لاعاد تحلم يجي رقمي بجوالك !!

~*¤ô§ô¤*~اتـمـنـى ان تعـجـبـكـم..


خلاص ابرتاح غادر والسعد فالك
من حضرتك لأجل تقلب لي موازيني

من اي كوكب نزلت وشايف حالك
من حضرتك لأجل تتعبني وتشقيني

مليت جرحك وتبريرك وموالك
تخطي وترجع تعتذر لأجل ترضيني

ان كان جرح القلوب البيض يهنى لك
يموت حبك ولا تنزف شراييني

يموت قلبي ضما واموت انا هالك
ولااشرب الذل بيدينك وتسقيني

غرورك اعماك تحلم تبني آمالك
نهايتك جات بيدك قبل تنهيني

والله لا إنت ولاعشره من امثالك
تخضع له النفس ويفكر يمشّيني

في واقع الأمر ماني بأصغر عيالك
رباني الوقت لاتحلم تربّيني

غلاك مات ابتعد وافراقك اشوالك
لاترتجي الدمع واحذر لاتعزيني

ماينزل الدمع لأمثالك ولأشكالك
اصلاَ من تكون حتى تفقدك عيني

لاعاد تحلم يجي رقمي بجوالك
والله مااخضع ولو ترقص شياطيني

خسرت نفسك ومضنونك وتمثالك
خسارتك للاسف ماعاد تعنيني

اخـوكـم ومحـبكـم ..الــوافـــي..

تقــبــلــو تحيــاتــي .. ~*¤ô§ô¤*~

الموضوع الاصلي  من روعة الكون