تجربتي مع مريضه بالفصام ......

][`~*¤!||!¤*~`][السلام عليكم ورحمة الله وبركاته .....

كيفكم حبايبي ... أنا عندي موضوع من زمان ودي اني اكتب فيه لأني أعتبرها شي معرفته
أساسيه في حياتنا وحياة الآخرين ....اللي نصادفهم
موضوعي يتكلم عن مرض نفسي ..... منتشر بالفتره الاخيره ...
انا اول شي بأقولكم تجربه لي مع مريضه بهذا المرض ..
بعدين اوضح لكم المرض وشو بصوره علميه من خلال مادرسته ..
في دكتوره لنا بالجامعه الله يسعدها تحب ان اي مرض نفسي
ندرسه ونسلط الضوء عليه ... انها تعرفنا عليه بطريقه مباشره
على مريضه وهذا صعب يتوفر لها بس تحاول حتى نوثق ماندرسه بتجربه لا تنتسى....
فكانت لي تجربه مع هذي المريضه ماأنساه ..
المريضه عمرها في العقد الرابع تقريبآ وعندها ولدين فقط
ماتزوجت الا وهي عمرها حوالي 32 سنه ... شخصيه بطبعها انطوائيه ولا تحب الاجتماع كثير
وهذا أهم صفه يتسم بها المريض بهذا المرض.. لها ميول ثقافي وتهتم بالكتابه ..
امها توفت وهي بعمر العشرين وكانت اقرب انسانه لها يعني اكثر من 8 سنين وهي وحيده قبل
ماتتزوج وهي اصغر خواتها واخوانها من امها وكانوا كلهم متزوجين وطبعآ ابوها بعد ماتوفت
امها صار مع زوجتة الثانيه على طول وهي لحالها بالبيت مع خدامتها وابوها يطل عليها كل
يومين .....وهذا شي بطلب منها انها تقعد باليت لحالها..حاوووولت الانتحار أكثر من مره ولكن
زادت محاولات الا نتحار بعد زواجها .....

شفتوا كيف كانت ظروفها صعبه بالنسبه لشخصيتها الانطوائيه ... وهذا يساعد كثير في نشوء
المرض ..
ولها كم كتاب وجميع كتبها تتصف بسمة .. الحزن-الوحده والأنطواء-الشك بالسوء في أناس
مقربين لها طبعآ الشخصيات المستخدمه في كتبها جميعها اناس مقربين لها ولكن محد يعلم
انها تقصد نفسها بالكتابه لأن فيه اشياء خيال محد يصدق انها تحصل في الواقع
لكن المريضه تشوف انه فعلآ صحيح وصار لها ..
تدورن هذي المريضه تشوف الناس كلهم أعداء
لها لما كنا جالسين معها وطبعآ كنا عدد بسيط حتى لا نتسبب في انتكاسة الحاله ونحسسها انها
مريضه بمرض غريب... كانت تبكي وتصيح بصوت عالي ... تتوقعون وش تحسنا في ذيك
اللحظه كانت تقول علينا انا شياطين ونبي نبعدها عن الناس لأنها خير والناس كلهم اعداءها ...
ومايبونها ....
طبعا انا في اول لقاء وكذا كانت المريضه بس تبكي وتصيح قلت للدكتوره اعتذر ماااقدر اكمل
اكتفي بالنظري الا الدكتوره تلزم علي اكمل لأني خوافه خخخخخ والتجربه بتفيدني كثير .....
الحمدلله اني كملت معهم الجلسات تقريبآ كلها ...
بعد كذا في الجلسات اللي بعدها واخذت المريضه علينا اشوي اشوي وارتاحت لنا
صارت تمسكلنا كتبها وتقرا لنا كل قصه من قصصها وتقول لنا وش تقصد فيها
وتفسيراتها كلها الناس مايحبوني الناس يكرهوني عشان اقو ل الحق زوجة ابوي تحاول
تسممني كذا مره طبعآ كل هذا من خيالها بس مصدقه خيالاتها وتعيش في عالم خارجي غير
اللي تعيشه أصلآ..
وطووول ماهي تتكلم عيونها فوق تطالع ماتنزلها حتى تخلص كلامها ..
وهذي سمه عضويه للمريض
المهم بعدها استمرت على العلاج بالكهرباء حتى انتظمت بعض السلوكيات عندها
ولكنها بين فتره وفتره تنتكس الحاله وترجع للمستشفى ثاني مره وهذا المرض نادر يشفى منه
المريض ... اتمنى من الله انه يشفيها ويخليها لأسرتها واطفالها اللي هم بحاجه لها ...

المرض هو ... الفصام ...
هو مرض ذهاني يؤدي الى نقص انتظام الشخصيه والى تدهورها التدريجي ... ومن خصائصه
الانفصام عن العالم الواقعي الخارجي ...والمريض يعيش في عالم خاص بعيدآ عن الواقع
وكأنه في حلم مستمر ..

سمات االمريض :
تتسم الشخصيه الفصاميه .. بالسمات التاليه : الانطواء والانعزال والفرديه والسلبيه والكتمان
والانغلاق على النفس والحساسيه الزائده و الخجل والعناد ونقص القدره على تكوين علاقات
وصداقات شخصيه واجتماعيه طيبه والاستغراق في الخيال وتجنب الواقع .....
أعراض الفصام :
- العد عن الواقع والاستغراق في الذات.. والعيش في عالم خيالي من صنع المريض ولا
يستطيع المريض التمييز بين الواقع والخيال .
-الهذاء وتغير الشخصيه وفقدان الشعور بالشخصيه الحقيقيه .
-نقص تعاونه وصعوبه التفاهم معه .
-اضطراب الكلام وعدم منطقيته وعدم تماسكه وابتداع كلمات جديده .
-اللازمات الحركيه وخاصه حركات الوجه واليدين والرجلين .
-فقدان الاهتمام بالمظهر الشخصي واهمال النفس .
علاج الفصام :
لا يودع في المستشفى الا حالات الفصام الحاد أو في حالة اذا المريض يمثل خطرآ على نفسه او على الآخرين ..
وعلاجه عمليه طويله وتحتاج الى الصبر والاهتمام بالعلاقه العلاجيه ..
* علاج الرجفه الكهربائيه: وخاصه في حالة الفصام الحركي والهذائي .
*علاج الفردي: يهدف الى تنميه الجزء السليم من الشخصيه واعادة تنظيم الشخصيه .
*علاج اجتماعي : يهدف الى تجنب الانسحاب والعزله .
ومرض الفصام من الأمراض التي تشاهد فيها النكسات أحيانآ
ونسبه الشفاء التام حوالي 25% ونسبة الازمان حوالي 25%
ويمكن لمرضى الفصام الذين يتلقون العلاج السليم الخروج من المستشفى في حدود 6-12
شهرآ .
هذا تلخيصي للمرض درسته وعشته واتمنى اني وصلت المعلومه اللي ابيها ....
واستفد اشياء كثيره والله من هالتجربه اول شي قلبي قوي اشوي واعجبني موقف زوجها
تزوجها وهي يدري انها مريضه بهذا المرض وصبر عليها ..له اجر بأذن الله ..
وحسيت بالنعمه اللي اغلبنا عايشها ولاهوحاس فيها (الصحه النفسيه) مهمه لنا حتى ننسجم
مع المجتمع اللي نعيش فيه وننسجم مع الذات اولآ حتى نقدر اننا ننتج في المجتمع ومانكون سبب لتأخره.......
نسأل الله السلامه والعافيه ....][`~*¤!||!¤*~`][

الموضوع الاصلي  من روعة الكون