:sm212:صدفـه أقَلّـب بيـن صفحـات الأوراق
في ساعـة(ن) مـرت علـي هيضتنـي
لقيـت منديلـه وأثـر دمعـة فــراق
طاحـت بآخـر مـرة (ن) وااااادعتنـي
وقريت عهـد الحـب وحـروف ميثـاق
وتوقيعهـا يـوم إنهـا عاااااااهدتـنـي
يوم إنها جتني علـى نبـض الأشـواق
ذيـك السنيـن اللـي بهـا قاااااابلتنـي
يـوم المشاعـر يمهـا غصـب تنسـاق
يوم إني أعطيهـا مثـل مـااااا عطتنـي
ذكرتهـا والحـزن مغرقـنـي إغــراق
يومـي مقدرهـا .. ولاااااااااا قدرتنـي
وهليـت أنادمع(ن)علـى الخـد حـراق
أبكي على اللـي مـن شقاهـا سقتنـي
أغليتهـا والقلـب مــن همـهـا ذااق
وثقـت فيهـا لـلأسـف وإهجرتـنـي
كانـت تقـول إنـي زرعتـك بالأعمـاق
ومن طيبتـي قلـت المهـاة إعشقتنـي
متعـود(ن) قلبـه علـى الغـدر بـواق
يانعنبوهـا 0000 بالجـروح أثقلتـنـي
شمس(ن)ٍ حجبها الغيم عن صبح الأشراق
طفلـه علـى كـف التعاسـه رمتـنـي
راحت كمـا روح(ن) مـع الليـل بـراق
باعـت غـلا قلبـي :عقـب ماشرتنـي
واليوم لو تاصـل إلـى قطـع الأعنـاق
وراسي لو إنه طـاح مـن فـوق متنـي
والله مأرجع لو عليهـا الفضـا ضـاااق
حلفـت لا أنساهـا مـثـل مانستـنـي
ووالله لا أحـرق قلبهـا بالجفـا إحـراق
خـلاص مابيهـا عـقـب ماتركتـنـي
قولوا لهـا : لا تحلـم بلحظـة أعنـاق
هــذاك أول : أنتـخـي لا إنتختـنـي
قولوا لها :عاشـق سطـع لـه بالآفـاق
نجمـة غـلا .. حظنتهـا وإحظنتـنـي
بنت (ن) غلاهـا بيـن الأضـلاع دفـاق
ومن بحـر حزنـي والعـذاب إنقذتنـي
قالـت تعـال إسكـن بقلبـي والأحـداق
تــراي مثـلـك دنيـتـي عذبتـنـي
قلت :الحقيقـه خاطـري مـا بعـد راق
خايـف أعيـد التجربـه .. وقاطعتنـي
قالـت :طلبتـك خافقـي حيـل مشتـاق
يشرب وفـاك .. وصَّـدت.. وفاجأتنـي
يومه بكت وأسترسلت تشهـق إشهـاق
تبكـي تـقـول إن الحـيـاة أتعبتـنـي
تعبـت يـا عاشـق ويبسـنّ الأريــاق
مواقـف(ن) مـرت عـلـيّ حطمتـنـي
قلت : إبشري بالخيـر يانـور الأشفـاق
وحي الظـروف اللـي معـاك إجمعتنـي
ومـن يومهـا والقلـب بالحـب خفـاق
فـي حـب منهـي بالحنـان أغرقتنـي
الموضوع الاصلي
من روعة الكون
آخر 10 مشاركات
06-07-2007, 09:16
العرض العادي
