¤§¤*( مكــتبــه كلمـــات الاغــانــي .. الخليــجيــه & العــربيــه )*¤§¤

أحــــــــــــلام ,, أثقل صنعه


ناويلك

ناويلك على نية
بس إنت اصبر إشوية
إذا ما علقك فيني
وهواك يصير بيدية

والله لشغل أفكارك
وأشعل بالهوى نارك
وأسكن قلبي بدارك
وأعلمك الرومنسية

ودي أسمع أنا أحبك
بصدق يقولها قلبك
وأشوف الشوق يلعب بك
بالروحة وبالجية


كلمات: الشيخ سعود الشربتلي
الحان: عبدالله القعود

--- --- --- --- --- ---


الثقل صنعه

يقولون الثقل صنعه وأنا أقول الثقل بعدين
أنا مافيني أتحمل أنا حقي أبيه الحين

أبيها حاضر بحاضر ولاني منتظر باكر
أنا يومه جرح قلبي صبرت وقلت أرد الدين

تعبت أشيل غلطاته وجمّلها وأعديها
وصرت بكثرها ما أعرف ولا أدري وين أوديها

يا كم مره سامحته وعاتبته وصالحته
ولا هي مرة ومرة ولا هي مرة وثنتين

أنا أوعد قلبي الصادق لعذب قلبه القاسي
ويا ويله ما دام إني نويت أحطه براسي

بخلي كل أيامه تبوح بجرح آلامه
وبخلي حسرته تظهر على وجه الحزن وتبين


كلمات: الشيخ منصور الشادي
الحان: ناصر الصالح


--- --- --- --- --- ---


ما تسأل


ليه أنا أقدر ظروفك وأنت ما تقدر ظروفي
ليه أنا إللي دايم اسأل وأنت ما تسأل أبد

ليه أنا دايم عليك تحرق اللهفه كفوفي
وأنت عايش في حياتك كني ما بقلبك أحد

آه لو حسيت مره نفس احساسي وخوفي
أو عرفت شلون قسوة انتضاري والوعد

ولا لو جيت وقريت كلمة الشوق بحروفي
كان ما فكرت لحظة عن حياتي تبتعد

يللي شوفك صار عندي أغلى من نفسي وشوفي
وأشعر إني لو فقدتك كل عمري ينفقد

وأنا ماهو ذنبي إني جيتك أشكيلك ظروفي
وماهو ذنبي إن قلبي قال أحبك للأبد


كلمات: الشيخ منصور الشادي
الحان: بديع مسعود


--- --- --- --- --- ---


طولت

طولت طولت هالمره هالغيبة
عل وصلك يبشر قلبي ابشارة

كان طفلين ابصدري وانتثر شيبة
حبك إللي جرحني وش هي أعذاره

في حكي في صدري ودي أحكي به
قلبي إللي بقلبك وش هي أخباره

قله إنه بعيد وحيل ودي به
وقله أنه يرد الوصل بزيارة

نجمة البال تقبل به وتقفي به
بين شك ويقين الحب محتاره

ليت لي صوت بعدك كان أنادي به
أنت أخذت الحكي والقلب وأفكاره


كلمات: الأمير سعود بن عبدالله آل سعود
الحان: الفيصل


--- --- --- --- --- ---


هلا بالجرح

هلا بالجرح ما دامه
بقايا ريحة أحبابي

هلا بالدمع لعيوني
ولو غطى محاجرها

هلا بالليل ما دامه
طيوف تسكن أهدابي

تجيني بسمة خجلى
تسامرني وأسامرها

هلا بك سبة أتعابي
وأنا إللي لجلك أتعابي
أبلفي بحرها الظامي
وبروي من مشاربها

هلا بك من بدى عمري
إلين أعانق أترابي
وإذا ودعت أنا الدنيا
معك قلبي معانقها


كلمات: الشيخ منصور الشادي
الحان: ناصر الصالح


--- --- --- --- --- ---


ليه يا دنيا


ليه دنيا ويا زمن كل شي وله ثمن
حتى أشواقي نسيت مدري هي صارت لمن
ليه في عز المحبة خذت مني إللي أحبه وافترق دربي ودربه
ليه يا دنيا

من يسليني بيومي
من هو أحكي له همومي
ليه تبين تزودين فيني يا دنيا همومي

شللي سويته بعمري
ودي أفهم ودي أدري
من سواتك فيني والله
شيبت والعمر بدري

كافي شري وكافي خيري
حتى مادري وش مصيري
شوفي غيري عذبيه
ولا هو مافي غيري
ما شفت بك أي راحة
مليت وبكل صراحة
أنا أول شخص يتعب وتمل منه جراحه
ليه يا دنيا


