تك تك و تك تك

البارحه ليلي طويل وعقرب الساعه ينادي
.......... تك تك ..و. تك تك..و. تك تك ..و. تك تك

قمت اهوجس والجسم يبدى بوضع الامتدادي
......... سكرت عيني وقلبي يابشر مدكوك دك

راح فكري يم الرياض والحزن بالصدر سادي
......... شفت حبي في منامي وصارت عيوني تشك

ثم سألتها كيف حالك قالت لي الحال عادي
......... قلت لها اشتقتي لـي قالت لا ماشتقت لك

ثم سألتني كيف حالك قلت لها الحال غادي
.......... والله ان القلب عقبك فكه الحرمان فك

عقبك اصبحت الغريب اللي يردد يابـلادي
.......... والبلا ماله بلاد وجاك يبكي يسألك

عقبك احوالي تردت والقهر بالقلب زادي
.......... والجمل لازاد حمله طاح بالقاع وبرك

عقبك الاشـواق ماتت كلها داخل فؤادي
.......... (حبك اصبح لي محيط وصارت همومي سمك)

ابتسم لي والجمال بـ مبسمه شي اعتيادي
.......... قالت احبك مووت ياروحي! وانت في عيني ملَك


صحت ..


صحت باعلى صوت عندي ياحياتي يامرادي
............ جيت طاير والغلا في ساحة الدبكه دبك

ثم وصلتها وابتسمت وقلت احبك يا ودادي
............ واصبعي من بين اصابيعه تثنى وانشبك

مــادريت الا وعيني تنفتح والجو هــادي
............ وعقرب الساعه ينادي تك تك و تك تك

ولم يكتمل الحلم ....!!!

شكلهـا يبغالها ..بـايسـن.. الحلم فيه شبك وفك ودبك

الموضوع الاصلي  من روعة الكون