من قصاائد عابرة سبيل

ســـ الـغـلا ـم · #1 (**permalink**) 03-07-2007, 08:26

هذي قصيدة قالتها واحده لزوجها قبل وفاتها بساعات، غفر الله لها ولإموات المسلمين، وصيتها بالقصيده طيبه

ترى الذبايح و أهلها ما تسلينـــــــــــــي = أنا أدري إن المرض لا يمكن علاجه
أدري تبي راحتي لايا بعد عينـــــــــــــي = حرام ما قصرت يديك في حاجـــــــــه
أخذ وصاتي وأمانه لا تبكينــــــــــــــــي =لو كان لك خاطرٍ ما ودي إزعاجـــــه
أبيك في يديك تشهدني وتسقينـــــــــــي =أمانتك لا يجي جسمي بثلاجــــــــــه
لف الكفن في يديك وضف رجلينــــــي=ما غيرك أحدٍ كشف حسناه واحراجه
أبيك بالخير تذكرني وتطرينـــــــــــــي =يجيرني خالقي من نار وهاجــــــــه
سامح على اللي جرى ما بينك وبيني =أيام نمشي عدل وأيام منعاجـــــــه
همي عيالي وأنا اللي فيْ ....كافيني=علمهم الدين تفسيره ومنهاجــــــــــه

اللهم اغفر لها واجعل قبرها روضة من رياض جناتك

الموضوع الاصلي من روعة الكون