ماذا سيحصل لو أن البنات راحو للملعب

pink sugar · #1 (**permalink**) 02-07-2007, 01:42

معليش الموضوع شوي طويل بس يفطسسس من الضحك

تخيلو ان البنات يرحون يشجعون في الملاعب
وجات مباراة للهلال والنصر وش يصير ؟؟؟؟

تعالو نشوووووووف !!

هلالية ونصراوية يتهاوشون

النصراوية تقول : تكفين من زينكم أنتم وبطولاتكم كلها بالواسطات والحكام ولاعبينكم
عشان تحطون راسكم براس العالمي ه

وترد الهلالية : وع عليكم لاعبينكم قواطي البيبسي مالت عليهم
...ما عندكم صاحي إلا الحارثي وبدا يخرب بعد .. وبعدين لو فيك خير مالبستي عباية كتف ه

_ _ _ _ _ _ _ _ _ _ _ _ _ _ _ _ _

أم تهاوش بنتها المراهقة : وجع إن شاء الله تغطي .. شوفي هذاك
من اليوم يناظرك .. ترى والله لأعلم أبوك عليك ,,,,,,,,, في الملعب

_ _ _ _ _ _ _ _ _ _ _ _ _ _ _ _ _ _

وحده عربجية تصايح : يا حارثي يالنذل .. لا تكسر سامي حسبي الله عليك

يعلك للماحي إلي يمحيك من الملعب ولا يردك إلى اهلك

_ _ _ _ _ _ _ _ _ _ _ _ _ _ _ _ _

وحده تبكي وقلبها متقطع وأختها تقول : خلاص يابنت الحلال .. قسم

بالله التمياط إصابته بسيطة .. شوفيه بيرجع للملعب مره ثانيه

الله أعلم وش النية ,,,,,,,

_ _ _ _ _ _ _ _ _ _ _ _ _ _ _ _

وحدة دلوعة تقول للي جنبها : لو سمحتي معك كريم واقي من

الشمس ؟؟ مالقيت كريمي !! يازين الدلع هذي هلالية كش كش ه

_ _ _ _ _ _ _ _ _ _ _ _ _ _ _ _

وحدة ثانية فاضية : من يعرف طريقة محشي ورق عنب ؟ عجزت أضبطه

عمرك ماتعرفينه ,,,,,,,,,,

خخخخخخخخخخخخ

_ _ _ _ _ _ _ _ _ _ _ _ _ _ _ _

وهاذي وحده تزعق من الهجمة اللي ضاعت واللي وراه ناشبة بحلقها

لو سمحتي وش اسم عطرك ؟؟؟؟؟؟؟؟

طراااخ صوت كف متعوب عليه ه ه ه

_ _ _ _ _ _ _ _ _ _ _ _ _ _ _ _

هذولي ثنتين : هلالية ونصراوية يتضاربون النصراوية تصايح

أي أي كسرتي ظفري الله ياخذ عمرك يالشينه

خخخخخخخخخخخخخخخخ

_ _ _ _ _ _ _ _ _ _ _ _ _ _ _ _

وحدة بريئة نيتها حلوة : يا حبي لك يالشلهوب ياصغيرون ياحليله .. ؟؟؟؟

_ _ _ _ _ _ _ _ _ _ _ _ _ _ _ _

وحدة ما تدري وين المباراة معه : أحلى على الطول يامفرج

_ _ _ _ _ __ __ _ _ _ _ _ _ __

وحدة مسوية نفسها فاهمة : يا مدرب الهلال .. طلع العنبر ودخل

بداله نواف ,,,,,,,, ( نواف يلعب من البداية ) وقدم محمد الدعيع قدام

ونزل أبو يعقوب الله يقلعك

_ _ _ _ __ _ _ _ _ _ _ _ _ _ _ _

وحدة تراقب الفاول ويدها على قلبها واللي جنبها تقول

البارح رحت العقارية .. بس ما لقيت شي حلو الله يقطعهم .. عبايتك مشتريتها من

سيدتي الجميلة ؟؟؟؟ ,,,,, والثانية معطيتها أشكل

_ _ _ _ _ _ _ _ _ _ _ _ _ _ _ _ _ _
ملطوش

الموضوع الاصلي من روعة الكون

عيونيA حزينه · 02-07-2007, 01:49

pink sugar · 02-07-2007, 01:56

$@المجهول@$ · 02-07-2007, 02:15

pink sugar · 02-07-2007, 02:23

ماذا سيحصل لو أن البنات راحو للملعب

مــنــتــدى الــفــرفــشــة والــدجــة