¤§¤*( مكــتبــه كلمـــات الاغــانــي .. الخليــجيــه & العــربيــه )*¤§¤

... ضـوى لـيـل ...


غنـــــــــاء: عباس إبراهيــــم


ضوى ليل بعد ليل وأنا لأجل الوعد ساهر
حكى ليل وسكت ليل حبيبي غايب وهاجر

أحس النار في ظلوعي أخبي وأطفي شموعي
وأخلي الظلمة لدموعي مناديل

مشى غيم ورحل غيم وقلبي من الزهر ذابل
نصيبي وأنا هايم أحب من المها الجافل

عيونك في السما بارق وخدك في القمر شارق
تجيني ليل وتفارق قناديل

مضى خوف ورحل خوف غيابك طال ياروحي
عيوني متى تشوف ومتى أحيا يابعد روحي

يقولوا الناس ويش فيني شعاع الشمس يطفيني
وانا في الليل بتجيني مراسيل

... خــان ...

غنـــــــــاء: عباس إبراهيــــم


خان ويحسبني أخون شافني بعيون طبعه
غيرت فيه الظنون طاوع العذال ربعه

شافله غيري ونساني صار كذاب وأناني
ظلم الدنيا بعيني راح وماخلى لي شمعه

شللي يجبرني عليه من عرفته وأنا أتعب
شاف قلبي بين إيديه وصار عالحبلين يلعب

غرته ضحكت سنونه والقصايد في عيونه
ماحسب هالورد باكر يختفي ويموت زرعه

آه ياعمري الجراح ليتني مايوم طعته
اللي عذبني وراح باعني والحين بعته

بانت عيوبه وبان للآسف ماله أمان
واللي مثله ما أبيه أتركه من غير رجعه

خان ويحسبني أخون شافني بعيون طبعه

... أعـذرنـي ...


غنـــــــــاء: عباس إبراهيــــم

أعذرني فيك لو قلت أبيك
إنت أختياري في العمر
تامر على روحي أمر
أشرلي بعيونك أجيك .. أجيك
إعذرني حبيتك انا لا تقسى في حكمك عليّ
يا أغلى من روحي أنا أنت وجودي وكل شي
ماإنت مثل غيرك مثل غيمه تمر
إنت أختياري في العمر
تامر عل روحي أمر
أشرلي أجيك ... أجيك
لك أحلى كلمة شلتها في خاطري لك تشتعل
عزمت أقول وقلتها وبانتظر ردة فعل
أحتاج أنا ردك على حر الجمر
إنت إختياري في العمر
تامر على روحي أمر
أشرلي أجيك ... أجيك

... الـــورد ...


غنـــــــــاء: عباس إبراهيــــم

ذي ريحة الورد ولا أنفاس محبوبي
هاذي القناديل ولا وجنة الغالي

الغالي اللي يعطر بالوفا دروبي
لا جابه الحظ كل الوقت يحلالي

مغرور لا من تبسم والتفت صوبي
كن السحايب تغازلني أنا لحالي

له وضعه الخاص باحزاني وباسلوبي
راقي بطبعه وعندي منزله عالي

مرات يزعل وأحس أن القلق ثوبي
ومرات يقبل وأشوف إن السما ظلالي

شفاف قلبي وهاذي أجمل عيوبي
وانا بقلبي أشيل المر والحالي

... هــواهــا ...


غنـــــــــاء: عباس إبراهيــــم



تخفي هواها من حياها عن الناس
تخشى عيون الناس تجرح هواها

قالت هلا وتبسمت وأشرق الماس
وتعلقت روحي بعالي سماها

وقمت أتلفت وأشغل الفكر هوجاس
قالت هلا لي أو لغيري هلاها

الله عليها شوفها فيه نوماس
تشفي عليل النفس بسمة شفاها

فيها رسوم الملح والزين بقياس
من كل لون ولون ربي عطاها

العين نجلا ومطرق القد مياس
والشعر ناري لي تثنت كساها

وإحساسها في الحب ما مثله إحساس
إحساسها يصحى ويرقد معاها

معها نسيت الهم والحزن والياس
وما عاد في دنياي شي سواها

... ياليت تذكرني ...


غنـــــــــاء: عباس إبراهيــــم

ألا ياليت تذكرني حبيبك مانسى ذكراك
غدت أحلامه أحزانه وغابوا عنه خلانه

بقى في يوم الفرح بسمه تدور مسكن بدنياك
وأبعدها ظلام الليل وأصبح قلبك أوطانه

تعال وشوف لي دمعه أبحبسها إلين ألقاك
لعلك تمسح الدمعه يغيب الحزن وأشجانه

أنا ياصاحبي مدري ذكرتك يوم جيت أنساك
وذكرت إنك رحلت وقلت هذا الحب وأحزانه

إلين أبعدت ألاقي العمر يجيب خطاي لما أخطاك
تاخذني دروب الشوق ولاوصل إلين بيبانك

أنا قلب تعذب حيل من بعدك ومن جفواك
أنا جسم بليا روح عاب وغابت أزمانه

... يسعدك ربي ...


غنـــــــــاء: عباس إبراهيــــم

يسعدك ربي أسعدتني بحبك
مسكنك قلبي وأنا مسكني قلبك
ياكل الهنا يا إنت يا أنا
يسعدك ربي
يسعدك رب براك
صورك مثل الملاك
غالي وتفداك روحي
الله بل يبين غلاك
يا كل الهنا يا إنت يا أنا
يسعدك ربي
ياهوى بالي تراك مافي هالدنيا سواك
يسعد قلب العليل ويرتوي عمري معاك
يا كل الهنا يا إنت يا أنا
يسعدك ربي

... أرعـى خــيالك ...

غنـــــــــاء: عباس إبراهيــــم


أرعى خيالك في خيالي وأناجيك
واضم طيفك وأحسب إنه قوامك

وأشتاق لك وأحلم بزولك وأراعيك
وأخاف من غيري يفوز بغرامك

بسم الدمع متى بأشوفك وأناديك
وإلامتى أسمع لتغة في كلامك

علمتني فن السهر في لياليك
وسحرتني بمداعبك وإبتسامك

إيماني بحبك سبب رغبتي فيك
تامر وأطيعك ما سألتك علامك

حتى حياتي غيرتها مباديك
وأصبحت أعرف ياحبيبي مقامك

... تستاهل العنوة ...

غنـــــــــاء: عباس إبراهيــــم


حنا عنينا لك تستاهل العنوه ... مشفين لوصالك في عيوننا شكوى
البعد عنانا ونخاف تنسانا ... حنا عنينا لك تستاهل العنوه
تذكر ليالينا يومك مآنستنا ... شوقك مهنينا وبالحب توعدنا
الله لك البارح طيفك مساهرنا ... ورمشك الجارح دايم يشاغلنا
لو كان في قلبك الشوق يدعينا ... حنا نبي قربك واليوم لك جينا