سقـــــــــــــــاك الله ياوقـــــــــتٍ مضــــــــــــالـي .....

قصيده اعجبتني وحبيت انقلهاا لكم.....
وان شااء الله تكوون مشاركتي حلوووه والقصيده تعجبكـــم....


سقـاك الله ياوقـتٍ مضـالـي
وسقـاك الله ياذيـك الليـالـي
ليالي من سنين العمـر مـرت
على من فالهوا حبـه صفالـي
لطيف الروح انا قد عشت جوه
وعيشنـي معـه جوٍخيـالـي

سليني ليا من ضـاق صـدري
يواصلنـي ولايقطـع وصالـي
ليامني شكيـت همـوم وقتـي
يبدلهـا تفـاريـح وتسـالـي
وانا وش حيلتي وان غاب خلي
تركني في عنا وقتـي لحالـي


وغابة فرحتي مـن يـوم قفـا
وخلاني شبيـه البيـت خالـي
ولـو طـول غيابـه مانسيتـه
وعن نسيـان مثلـه ماطرالـي
ياكيف انسى هوى روحي وشفي
وهودايم علـى فكـري وبالـي


ابصبرلوعنـا وقتـي ذبحنـي
مدام ان الصبر هو راس مالـي
والا ياقلـب لاتجـزع وتحـزن
ولوهمك غـدا كبـر الجبالـي
ولاترجي من الخفـرات رحمـه
مصير الوقت يبعد كـل غالـي

الموضوع الاصلي  من روعة الكون