قصيدة ابكت الجميع ......

قصيده ابكت الجميع.......


أصـــيح باعلى الصوت نايف فقدناك ***** عساك تسمع صرختي يوم أناديك
أنا أمك اللي عيـــــدها يوم لــــقياك***** يا سعد نفسي لو عيوني تــــلاقيك
والقلب نـــــــاره تشتعل عقب فرقاك *****ما تطفي النيران يا كــــود أياديك
لبست ثوب الحــزن بعدك ولا انساك ***** والنـوم ودّع يوم غابت لـياليك
تاهـت بي الخطوات وادروبي أشواك ***** والدمع من عيني على الخد يبكيك
أراجع الماضي واعــيد ذكــــراك ***** تشدني الذكرى وابـــكي لماضيك
سجــين بالغــربة وياكـبر بلــواك*****الله يعينك دايم في بــــلاويـــك
هذا القدر مكتوب ... مكتوب ما جاك***** اصبر عسى الله بالنهايه ينجــــيك
بديار ( بوشٍ ) سجنك الموحش هناك ***** ياليت لي قدره على الدرب واجيك
يا ســجن ارفق مسندي وسط مبناك***** ما شاف شمس ومظلمات مبانيك
مدري يا عمري كيف الأحوال ويّـاك ***** طمــني عنك طمن امك تحـاتيك
من يغسل اهدومك ومن قـام يرعاك ***** ومن يطبخ الوجبات منهو يواسيك
ومــنهو الذي بالليل لا نمت غطاك***** خوفي عليك البرد بالـحيل يوذيك
ودي قبل مـــــوتي مشاهد محياك***** ودي أضمك في يديني وحــــاكيك
يا حافر قبري دخيــلك رجيــناك ***** تحط فوق النصب نيشان بوصـيك
يمكن يحين الوقت ترجع لمــرباك***** وتزور قبري مسـرع في خطاويك
يا سيــدي سلطان تكفى طلبناك ***** يا راعي الفزعات تشكر مساعيك
شلال طيــب منبعه دوم يمــناك ***** خيرك مغطــي كل بيت باراضيك
وقت الشدايد ما لها غير شرواك ***** يبشر بعزه كل من جاك ناصيك
يا ســــــيدي سلطان حنا فداياك***** بارواحنا نفديك نفديك نفــــديك
الجود وانت الجود يمشـي ببمشاك ***** يمشي وراك ويتبـعك ما يجاريك
يتــعبني مدحك لو أعدد سجــــاياك***** والشعر يرفع رايتـــــه ما يوفيك
يالله عسى المولى يصـونك ويرعاك ***** ويعود نايــف يا عسى الله يخليك
أبختصرها يا ذرى كل من جــــاك ***** شكوى تجيلك تنتهي ما تعــــديك

الموضوع الاصلي  من روعة الكون