مسجات للعشاق فقط

السلام عليكم احبائي العشاق
اليكم بعض المسجات
!
!
!
!
!
ان غبت رحت أحرق خفوقي وأحاتيك
وأقول
وين الديره اللي تضمك
مانيب متولع لكن ميت فيك
في ذمتي ذمه وذمه وذمه
لوان حبك سم وتمده ايديك
علي الحرام
اني تقهويت سمك
-----------------
أنا سرحت وللمدى ماتجاهلت
أحسب حساب الثانيه والدقيقه
من كثر ماشفت ومشيت وتعلمت
عرفت منكنوز الصدور الغليقه
يهمني في صاحبي لي تألمت
صدقه ومبداه وطريقه
وأنت الذي من جملة الناس فضلت
غلاك عندي مايبيله وثيقه
----------------
يااللي غلا مثلك معا الروح مقرون
مبطي وهو في مهجة الروح فيني
ان كان يوجد شخص في داخل الكون
يغليك يامحبوب مثلي يجيني
لكن حرام ان كان مثلي تلاقون
كل البشر في كف وانته بعيني
هم في يمين اضلوع صدري يحلون
وانته شمال الصدر منته يميني
---------------
عذاب الحب ينهيني وانا مالي سواك انسان
بكيت ودمعي بعيني من المخطي من الغلطان
يموت الحب بيديني مثل موت الشجر عطشان
ابي منك تواسيني حياتي لو دريت احزان
حرام انك تخليني مثل قصه بلاعنوان
--------------------
أبي أكتب رسالة شوق تهزك كل معانيها
أبيها تدخل بقلبك وتوشم اسم راعيها

أبي اكتب معزتنا وارسم حبنا فيها
أبيها تبقى لك ذكرى ولاتنسى طواريها

أبي اكتب وانت تقرا حلو مر لياليها
وتذكر فيها انسان يحبك ويذكرك فيها
-------------------
وشلون اعيش اللي بقالي بلياك
يومن غدينا كل واحد بوادي
اعلنت حبك لين كلن تمناك
غلطه وغيري من خطاي استفادي
حلوه عذاريبك وحلوه مزاياك
حتى بيوم فراقنا كنت هادي
-------------------
إلى متى من دون تفكير اناديك
احسبك عندي وانت يابعد ممشاك

لو صار شوفك صعب ماني بناسيك
ولوحال دونك يأس لا يمكن انساك

لو عشت طول العمر بالروح أفديك
غـــالي وتسوى بالغلا عين من أغلاك
-------------------
على ذاك الجدار اللى على حد البيوت الطين
و قفت و هاجس الذكري نفض غباره

و في ذاك المكان ثبت ان الادمي من طين
تخيل يوم لمسته تنهد من شقا ناره

سالني قال انا اذكر تجوني اثنين
بكيت و قلت صدقني رحل و انقطعت اخباره
--------------------

مثل الجليد اذوب انا من نار شوقك يالحبيب
مثل الزهر يذبل رغم اغصانه من حديد
مل الانتظار يوم طال بعدك رغمك قريب
شالك هواك وغرك مالك والثوب الجديد
-------------------

لك في خفوقي ألف
مرسى للإبحار
مد الشراع وشد حيل
السفينه وابحر عساك تكون
للروح بحار
أمواج قلبي في يمينك
رهينه
لجلك كتبت أهواك
باصداف واحجار
وفاض البحر للبر وأعلن
حنينه
----------------

قولوا له يعذرني إذا عنه أبطيت
بس الكل لازم تلعب به ظروفه
هو غالي ومنزله وسط هالعين
عين تحن دايم لشوفه
مدري بيجي يوم ونلتقي العين بالعين
وإلا بتندفن عيني قبل شوفه
----------------
مقصر لو جمعت من عظام جسمي لبردك حطب
مقصر لو فديتك بقلبي وروحي والجسد

ومقصر لو قلت ترى اسمك بقلبي تكون وانكتب
مقصر لو أقدم لك أفراح عمري والسعد

ياللي انت صرت بحياتي أكبر سبب
ياخوفي من زود حبنا تصيبنا عين الحسد
----------------------
سالت دموع الليل فوق المدينة
تلمس قديم الجرح ويسيل همه
أمشي أنا وكل الشوارع حزينة
فيها الفرح يرتاح لاشاف دمه
دورت وجهك في الجروح القديمة
وتعبت أدور في الليالي وألمه
وفجأة تروعنا دموع المدينة
واخذ قديم الجرح وأشيل همه
------------------
ليت كلماتي تخفف عن غيابك
ليتني دايم معك وانتي تضحكين
ليت كلماتي تجفف كل همك
وامسح دموعك وابدلها بحنين
لو تقولي الآه اشعرها معك
تكتئب دنياي ولا اشوفك حزين
انا أغليك وسط قلبي موقعك
حتى روحي تحت امرك لو تبين
------------------
انشاء الله تعجبكم




يعز على مروركم
وارئكم



مع السلامه

الموضوع الاصلي  من روعة الكون