(((ذكريات الطفوله )))

ذكريات الطفولة


يافهد تسأل عن اجمل ذكـــــــرياتي
اجمل الذكرى هي ايام الطفـــــــــــــــــوله

الطفوله يافهد شــــــــــمعة حياتي
بس حسافه مرت بلحظه عجـــــــــــــوله!!!

كنت انا والحـــــب وثالثنا المهاتي
نفــــتخر في ليل يجمعنا فضــــــــــــــــوله

بعد حفظ الــــدرس وحل الواجباتي
نلتقي نحكي تفاصــيل البطـــــــــــــــــوله

كنت اسولف له عن اجمل امنياتي
وهي تقول الـلــــــــه لو حلمي اطـــــوله

كنت له (غــنوه) وكانت هي غناتي
وكانت البسمه هي اروع ماننــــــــــوله

كنت اشــــوفه غير عن كل البنـاتي
وكنت اطـــير من الفرح لاشفت زولــــــــه

ايه كنا صــــــغار وقته ومانحـــاتي
بس كنا نلتــــــــــــــزم باللي نقـــــــــــــوله

وايه كنا نجـــــــــهل دروب النجاتي
بس ماكانـــــــت مساعينا كـــــــــــــــســـوله

ان حصل (مني) خطا تدمح خطاتي
وان حصل (منها) خطأ تصبح خجــــــــــوله

حينها ماهمني هرج الوشـــــــــــاتي
لاولا اهتميت في ناس عــــــــــــــــــــــذوله

كان همي بس واكبر معـــــــــــظلاتي
لاكبرنا كيف اواجــــها بسهــــــــــــــــوله ؟

كنت اردد دوم ياويش الســـــــــــواتي؟
وش اسوي لــلزمن أعلن ميــــــــــــــــوله؟

لين فجأه اعلنــــت (لبس العبـــــــــاتي)
ولخبطـــت دنياي في عرضه وطولــــــــــه

انصدمت بواقعي وعزيت ذاتــــــــــي
ذاتـــــــــــــي اللي هالها كبر المهـــــــوله

انعزلت وعفت انا طعم المـــــــــــباتي
وكيف ابــــات وهي عن العين معزولـــــــه ؟

راحت اللي تمتلك احلى الصفــــــاتي
يذكــــرك بالخير يابنت الحمــــــــــــــــــوله

ذاك عشقي من سنين ماضياتـــــــــــي
وكل نفـــــــــــــس تنكــــر الماضي جهولـــه

يافهد تـــــــــــــسأل عن اجمل ذكرياتي؟
اجـــــمل الذكرى هي ايام الطــــــــــــــفوله

الطفوله يافــــــــــــــــــهد شمعة حياتي
بس حسافه مرت بلحـــــــــــــــــظه عجوله !

الشاعر غير معروف بس عجبتني حبيت انقلها لكم

الموضوع الاصلي  من روعة الكون