .. وش ذي طال عمرك ..!!

قال .. ما اسمك انت ..!!

قلت .. " ميشووو " ..

وجاء يخمني ويبوسني وينك وينك ..

صكني راس قلت وشبك ..!!

قالي .. انت اخوي من الرضاع ..!!

قلت .. وشووووووووو يرحم امك غير بدل الله ؟؟؟؟ امك الي رضعتني <<<< من القهر

راحت علينا " شيخهـ " بس صرت غني وصرت خليفة الوالي واول شي سويتة دخلت " نقااار " المغارة لان المثل يقول ( كما تدين تدان )

وثاني شي سويتة رحت ودفنت الحفرة لايجي واحد ثاني ويطلع اخوي من الرضاع شكل الوالي ذا ماصار والي الا من كثر مارضعت امة الناس كلهم <<<< ؟؟؟؟ امة من الرضاعة

واهم شي الاخلاق

تحياتي لكم
ميشووو

الموضوع الاصلي من روعة الكون

الشقحاء · 02-07-2007, 01:52

ميشووو · 02-07-2007, 02:00

عيونيA حزينه · 02-07-2007, 02:04

احســ عابث ـــاس · 02-07-2007, 02:07

شيخهـ · 02-07-2007, 02:07

ميشووو · 02-07-2007, 02:18

ميشووو · 02-07-2007, 02:20

ميشووو · 02-07-2007, 02:22

المجروحة · 02-07-2007, 04:19

في ليلة من الليال .. لست ادري معتراني .:. ميشووو مع شيخهـ

مــنــتــدى الــفــرفــشــة والــدجــة