تبي تعرف وش اخباري .... ؟؟؟!!

السلام عليكم ورحمة الله وبركاته

قصيدة قرئتها جميله فيها معاني رائعه واحساس دافئ يجذبك إليه احببت ان تشاركوني فيها

منقوووووووووول


تبي تعرف وش اخباري ؟؟



تبي تعرف وش اخباري ..!!

تعال وشوف

تعال وناظر بعينك .. هذاك الجوف

بربك يعني ماتعرف وش احوالي !!

وش اللي تنتظر احكيه ..

بعد ماسبتني الحالي ..!!

صباح وممتلئ حيره

ودمعن لانزل مني .. يموت ويبتدي غيره

مساء خالي من الافراح

الم دمعه جفا وجراح

وهاذي كلها احوالي

بعد عمري عساك بخير

وش اخبارك

عسى ماطالك التغيير

عساك اليوم متهني

بعد هذا الزمن ياقلب .. خذاك وخلصك مني !!

بلا اسباب ..

غير اني .. رخصت القلب لعيونك

عرفت اني .. ابد لاشي من دونك


وجيتك حلم .. على قلبك يبي يصحى .!

احبك مو مهم اشلون .. تكون ابعام او فصحى ..

كتبها قلبي لعيونك ..

بيوم وكنت مجنونك ..

وكنت .. !! وكنت .. !!

وربي باقين للحين احبك واعشق ترابك ..!

ولو كل العمر يازين .. تصك ابوجهنا بابك


وهاذي كلها احوالي

يجيني بالمساء طيفك .. بوسط الليل

ابوسه واسأله كيفك .. واضمه حيل

ولايحكي ولايحكي .. ارد ارجع انااشكي

عساك بخير طمني .. وراك تغيب

امانه ضمي اجروحي .. ابيها اتطيب


بربك وش تبي احكي

تعبت ورب من حبك

تعبت وهدني حبك

تبي احكي بعد اكثر

تبي تعرف هذاك الهم .. اشلون ابغـيبتـك يكبر ..!!

تبي تعرف غيابك كيف عذبني

تفضل مدها رجلك .. ودش ابدخل اضلوعي

هذاك اللي يصيح هناك .. تشوفه زين ..!!

هذاك اللي انقسم نصفين ..

هذاك القلب ..

تعالي قربي منه

تعالي واسمعي الحنـه ..

تدري يابعد عمري ...

من اول يوم هديتيـه

مثل ماتشوفها عيونك

يضم الجرح وطعونك

واسمك دوووم بلسانه

تعلق فيك ...

وصرتي للاسف عنده .. حياته واغلى انسانه

تعالي كملي المشوار

هذاك اللي هناك ايسـار

تشوفينه .. بربك ماتعرفينـه .. !!

هذاك الجوف .. هذاك الممتلئ قلبه .. عذاب وخوف

تعالي شوفي ابيوتك

كثيره حيل ..

قصور ومالها آخر . .

مدينة شوق ..

غلا كاسي سماها فوق ..

شفتي كيف مهجوره ..!!!

بيوت تصيح مكسوره ..!

مدينها مابها سكان . . .

كستها ابليله الاحزان

هنا كنتي تنامي يوم ..

هنا مرقدك .. وربي يالغلا فاقدك

هناك اتسولفي تقولي ..

وهنا تمشين وتجولي ..

مثل ماكان ..

سوى انه فقد انسـان ..

ابليلة هجر ,, حمل كل الفرح وياه

وراح اقفى ..

ترك ذاك الخفوق اللي . . بدونه حيل مايدفى

وش احكي لك بعد ... بسكت

وهاذي كلها احوالي ..

بعد ياسيدي للحين ..

تبي تعرف وش اخباري ..!!


صح لسان قايلها

الموضوع الاصلي  من روعة الكون