كلمات: عبدالله بودلة
الحان: محمد بودلة


--- --- --- --- --- ---


بطلنا نحب


بطلنا نحب وبطلنا
نعشق نشتاق نتمنى
بطلنا نغار نتألم
مادام الغالي يعذبنا

مادام الغالي ما يسأل
وتغير قلبه وتبدل
الأفضل والأحسن نرحل
عن قلب نحبه ويجرحنا

تحملنا قد مافينا
إللي شفناه يكفينا
خلينا ننسى خلينا
والله عالبعد يساعدنا


كلمات: الشيخ سعود الشربتلي
الحان: عبدالله القعود


--- --- --- --- --- ---


راسك

شيل من راسك أجيك واعتذرلك وارتجيك
أنا ما صدقت تزعل كيف تبغاني أجيك

فرصة جتني واحتريها من زمن نفسي تبيها
والفرص في الحب صعبة وأصعب التفريط فيها

أنا في غيابك أنا عشيتي آخر هنا
معك يعني لي رجوعي هم وأحزان وعنا

ليه ارجع بس ليه واحترق وأبكي عليه
والله يا عمري غيابك أغلى شي عندي أبيه

لا ما جيلك لا لا عادي لو مات الغلا
عيشتي وياك مره ما بها مرة حلا

اعتبر هالعلم حلم لو تحقق صار ظلم
واحمدالله انتهينا دون حرب دون سلم


كلمات: الشيخ منصور الشادي
الحان: ناصر الصالح

--- --- --- --- --- ---


عادي

تقول عادي غيابي
وفيك ما يأثر عذابي
وأنا أدري إنك تضيع
قبل لا أبدي بغيابي
تقول عادي غيابي

لو أغيب يغيب وياي الهنا
والفرح ينساك ويذكرك العنا
حط في بالك حبيبي
إللي باقيلك من الدنيا أنا

غيبتي عندك مو شي سهل
لو أغيب بنار بعدي تشتعل
لا تكابر يا حبيبي في دلالك
ولا تعاندني ترى منك أمل


كلمات: عبدالله بودلة
الحان: محمد بو دلة


--- --- --- --- --- ---


يا حليله

يا حليله يا حليله يحتري مني أجي له
يكفي وياه اتكلم هذي من عندي جميلة
إن بكى خلوه يبكي وإن شكى لله يشكي
أما أنا والله مبطي مدة غيابي طويلة

يتحرى مني اسأل هذا في حكم المؤجل
من هو فينا إللي تبدل وشوهوا الصورة النبيلة

وصلوا له لا يجيني
لا يكون أتشوفه عيني
علموه إني كشفته
وكل يروح بسبيله

يتعذب ما يتعذب
استقر ولا تغرب
حب غيري ولا ما حب
عادي وبلقى بديلة

إن شكى فرقاه مني
أو سأله الشوق عني
لا يدور أي غاية
في رجوعي أو وسيلة


كلمات: الشيخ منصور الشادي
الحان: بديع مسعود


--- --- --- --- --- ---


تعاهدتوا


تعاهدتوا مع قلبه
يا حظي ويا زماني ليه

وأنا كل إللي سويته
عطيته قلب ميت فيه

أهو يجرح وأنا أتحمل
وأداري هالحزن عنكم

ولاقي للأسف حتى
جروحي ما سلمت منكم
تعاهدتم عليه ليه

حستوني على الفرحه
وقلبي ما بقى به حيل

حرمتوني من الراحة
وعيوني ما تنام الليل

كذا يا حظي الظالم
كذا يا هالزمان أبقى

أنا اتصبر عشان القاه
وفي الآخر تجي الفرقا
تعاهدتم عليه ليه


كلمات: هيفاء خالد
الحان: عبدالله الجاسم

--- --- --- --- --- ---


أكثر من أول


أكثر من أول أحبك بس ما أبغي أقول
أخاف لو قلت تتغلى على مرة

أنا بصراحه أحبك حب مو معقول
أكبر دليل لغلاتك غيرتي مرة

شف دمعتي لهفتي حتى العيون تقول
أحلى كلام أحفظه ويضيع من نظرة

لما تقول لي أحبك التفت بذهول
ومن فرحتي فيك تخنق صوتي العبرة

لاغبت أحس الدقايق في الغياب تطول
وتشب في غيبتك وسط الحشى جمرة

كل البشر حبهم قطرة غلا وميول
وحبك بحر وش تجي عند البحر قطرة

ما بالغ إن قلت وإن بالغت أنا المسؤول
فأنا أصدق احساس في الدنيا على فكرة


كلمات: الشيخ منصور الشادي
الحان: بديع مسعود


--- --- --- --- --- ---


أقسم


أهواك أنا وأخفي الألم
وأقسم لك بربي قسم
لا تغيب عنا يا غلا
ومن فارق أحبابه ظلم

غلاك موجود وأكيد
ما جد في هذا جديد
ما دامك الحب الوحيد
عالروح والقلب انقسم

حاولت أنا اخفي الجروح
عل وعسى يمكن تروح
جروح لك عنها أبوح
جروح من عانا الندم

أبكي على وقت مضى
كني على نار الغضى
عقبك ترى ضاق الفضا
واليوم شيفيد الندم


كلمات: سمو الشيخ نهيان بن زايد آل نهيان
الحان: مبارك العامري

--- --- --- --- --- ---


بالراحة


بالراحة علينا بالراحة
يا زايد في قلبي جراحه
هذا وتقول مريحني
أي راحة هذي أي راحة

بلا ذنب وسبة تخاصمني
ولا إنت إللي راضي تفهمني
كني ناقص يا حبيبي ظلم
ما يكفي زماني ظلمني

بالراحة وأنظر لحالي
تعرف إنك علي غالي
وحدك ساكن في خيالي
والروح ماهي بمرتاحه

يلي حياتي في إيدينك
والعمر نظرة من عينك
يكفي قساوة يا الغالي
عذبت بحبك غالينك

بالراحه ليتك وليتك
تشعر بحزني لا جيتك
يلي قلبي صاير بيتك
حتى ومعطيك مفتاحه

مالي ترى عمر من دونك
عمري وروحي يفدونك
لأنك عايش بقلبي
أخون نفسي ولا أخونك


كلمات: الشيخ منصور الشادي
الحان: بديع مسعود

الموضوع الاصلي  من روعة الكون