حكاية من الماضي

على همس النسايم تصفي السهره
............ورمل البِيْد وارض الغِيْد مَهْجوره

وبنٍ ينْحِمِسْ ذوقٍ على جَمْره
.............يخَـلّي الشاعر يْعَـبِّرْ عَنْ شْعـوره

يطيب الليل والهِجْري نِصَفْ شَهْره
............يسوق الفكر للماضي على جْسوره

على شِرْع الودَاع وْ هَلَّةْ العَبْره
............تـبـاعَـدْ كالغـروب وعـابـر بْحوره

دعوا يا رب والغَوَّاص في غزره
............عـسـى دانـه تفـك أرواح ماسـوره

وْبَرٍ مِمْحِلِ في طعسه وقفره
............وصيـفٍ حـارَبْ العـربان بِشْهوره

وناسٍ شَبَّعَتْهم خبزه وتمره
............ونـاس ٍ بالصفا والطـيب مَغْـموره

ولكن وين وين اليوم عن وَطْره
............زمـان ٍ دار عَـنـّا وانـتـهـى دوره

وانا عايش بذكرى حلوه وْمُرّه
...........واسال الريح لى هَبَّتْ على بْروره

صديقي ليش عَنّي خافيٍ سِرّه
............وانا اشـوفه تغـيَّر واخْتَلَفْ طوره

يا (بوعسكور) والمِبْعِدْ مَعَهْ عِذْره
............عـساها راضيه نـفسك وْمَسْروره

على همس النسيم وهاجس السهره
...........نظمت الجيل في وِضْحه وْديجوره

الموضوع الاصلي  من روعة الكون