السلام عليكم ورحمة الله وبركاته
تحياتي وإحترامي لكم فديتكم..
موضوعي اليوم عن الخيانه..يمكن انكتبت مواضيع وايد عن الخيانه بس انا بكتب شي من وجهة نظري
أول شي: ليش الرجال يزعل إذا البنت خانتـــــه؟؟؟
أخوي الغالي إسمع كلامي عدل يعني إنت حبيت البنت وضحيت لها ووفيت لها وبالنهايه خانتك بكل بساطه...أنت بتزعل ويمكن دمعتك تنزل ليـــــــش؟؟
ياخوي أنا بقولك كلمه وحده بس:
البنت خانت أهلها ماتبيها تخونك؟!
ياخوي الغالي إذا بتحب حب زوجتك إنشاءالله إذا تزوجت..
حلات الحب بالحلال مو بالحرام..
ثاني شي: ليش البنت تزعل إذا الرجال خانهــــــا؟؟؟
ياإختي الغاليه الرجال لو عنده ذرة إحترام ورجوله ماكلم بنت من ورا أهلها...البنت هذي وراها إخوان وأهل لو هو يحترم شرف الناس جان ماكلم بنت من ورا أهلها..
فيالغاليـــه لاتستغربين إذا الرجال خانج أو لعب عليج..
غلاتي البنت لازم تحافظ على نفسها وإذا بقلبها حب تعطيه حق زوجها بالحلال..
وياحلات كل شي بالحلال الله يبارك فيه ووفقه..
أما الحرام الله ماراح يوفق أصحابه..
لاتستغربون إذا الله ماوفقكم بعلاقاتكم إذا هي حرام شلون تبون الله يوفقكم؟؟
وأنا أستغرب لمن الواحد يتضايق إذا أحد خانه؟؟
صج الخيانه تجرح وتعور القلب..
بس بالعكس المفروض تبتسم تدري ليش؟؟
لأن إنت طلعت نظيف والشخص الثاني طلع وصخ...إنت سويت إللي عليك موذنبك إذا الشخص الثاني خان..الذنب ذنبه مو ذنبك..
وبالعكس هو الخسران مو إنت..والمفروض تشكر ربك إن الله خلاك تشوف معدن هالشخص..
ويكفي يكفي إن إنت طلعت من السالفه نظيف وهو طلع بصوره وصخه:sm10:
إذا كان هالشخص واطي وخانك لاتنزل نفسك له بالعكس إرفع راسك فوق إللي خلقه...خلق الف غيره:sm124:(
وهذي أبيات إخترتها لكم إهداء لكل خاين وإنشاءالله تعجبكم فديتكم:اضحك حبيبي دام وقتك مسليــك...بكره تمـــوت من القهر لانسيـتك
راسي لوشح الزمن ماحنيــــته...مابقى إلا إنتي توطيـــــن راسي
ماينحني راسي مادام مرفــــوع...إذا انحنى راسي برجلي وطيـــــته
أنا السما وإنت مثل واطي الأرض...مهما كبرت بالمساحات تحتي
إلا الوفــــا ماله بقلبك بقايـــا...عند الذي مثلك أظن الوفــا عيـــب
والله لا أخلي عزتك تحت ماطاي...تمشي وعينك ما تعدي مواطيـــك
أبيــــــك درس لكل خاين ونساي...وأفهمك قدرك وقيمه مباديـــــــــك
والله لا أهينك لين تبكي تطلب رضاي...ذليل تكسر عين منهو يراعيك
أدري طولت عليكم..
بس ولله هذا الكلام من خاطري وأتمنى إنه يفيدكم..
تحياتي وإحترامي لكم..
وعسى البسمه ماتفاركم...وعساكم في دنياكم تشوفون السعاده
أختكم دمعــــ حزن ـــــــــــــة
الموضوع الاصلي
من روعة الكون
آخر 10 مشاركات
08-07-2007, 01:08
اذا احد خانك ابتسم ...........
العرض العادي
