مــٍـٍقدرٍ آنـٍــــٍسـٍآهـٍ

هذي سنه مرت وانا مقدر انساه ذكراه في قلبي , وروحي , وعيني

هذي سنه مرت وياكثر ملقاه القاه في كل الاماكن يجيني

حتى ولو ماجابوا الناس طرياه يطريه قلبي كل حين ٍ وحيني

الله ياليل ٍ تقابلت وياه يوم الخلايق كلها نايميني

جاني في وسط الحلم ثم مد يمناه وانا عجزت اني احرّك يميني

ماني مصدق !وذكر إناّ دفناه يوم الاحد كل ٍ يجر الونيني

ثم قال ( ياعمي )علامك تناساه الموعد اللي صار بينك وبيني

يومك تقول إسبوع وإلا على اتلاه والله لجيك وكل قاسي يليني

وشوف وعدك !غيّر اليوم مجراه ! قل لي علامك ! ليش قلبك نسيني ؟

ثم جيت ابنطق واخبره ويش يخفاه ! ووضح ضروفي وما صار فيني

إلا ,أسمع المذن يردد مناداه وفجأه ! صحيت وعبرتني تحتويني

ماهو عشان العين شافت حلاياه! دمعي نزل وإلا فؤادي حزيني !!

لانه معي في هيئته مارسمناه دايم وانا اشوفه يساري يميني

بس الذي قطّع فؤادي وبكاه ( ساعة رحيله ماسمع ويش فيني )

خلى في وسط الجوف نار ٍ تلضاه واقفى وخلاني في لهفة حنيني

ياشينها , أيام ٍ خذت كل مقواه لفت عليه انيات ظيم السنيني

قامت في كل ايامها دوم تنصاه حتى خذته ورااح يم اليقيني

رااااح , وعسى الله خالق الخلق يجزاه ( فالجنه ) اللي وسطها كل زيني

يالله يالمعبود يارب يالله ترحم فقيد ٍ ما اغضب الوالديني



اتمنى تنال اعجااابكم القصيده

الموضوع الاصلي  من روعة الكون