( كانت حبيبه ) !!
مات الأمل والحب .. مات بثواني
لازم يموت .. ولوْ تزيد المصيبه
بحاول انسى .. حبها لو خذاني :
عن كل ناسي .. برغمها مو قريبه
ياقلب : وادعها طلبتك .. عشاني
حاول تناساها .. وانا ادري صعيبه
انسى ( الرسايل ) و ( الورق ) و ( المعاني )
ولو زاد جرحك بعدها .. مو غريبه
أنا اطلبك وادري تعيش بكياني
لو وصـْـلها معدوم .. تبقى حبيبه
بس الرساله .. قاتله للأماني
وانا ادري ان الوصْـل بالسرّ .. عيبه
جتك الرساله طلقة ٍ بالمحاني
جارت على كل الجروح العطيبه
مو انت ياقلبي مصيرك تعاني
كنـّك جريح ولا لقاله .. طبيبه
هذا زمانك من عرفته أناني
تنهي مصيبه وتبتدي لك مصيبه
لاتظلم اللي من غيابك تعاني
دنياك في ظلم الحبايب عجيبه
اللي يبونك : يرسلون الأغاني
( واللي نبي عيا البخت لايجيبه )
شفت العمر ياقلب وشلون فاني ؟
الحين انا وياك ندفع ضريبه
للحزن والضيقه وذيك المباني
والدمعه اللي من عيوني قريبه
ياقلب .. شفنا .. بـ ننتهي في ثواني
ماكنـّها ياقلب .. كانت حبيبه ..!!
__________________
الموضوع الاصلي
من روعة الكون
آخر 10 مشاركات
07-07-2007, 12:06
العرض العادي
