هووووووشه بين ضب وبعير..!!!!

السلامــــــــــــــــــــــــ عليكمــــــــــــــــــــ..

كيفكمــ؟!؟!

عمركم شفتوا ضب وبعير يتهاوشون..<<سؤال غبي

مــــا علينا...

اليوم جبت لكم هواشة سمعتها لما كنت في البر..."فاتكم شكل مييمي بـ وهي في البر تصيد الضبان..

أخليكمــ مــع الهوشه...





هوشة ضب وبعير:sm201:



الضب : غريبة يالبعير وش مصحيك ها الحزة ؟

البعير: ايه ....ما جاني النوم

الضب : ليه عشقان يابو بقشه؟

البعير: أي عشق.. يامال الفشق؟؟يا آخي هاالناقة اللي عندي فلبيت ناشبة بحلقي ومنكدة على عيشتي طول اليوم تزن على راسي مثل الدريل تقول انقلني انقلني..وماتبي الديره هذي

الضب : وين تبي تذلف ؟؟

البعير: تبي طريق جده المدينة .

الضب: طلقها طلقها ...أنا حرمتي قالت لي انقلني جحر ثاني ونقلت ورقت طلاقها لجحرها <---قوي

البعير : انقلع انقلع عن وجهي أنت وحلولك اللي مثل وجهك

الضب: ليش ليش الغلط يعني المدام كارشتك تحط الحره فيني كخخخ

البعير: أقول لا يكثر هرجك ابلع لسانك واندس بجحرك لين يجونك حقين الشكمان

الضب: إيه حقين الشكمان يحلبون حريمك يا ( ........)

البعير: أنا ولد نوره.. أنت قد الهرجة هذي وصلت للأعراض؟؟

الضب: يا أبوي بلا عرض بلا طول حقين الشكمان يطاردونا ويحفون ورانا لكن انتم يركبونكم يالعبيد

البعير :والله لا جمع عيال عمي وووو........

الضب : عيال عمكم شفهم مدعسين بطريق الرياض القصيم ولا تلقاهم متفحمين على أسلاك الكهرب بالخطوط كخخخ
مسوي فيها قبايل وعندكم فزعه يا قطاعين الطرق.

البعير: طيب قرب قرب ليش تتكلم من بعيد يا شيخ دعسه وحده بحدا رجولي ولاك ترافس

الضب: اتمرجل على ناقتك أول بعدين تمرجل علينا

البعير: أقول وينك أنت يالله بالله أشوفك تجي تشتغل عندي حكاك؟؟؟؟؟؟؟؟؟

الضب: وش معنى حكاك؟؟؟؟؟؟؟؟؟؟

البعير: حكاك يعني تحك لي ظهري بعكرتك واعطيك هوا اخرالشهر ه

اللي على طاري الهوا يقولون انك تشرب الهواه حقين الشكمان يقولونه

الضب: خلي ناقتك تحكلك ظهرك بالزبيرية يالبعير السايب المعيوف


البعير: أنا معيوف وسايب والله لاعلقك مع عكرتك واخليك ضحكه للورعان مثل ما يسوون فيك بعض الناس

الضب : أقول بس... من وين جاك الورم اللي فوق ظهرك؟؟؟؟ كخخخخ



البعير: أي ورم؟؟

الضب: تستهبل...شكل واحد ضاربك بعجرا على ظهرك يالمغزلجي

البعير: أقول بس.. تذكر يوم يصيدون حرمتك الأولى وتجي تصيح عندي مثل الحريم "....شفتها تناقز بقدرهم والنار تحتها وبطنها مفتوح ولا قدرت تنقذها" تذكر ياابو تبن تذكر يالرخمه


الضب: دمعت عيونه والله ما خليك تشمت فيني

البعير: لا لا يا ابو عكرة لا تصيح سامحني سامحني

الضب : خلاص سامحتك وأنت بعد سامحني

البعير : تعال سلم سلم

الضب: يقرب

البعير : مسموووووووووح


ــــــــــــــــــــــــــــــــــــــــــــــــــ ـــــــــــــ
THE END

أتمنى لموضوع عجبكمـــ وإن كان فيه كلمات صعب ينفهم معناها

أنتظر ردودكمـــ

الموضوع الاصلي  من روعة الكون