لو يسمحون لبنات السعودية حضور المباريات شوفو وش بيصير

$@المجهول@$ · #1 (**permalink**) 02-07-2007, 01:07

لو يسمحون لبنات السعودية حضور المباريات شوفو وش بيصير

هلالية ونصراوية يتهاوشون .. النصراوية تقول: تكفين من زينكم أنتم وبطولاتكم ولاعبينكم عشان تحطون راسكم براس العالمي؟؟؟؟ . . وترد الهلالية: وع على لاعبينكم القواطي مالت عليهم ... ماعندكم صاحي إلا سعد الحارثي وبدا يخرب بعد .. بعدين لو فيك خير ما لبستي عباية كتف<<<<أبي أعرف وش دخل العبايه في السالفه

أم تهاوش بنتها المراهقة: وجع إن شاء الله تغطي.. شوفي هذاك من اليوم يناظرك .. ترى والله لأعلم أبوك عليك.......

وحدة عربجية تصايح: يا حارثي يالنذل .. لا تكسّر سامي حسبي الله عليك بلا <- اقول عسى ماتكلفتي

وحدة تبكي قلبها متقطع وأختها تقول: خلاص يا بنت الحلال .. قسم بالله التمياط إصابته بسيطة .. شوفيه بيرجع للملعب مرة ثانية

حرمة كبيرة: الله يهديه أبو عبدالله ما لقى يعزم إلا اليوم .. خليت الجريش على الفرن والله يستر ما يحترق <- ورقة الطلاق تنتظرها

وحدة دلوعة تقول للى جنبها: لو سمحتي معك كريم واقي من الشمس؟ ما لقيت كريمي <- ارووح وطي مع الدلع

وحدة فاضية تسئل اللى حولها: ما شفتوا عدستي الرمادية؟ طاحت الله ياخذها <- بقووة فاضية

وحدة ثانية فاضية: من يعرف طريقة محشي ورق العنب؟ عجزت أضبطه <- اقري كتاب الشيف مغترب

وحدة تزعّق من الهجمة اللي ضاعت واللي وراها ناشبة بحلقها: "لو سمحتي..لو سمحتي..وش اسم عطرك؟" .. طرااااخ<- صوت كف متعوب عليه

هلالية ونصراوية يتضاربون والهلالية تصايح: آي آي كسرتي ظفري الله ياخذ عمرك ياعسكر ياعسكري.... <- عساه ظفري ولا ظفرك

وحدة بريئة: يا حبي لك يا شلهوب ياصغيرون... <- بالله عليك

وحدة ما تدري وين المباراة معه: أحلى على الطول يا مفرج

وحدة مسوّية نفسها فاهمة: يامدرب الهلال .. طلّع الخثران ودخّل بداله جيوفاني <<<جيوفاني يلعب من البداية وقدّم البرقان قدام .. ونزّل أبو يعقوب الله يقلعك <- اقوول اطلعي بره

وحدة تسأل اللي جنبها: من أحلى عندك السلومي والا حسن والا أحمد ضاري؟ الثانية ردت : تركي العواد<- لاتعليق

الموضوع الاصلي من روعة الكون

وردة قلبه · 02-07-2007, 01:15

ريم الغلا · 02-07-2007, 01:20

> تحدوه,’البشر< · 02-07-2007, 01:26

أطياف أنثى · 02-07-2007, 07:22

جريح الوقت · 02-07-2007, 07:26

زيتونة · 02-07-2007, 07:32

احســ عابث ـــاس · 02-07-2007, 08:30

$@المجهول@$ · 03-07-2007, 06:29

$@المجهول@$ · 03-07-2007, 01:46

المواضيع المشاب
الموضوع	الكاتب	المنتدى	مشاركات	آخر مشاركة
إنه مؤسس الكرهـ السعودية ,,, إلحقـ قبل الحذفـ	الدهمشي	مــنــتــدى الــريـاضــة والــشـبـاب	19	14-10-2007 02:10
اليوم الوطني كال عام ونتم بخير	ريما الرياض	الــمــنــتــدى الــعــام	14	23-09-2007 01:31
لعبـــــة الدول العربيـــــه .. شارك وفوّز بلدك ..	عابر بلا أثر	مــنــتــدى الألــعــاب والــمــســابــقــات	1806	18-09-2007 02:42
خليجي 18 غير مع روعة الكون	:: سعود ::	مــنــتــدى الــريـاضــة والــشـبـاب	10	07-02-2007 04:02

لو يسمحون لبنات السعودية حضور المباريات شوفو وش بيصير

مــنــتــدى الــفــرفــشــة والــدجــة