بعد موتي ,,.,,.

You Started it · #1 (**permalink**) 04-07-2007, 06:07

بعد موتي وصاتي لك أبد بالله لا تبكيني

أبيك بس من قلبك تطلبي رحمة الباري

بعد موتي أبي في لحظة التغسيل تكوني أنتي بيميني

وباقي الناس وحتى الأهل يكوني بس بيساري

بعد موتي أبيك تحضري لحظات تكفيني

دموعك لا تذرفيها ولا يجري لها جاري

بعد موتي من عطرك وصاتي لك تعطريني

أبيك تبخري كفني ورشي بإيدك أعطاري

بعد موتي ليمن ضمني قبري أنا أرجوك تنسيني

أنسي طيفي وزولي ولا يطري لك الطاري

بعد موتي أنا أرجوك من دنياك تشيليني

دخيلك مزقي الصورة وأمحي كل آثاري

بعد موتي أنا برجواك دخيلك لا تذكريني

أرمي كل شيء مني وبوحي وكل أشعاري

بعد موتي أنسي كل ذكرى لي تذكرك فيني

وأنسي كنت انا أحبك وكنتي شمسي وأقماري

بعد موتي أنا أرجوك من أفكارك أمحيني

وأرجوك ما تمريها دربً تمر من داري

بعد موتي إذا سألوك عني ما تعرفيني

قولي ما عرفته بيوم ولا هو حل بأفكاري

بعد موتي أبيك تحاسبي نفسك على إنك ظلمتيني

سمعتي قول عذالي وكم قدمت أعذاري

بعد موتي أبيك تسألي روحك ليه برخص بعتيني

وأنا اللي كنت لك مخلص وكنت بروحي لك شاري

بعد موتي أبيك تبرري فعلك يوم إنك غدرتيني

وقلبك ليه بلا رحمة طاوع سعيك إدماري

بعد موتي يا ليتك بس تقولي ليه طعنتيني

بسهم الغدر في ظهري وشعلتي بالصدرناري

بعد موتي وأنا الميت وش أسبابك قتلتيني

قولي ما يهمك شيء ما حد يا خذ بثاري

بعد موتي بدل إسمي قتيل الغدر سميني

وأكتبي على صدر قبري هذا قتيل أغداري

...................... منقــــول ..........................

الموضوع الاصلي من روعة الكون

بعد موتي ,,.,,.

مــنــتــدى هــمــس الــقــوافــي