من مات يرجع حيٍ ؟؟؟؟؟؟؟

عمتي وينها إمي ؟
عمتي ليه تبكين ؟
وكل ما سألتك ماتردين ؟
وش فيها إمي هو الموت شين ؟
عمتي الموت وش هو الموت ؟
إبوي يبكي وخالي يبكي
خالتي وجدي كلهم يبكون
ليش إنتم تخافون
ليش أنا ما خفت ؟
ليش أنا ما بكي ولا فيه أحد يحكي ؟
بس تبكون
أيه عرفت الموت يعني زي جدي علي
يوم رحنا أنا وأهلي
وكان عمي يبكي
ومن يومها ما شفت جدي
يعني ما راح أشوف إمي ؟
يمه لا لا تموتين
يمه لا تخليني لحالي وتروحين
يمه أنا وشلون ألبس ثيابي ؟
وشلون أرتب شنطتي وكتبي ؟
وشلون أروح المدرسة ما معي شي؟
من يسرّح قصتي وشعري ؟
من يذاكر لي دروسي ؟
من يعلمني أرسم ؟
من يعلمني أقسم ؟
من يصحح لي جمعي وطرحي ؟
من يمسح دمعتي لا من بكيت ؟
من يشاركني فرحتي لا من فرحت ؟
يمه لا لا تموتين
عمتي تكفين قولي لي
من مات يرجع حي ؟؟
من مات يرجع حي ؟؟

الموضوع الاصلي  من روعة الكون